Policia udhëzon gazetarët si të sillen në protestën e sotme

nga **Agim Gashi** Sun Jan 22, 2012 4:53 pm

Policia udhëzon gazetarët si të sillen në protestën e sotme

Policia e Kosovës sot nëpërmjet një komunikate- raport informues siç e quan policia, ka udhëzuar përfaqësuesit e medieve si të sillen dhe si të veprojnë në protestën e sotme të Vetëvendosjes. Në këtë “raport informues” të policisë thuhet:

Policia e Kosovës i mundëson opinionit publik që të ketë qasje në informacione dhe të dhëna mbi veprimtarinë e PK-së, dhe të drejtën e medieve për të raportuar në lidhje me çështjet që kanë të bëjnë drejtpërdrejtë me opinionin si dhe publikimin e informatave, deri në kufijtë ku nuk cenohet e drejta e individit, nuk pengohet ndjekja dhe hetimi i kryerësit të veprës inkriminuese ose nuk ndërhyn në procesin e zbatimi të ligjit.

Për sigurinë tuaj, si dhe për t’i shmangur incidentet, rastet e mundshme, dhe pengimeve në kryerje të detyrave të ndërsjella, ne kemi përgatitur enkas për ju një raport informues për:

• Lokacionin e përshtatshëm dhe të sigurt për marrje të pamjeve-xhirimeve nga ana e juaj (për të cilin do të njoftoheni në vendngjarje nga zyrtarët policorë);

• Ekspozimi i kartelës identifikuese të mediumit që ju përfaqësoni është i obliguar dhe ajo duhet të jetë e vendosur në vend të dukshëm;

• Përdorimi i jelekëve reflektues me mbishkrim “PRESS” (ose emrin e mediumit) - të njëjtit mund të përdoren nga gazetarët dhe kameramanët (fotoreporterët) që mbulojnë ngjarjet gjatë protestës;

• Nëse ju lëvizni nga lokacioni i caktuar nga ana e zyrtarëve policorë (perimetri i caktuar për media), përgjegjësia për sigurinë tuaj bie mbi ju.

• Lëvizja juaj në afërsi nga ku mund të pengojë punën e zyrtarëve të PK-së, mund të konsiderohet si vepër e kundërligjshme “Pengim në kryerje të detyrës zyrtare”.

>> Policia me urdhër operativ për protestat e 22 janarit >> Komente (71)

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30