Ka humbur tragjikisht jetën gazetari i “Zërit”, Petrit Sherifi

nga **Agim Gashi** Sat Mar 17, 2012 9:26 pm

Ka humbur tragjikisht jetën gazetari i “Zërit”, Petrit Sherifi

Prishtinë, 17 mars - Në Gjilan sot pasdite në një aksident trafiku në Rrugën Qarkore ka humbur jetën gazetari i gazetës “Zëri” Petrit Sherifi.

Përreth dy vjet sa ka punuar në “Zëri”, gazetari Sherifi ka shkruar për fushën e ekonomisë, raporton kjo ditore.

Për vdekjen e Sherifit dhembje ka shprehur edhe Asociacionit të Gazetarëve Profesionistë të Kosovës (AGPK), të cilët nëpërmjet një telegrami ngushëllimi kanë ngushëlluar komunitetin e medieve dhe familjen e të ndjerit.

Në telegramin e ngushëllimit të AGPK-së thuhet:

Asociacioni i Gazetarëve Profesionistë të Kosovës me dhimbje të thellë ka marrë lajmin për vdekjen tragjike të kolegut tonë, Petrit Sherifi, gazetar i të përditshmes “Zëri”. Kolegu Sherifi humbi jetën nga një aksident tragjik në moshë shumë të re.
Asociacioni i Gazetarëve Profesionist të Kosovës shpreh ngushëllimet më të sinqerta familjes Sherifi dhe gazetarëve që humbën një prej kolegëve që e bëri punën e tij, me një profesionalizëm dhe përkushtim të lartë”.
Megjithëse në moshën 23 vjeçare, Petrit Sherifi, çdo ditë ka dhënë shembull të mirë se si bëhet gazetaria.
Prandaj vdekja e hershme e Petritit është humbje e madhe jo vetëm për familjen por edhe për të tashmen dhe të ardhmen e gazetarisë kosovare.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30