Danaj: Me fusnotë krijohet konfederata Serbi-Kosovë!

nga **Agim Gashi** Sun Feb 26, 2012 1:13 pm

Tiranë, 25 shkurt - Publicisti dhe drejtuesi i Listës për Shqipëri Natyrale, Koço Danaj, ka denoncuar Marrëveshjen midis Prishtinës dhe Beogradit , duke e vlerësuar si “tërësisht antishqiptare”.

“Kjo Marrëveshje bëhet në momentin kur kombi shqiptar përgatitet të festojë 100 vjetorin e shpalljes së pavarësisë së Shqipërisë natyrale. Me këtë marrëveshje fituan serbët, fitoi nacionalizmi serb dhe ata që humbën janë shqiptarët. Me këtë marrëveshje, Kosova u largua më shumë nga Shqipëria dhe u afrua më shumë me Serbinë. Me këtë marrëveshje Serbia dhe Kosova u lidhën edhe me fusnotë, përderisa pranohet rezoluta 1244 dhe mendimi i GJND. Me këtë marrëveshje u hodhën themelet e Konfederatës së ardhshme Serbi-Kosovë”, ka thënë Danaj për “INA”.

Sipas tij, me këtë marrëveshje fitoi teza e Boris Tadiqit për të aplikuar në marrëdhëniet me Kosovën modelin e dy Gjermanive, modelin e Irlandës së Veriut etj.

“Me këtë marrëveshje të përshëndetur me një nxitim të madh nga Brukseli proserb, nga politikanët më të lartë të Tiranës dhe Prishtinës, hapet një vatër e re krize para së cilës në të ardhmen kriza aktuale e BE-së do të jetë një lojë fëmijësh. Me këtë Marrëveshje Ballkani u rikthye si Fuçi Baruti”.

Sipas tij, pas kësaj situate, shqiptarët në Kosovë do të duhet të kërkojnë referendum për të shfaqur qëndrimin e tyre.

Koha

Dergoi:Gani Orana

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30