Berisha, presidenti të zgjidhet sipas Kushtetutës

nga **Agim Gashi** Mon Dec 26, 2011 7:58 pm

Berisha, presidenti të zgjidhet sipas Kushtetutës

Kryeministri i Shqipërisë, Sali Berisha ka deklaruar se zgjedhja e presidentit do të bëhet sipas Kushtetutës, duke refuzuar kërkesën e kreut të PS-së për një emër konsensual të propozuar me pranimin e PD-PS.

Berisha u shpreh se ndryshimet kushtetuese të bëra me pëlqimin e kreut të Partisë Socialiste (PS, Edi Rama, garantojnë zgjidhjen e kreut të shtetit pa kaluar vendin në ngërç dhe në zgjedhje.

“Ky vend nuk mund të bëhet nëse nuk konsolidon Kushtetutën e tij. Me z. Rama ne ramë dakord që presidenti të zgjidhet 50 +1 vota, çka i dha mundësinë Kushtetutës të funksionojë, sepse përndryshe vendi do të shkonte në zgjidhje. Tani kërkohet të rikthehemi të ai varianti grek që e çoi Greqinë në zgjedhje”, tha Berisha.

I pyetur për deklaratën e kreut të PS-së për një president konsensual, Berisha u shpreh jo pa humor se; “nëse Rama merr përsipër të votojë kandidaturën e mazhorancës, ne nuk kemi asnjë problem”.

Berisha nuk ka pranuar të komentojë asnjë prej emrave që përfliten për postin e kreut të shtetit në Partinë Demokratike (PD). Po ashtu nuk ka komentuar direkt, as emrin e kandidatit të vetëshpallur Fatos Nano.

“Çdo drejtues i PD-së, i ka kualitetet për të qenë ministër kryeministër dhe president. Por në mendjen time nuk ekziston asnjë emër i vetëm për postin e presidentit dhe kemi një afat kohor 6 mujor për ta diskutuar”, tha Berisha.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31