Komenti i Adem Berishes në Youtube te kënga për Diellzen dhe Ninelin

nga **Agim Gashi** Tue Dec 20, 2011 11:58 pm

Komenti i Adem Berishes në Youtube te kënga për Diellzen dhe Ninelin

Rapsodi, krijuesi e atdhetari i shquar Agim Gashi me gjithë potencialin e tij intelektual e njerëzor tërë jetën e tij nuk reshti së krijuari, kënduari e vepruari për interesat madhore të kombit shqiptar në përgjithësi e popullit shqiptar të Kosovës në veçanti. Tek ai kurrë nuk gjeti vend frika as lakmia por vetëm njerëzorja e atdhedashuria. Shkroi e këndoi për gjithë virtytet e popullit të tij por edhe gjithë figurat e ndritura e vlerat e shumta kombëtare. Me vrasjen e birit të tij Ninelit 17 vjeçar nga dora gjakatare e policisë serbe dhe diegien e shtëpisë deri në themel, ai mori një goditje të rëndë të shoqëruar pastaj edhe me goditjen e kafshatën e hidhur të mërgimit. Duke përjetuar rëndë ndëshkimin e pafajësisë nga duart gjakatare, veçmas humbjen e jetëve te të rinjve e të rejave, si personifikim të tyre në këtë këngë i këndoi Ninelit dhe Diellzës, e cila tashmë është bërë simbol i dashurisë dhe pikëllimit por edhe urë lidhëse midis shumë motrave e vëllezërve shqiptar kudo në trojet e tyre etnike por edhe gjithandej Evropës e Amerikës, të cilët pa fajin e tyre humbën jetën sapo kishin filluar ta jetonin atë. Sot Agimi jeton në kushte tejet të vështira jetësore e me një gjendje të keqësuar shëndetësore bashkë me vajzën e tij Azalenë e re.
Fatkeqësisht, institucionet dhe populli tij për të cilin ai bëri shumë, nuk u gjetën në nivelin e duhur të përgjegjësisë dhe kujdesit për këtë figurë tragjike të tyre.
Unë, Adem Berisha si një pikë uji në oqean e me fuqinë time materiale dhe fizike të barabartë me atë të një strince, shpirtërisht shpreh mirënjohjen time të thellë për Agimin dhe gjithë atë që ai ka bërë gjatë jetës së tij për popullin e atdheun e dashur i cili nuk di se a do t'i sigurojë atij së paku dy metra vend që një ditë të prehet aty në qetësi.

I dashur Baca Adem,

Të falenderoj vlla për fjalët tua të thëna nga thellsia e zemrës.Nuk di çka me të thënë në këto momente. Jam i merzitur, i tronditur dhe i sëmurë. Rrjeshtat e tu të shkruar më vinë si terapi psiqike nga një psikolog me namë.Përqafime vlla i dashur.

Të don Agim Gashi!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30