Thaçi u zotua sërish për zbatimin e gjitha rezolutave të Kuvendit

nga **Agim Gashi** Thu Feb 02, 2012 8:04 pm

Thaçi u zotua sërish për zbatimin e gjitha rezolutave të Kuvendit

Kryeministri Hashim Thaçi shprehu sërish sot në Kuvendin e Kosovës, zotimin për përmbushjen e gjitha obligimeve që dalin nga rezoluta për përfundimin e mbikëqyrjes ndërkombëtare të pavarësisë e miratuar ditë më parë nga Kuvendi i Kosovës. Thaçi tha se qëndrimi i shtetit të Kosovës është në përputhshmëri me Kushtetutën dhe dokumentin e Ahtistaarit.
Kryeministri Hashim Thaçi u zotua sërish sot në Kuvendin e Kosovës, për zbatimin e gjitha rezolutave të Kuvendit të Kosovës duke potencuar atë të fundit për përfundimin e mbikëqyrjes së pavarësisë.

Thaçi iu kujtoi deputetëve obligimet që ka marrë vendi karshi komunitetit ndërkombëtarë. Në këtë kuadër Thaçi tha se përkushtimi i qeverisë së Kosovës është zbatimi i plotë i marrëveshjeve që kanë dalë nga bisedimet teknike midis shtetit të Kosovës dhe atij të Serbisë.

Në kohën e deklarimeve jashtë rendit të ditës në seancën e sotme të Kuvendit, deputeti i partisë më të madhe opozitare Lidhjes Demokratike, Sabri Hamiti tha se plani i Ahtisaarit ndonjëherë po përdoret për diskutime politike të brendshme, përderisa bëri thirrje për kujdes gjatë fazës së ndryshimeve kushtetuese që pritet të ndodhin pas miratimit të rezolutës për përfundimin e mbikëqyrjes së pavarësisë.

Ndërkaq në fillim të seancës së Kuvendit, deputeti i lëvizjes “Vetëvendosje”, Rexhep Selimi akuzoi rëndë Qeverinë për siç tha presione dhe frikësim të cilin iu bënë të tjerëve përmes agjendave të SHIK-ut.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30