Koalicioni qeverisës funksionon me shantazhe

nga **Agim Gashi** Sat Nov 05, 2011 9:06 pm

Prishtinë, 5 nëntor – Behgjet Pacolli e ka lidhur fatin e qëndrimit në Qeveri me mënyrën se si do të privatizohet gjiganti metalurgjik “Trepça”. Për këtë e ka informuar edhe zyrtarisht kryeministrin Hashim Thaçi.

Disa muaj më parë, kur ministri i Zhvillimit Ekonomik, Besim Beqaj, kishte provuar të kalonte në Qeveri një ligj për transformimin e pjesshëm të “Trepçës”, kryeministri i kishte thënë se duhej bërë disa konsultime shtesë. Dhe, nuk ka pasur një herë të dytë për ta kaluar ligjin. Mënyra se si parashihte PDK-ja të bënte këtë transformim nuk është e njëjta me atë të KKR-së, subjekt politik që e drejton Pacolli, prandaj kalimi i ligjit do t’ia humbiste Thaçit partnerin kryesor të koalicionit.

Me anë të një shkrese, Pacolli që më 20 qershor ia kishte thënë troç kryeministrit insistimin për “Trepçën”, e po kështu ia kishte shpërfaqur edhe kërcënimin.

“Lidhur me projektin e ‘Trepçës’, si rrjedhojë e takimit që kishim kohë më parë me Ekselencën e Tij, Princin e Kentit, me insistimin tuaj, ju kërkuat që unë të punoj këtë projekt dhe në këtë drejtim jemi duke punuar ende, mirëpo unë e shoh të pakuptimtë dhe jokorrekte, që paralelisht, pa informimin apo konsultimin tim, të tentohet të miratohet në mbledhjen e fundit të Qeverisë së Kosovës një projektpropozim mbi ‘Trepçën’, që gjithsesi për ne mbetet i papranueshëm”, thuhet në shkresën e Pacollit, një kopje të së cilës e ka siguruar “Koha Ditore”.

Gjerësisht për këtë lexoni sot në gazetën “Koha Ditore’

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30