Mustafa e quan diktatoriale qeverisjen e Thaçit

nga **Agim Gashi** Wed Dec 21, 2011 4:52 pm

Mustafa e quan diktatoriale qeverisjen e Thaçit

Nëse LDK-ja vjen në pushtet nuk do të respektojë marrëveshjet e arritura me Serbinë. Kështu ka deklaruar kreu i partisë më të madhe opozitare, Isa Mustafa. Po ashtu ai ka theksuar se nuk ka reciprocitet ngase po zbatohet njëanshëm.

Kryetari i LDK-së, e ka kritikuar edhe një herë qeverisjen qendrore duke e quajtur diktatoriale, ndërsa për kryeministrin Thaçi ka thënë se nuk di se çfarë është qeverisja.

Lideri i partisë më të madhe opozitare, Isa Mustafa, me qetësinë më të madhe ka thënë se marrëveshjet që ka arritur kjo qeveri arritur me Serbinë, ai nuk do t'i respektojë po të marrë qeverisjen.

Sipas Mustafës, marrëveshjet e arritura së pari duhet të ratifikohen në Kuvend e pastaj të nisë respektimi, gjë që kjo qeveri nuk po e bën.

Mustafa ka thënë se marrëveshjet janë duke u respektuar njëanshëm. Kryetari i Prishtinës edhe një herë e ka kritikuar mënyrën se si po qeveris vendin kryeministri Thaçi.

Ai madje ka thënë se Thaçi nuk di se çfarë është qeverisja dhe se po sillet sikur diktator. Mustafa ka folur edhe për polemikat me Rexhep Qosjen, të cilat i ka quajtur të mbyllura por ka thënë se nuk do të heshtin ndaj akuzave.

Duke qenë prej 4 vjetësh në krye të Prishtinës, Mustafa ka folur gjerë e gjatë edhe për qeverisjen me kryeqytetin, ku ka thënë se projekte madhore do të përfundojnë gjatë vitit që po hyjmë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30