Enxhi Krasniqi Bardhaj:PAQEN DHUROMA TI

nga **Agim Gashi** Fri Dec 23, 2011 11:01 pm

Enxhi Krasniqi Bardhaj:PAQEN DHUROMA TI
(Në vend të urimit për Krishtlindje-----Urime!...Gezuar!...)

E brejtur pendimesh
Duart lartësuar tek TI!
Me shpirt të përulur bëj lutje
Për të bardhën dritë,
Që ngroh dhe shendrit!...

Nëse jam mëkatare, o Zot??!...
Nëse kam shkelur detyrat prej reshtari,
Më ndhmo të lutem...O Ate i gjithëpushtetshëm!
Më mëshiro si grua të pa ndyer,
Mbulomë me hire, fisnikeri, dashuri,
Më shpërble me fuqinë,miresi, urtesi!
Më jep këshillë e ngushëllim,
Për të mos lënduar e përbuzur njeri.
Paqen!...Paqen!- dhuroma TI!...

Më ndihmo që gjella e sotme, të më vijë e shijshme,
Mundëso ta ndjej veten të lartë, të virtytshme,
Pa pasur nevojë të lakmoj, të mirat që dhurove TI,
Të ëmbla mi bëj gjerat e mia, ti shijoj me krenari.

Më nxjerr nga druajtjet e panevojshme
Të murit tim rrethues si mekatare,
Të jem e gëzuar që egzistoj e devotshme,
Më ngop me pasionet e mia johileqare!

Më ndihmo të ngris tempullin e dashurisë,
Me durim ta edukoj syrin, veshin, gojën, zemrën!
Të ndërtoj urat e thyera, dhe të prishurat rrugë,
Bardhësinë e qumështit horizonteve ta hap si kupë!
Drejt brigjeve të largëta të trashëgimisë,
Me fjalan e Zotit të mbështjell fuqinë e Kombtarisë.

Sot në këtë mbrëmje të madhe
Më bëhet të kuptoj që prej motit,
Se gjithë bota, e tërë gjithësia
Eshtë një libër i shkruar nga dora e Zotit!
Çdo gjë me flet për të pafundmen mirësi,
Çdo gjë është një bashkëtingëllim dhe harmoni!

Zot !...Përderisa TI fal shumë gjëra të tjera
Dhe mua si trumcak të ngrirë së ftohti,
Mërrëm nën strehën tënde të divotshme,
Më ndihmo të shijoj harenë këtë mbrëmje!
Mëshiro dhe qetëso shpirtin tim,
Mbushe atë me dashuri nënësore, të përmotëshme,
Shuaje etjen në mëndjen djallezore dhe të sëmurë,
Dritësoma rrugën symbyllur,të mos e shoh terrin kurrë.

Paqen!..Paqen dhuroma TI!...
Të jem më i lumturi, njeri!...

Enxhi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30