Serbët me makineri të rëndë, drejt pikave kufitare

nga **Agim Gashi** Sat Sep 17, 2011 6:15 pm

Serbët me makineri të rëndë, drejt pikave kufitare
17.09.2011 | 12:17
Grupe serbësh me makineri të rëndë janë nisur në këto momente në drejtim të pikave kufitare G1 dhe G31.

Bëhet e ditur se ata janë nisur për në pikat kufitare për të nxitur provokim dhe destabilizim të situatës.

***
Gjithashtu, bëhet e ditur se ndërrimi i doganierëve në veri të vendit është bërë me sukses dhe pa ndonjë problem
Ata janë transferuar deri në pikat kufitare me helikopterë.
Doganierët kanë deklaruar se gjatë ditës së tyre të parë gjithçka ka shkuar në rregull, ndërkohë që KFOR-i, kanë thënë ata, ka qenë shumë rigoroz në mbajtjen e rendit dhe garantimin e sigurisë.
lajmeshqip,

Serbët qëllojnë me armë te Ura e Ibrit

Rreth 300 kriminelë serbë, me maska dhe të armatosur, po vazhdojnë të qëndrojnë në afërsi të Urës së Ibrit. Një burim brenda policisë ka bërë të ditur se disa gazetarë janë lënduar pasi që janë qëlluar me gurë.

Bashkëpunëtorët të “lajmeshqip”, kanë bërë të ditur se kriminelë serbë, me maska dhe të armatosur, janë shfaqur në afërsi të Urës së Ibrit, dhe po qëllojnë me armë zjarri në drejtim të gazetarëve dhe të njerëzve të tjerë aty.

Situata është tensionuar, kurse një kamerë e sigurisë është dëmtuar tërësisht.
Para disa orëve, serbë të organizuar me kamionë dhe ekskavatorë kanë zbrazur sërish në këto momente rërë dhe zhavorr në barrikadën e tyre te Ura e Ibrit.

Derisa serbët po e fortifikojnë barrikadën e tyre edhe më tej, policët e Kosovës nuk po lejojnë ofrimin e njerëzve te barrikada, në përpjekjet tyre për grumbullim, kurse forca të sigurisë nuk ka në vendin e ngjarjes.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30