Libi: Vritet Muamar Gedafi (video)

nga **Agim Gashi** Thu Oct 20, 2011 11:24 pm

Libi: Vritet Muamar Gedafi (video) Gaddafi%20said2

Libi: Vritet Muamar Gedafi (video) Gaddafi%20said1

Libi: Vritet Muamar Gedafi (video) Gaddafi%20said

Libi: Vritet Muamar Gedafi (video) Dead-Muamm-007-1

(I plotësuar) - Ish udhëheqësi libian Moamar Gadafi vdiq. Gadafi u vra nga Forcat e Këshillit Kombëtar Kalimtar të Libisë gjatë sulmit të tyre kundër qytetit Sirte, qendra e fundit e rezistencës së forcave qeveritare, besnike të ish-udhëheqësit libian.
Kryengritja kundër Gadafit i dha fund sundimit të tij autokratik prej 4 dekadash. Kryetari i Këshillit Kombëtar Kalimtar Mustafa Abdel Xhalili e konfirmoi vdekjen e Gadafit në një konferencë shtypi në Libi. Muamar Gadafi ishte 69 vjeç.
Edhe Shtetet e Bashkuara morën konfirmime për vdekjen e Gadafit nga zyrtarët libianë.
Pamjet e trupit të tij të përgjakur u transmetuan nga televizionet e vendeve të ndryshme të botës. Trupi i Gadafit i shtrirë në tokë u paraqit i rrethuar nga forcat e Këshillit Kombëtar Kalimtar, të cilët e morën atë nën kujdesin e tyre.
Nuk janë ende të qarta rrethanat e vrasjes, por luftëtarët e Këshillit thanë se Muamar Gadafi u gjet ndërsa qëndronte i fshehur nën tokë dhe atë e qëlluan me armë dhe e vranë, gjatë operacionit për marrjen nën kontroll të qendrës së fundit të rezistencës së forcave të tij.
Këshilli Kombëtar Kalimtar ka thënë se do të deklaronte çlirimin e mbarë vendit pasi të merrte kontrollin e Sirtes, një qytet bregdetar 360 kilometra larg Tripolit. Sot luftëtarët e Këshillit Kalimtar e festuan ngjarjen me të shtëna në ajër dhe duke valëvitur flaumrin e ri kombëtar në qytetin mesdhetar të Sirtes, që ka qenë i rrethuar për rreth dy muaj nga forcat e Këshillit Kombëtar Kalimtar.

* * * * * *

Kryeministri i përkohshëm i Libisë, Mahmud Xhibril, tha se lideri i përmbysur Muamer Gadafi, është vrarë.

Zoti Xhibril, zëvendës lider i Këshillit Tranzicional Kombëtar të Libisë, që praktikisht paraqet qeveri të përkohshme, tha në konferencën për shtyp në Tripoli se “kemi pritur një kohë të gjatë për këtë moment; Muamer Gadafi është vrarë”.

Ministri i informatave, Mahmud Shaman, tha më herët se Gadafi është vrarë derisa po përpiqej të largohej nga qyteti i tij i lindjes, Sirte.

Stacionet ndërkombëtare televizive po transmetojnë atë që thuhet se është fotografia e trupit të Gadafit, që po tërhiqej nëpër tokë.

Në gjithë kryeqytetin Tripoli dëgjohen të shtëna festuese dhe brohoritje “Zoti është i Madh”.

Komandantët e Këshillit Tranzicional Kombëtar thonë se trupi i djalit të Gadadfit, Mutasin, poashtu është gjetur në qytetin Sirte.

NATO-ja ka konfirmuar se e kishte lansuar një sulm ajror kundër konvojit, që përpiqej të largohej nga Sirte.

Por, aleanca nuk e ka konfirmuar menjëherë se Gadafi është vrarë.

Nuk ka pasur ende reagim zyrtar nga Shtetet e Bashkuara. Departamenti i shtetit ka thënë se nuk mund t’i konfirmoj raportet për zënien ose vrasjen e Gadafit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30