Kuçi: Nuk ka më memorandume ndërministrore

nga **Agim Gashi** Fri Jan 06, 2012 12:47 am

Kuçi: Nuk ka më memorandume ndërministrore

Qeveria e Kosovës nuk do të lejojë më nënshkrimin e memorandumeve ndërmjet ministrive të caktuara, siç ka ndodhur deri tani. Zëvendëskryeministri Hajredin Kuçi, tha se Qeveria e Kosovës është një, dhe do të funksionojë si e tillë.
Memorandumi i nënshkruar me 23 dhjetor të vitit të kaluar ndërmjet Ministrisë së FSK-së dhe Ministrisë së Punëve të Brendshme nuk e ka pasur pëlqimin e kryeministrit dhe ai do të rishqyrtohet në bazë të ligjeve në fuqi.

Zëvendëskryeministri Hajredin Kuçi, tha se të gjithë ministrat do të marrin letër që nga sot të mos nënshkruajnë memorandume njëra me tjetrën, duke thënë se Kosova ka vetëm një qeveri.

Kuçi, theksoi se çështja e memorandumeve më shumë parashihet me strategjinë nacionale për siguri dhe me ligjet, duke tërhequr vërejtjen për më shumë kujdes nga të gjithë ministrat.

“Më shumë bëjnë zhurmë sesa ndryshojnë gjendjen dhe kështu duhet të jemi të kujdesshëm prej meje dhe të tjerët”, tha Kuçi.

Ndërkaq, Drejtori i Zyrës për Informim të FSK-së Ibrahim Shala, tha se memorandumi i nënshkruar në mes të Ministrisë së Forcës së Sigurisë së Kosovës dhe Ministrisë së Punëve të Brendshme ka për qëllim t’i ofrojë mbështetje Ministrisë së Punëve të Brendshme duke përfshirë edhe Policinë e Kosovës dhe Agjencinë për menaxhimin e emergjencave në operacione emergjente siç janë fatkeqësitë natyrore.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30