Për kryetarin e Ferizajt votuan 30 për qind e qytetarëve

nga **Agim Gashi** Sun Apr 29, 2012 10:07 pm

Për kryetarin e Ferizajt votuan 30 për qind e qytetarëve

Zgjedhjet e jashtëzakonshme për kryetarin e Ferizajt kanë kaluar kryesisht qetë, ndonëse me disa parregullsi, të cilat nuk e kanë dëmtuar procesin.
Ky ishte vlerësimi i përgjithshëm i procesit zgjedhor në këtë komunë nga Komisioni Qendror i Zgjedhjeve dhe organizatat joqeveritare.

Sipas KQZ-së, të drejtën e votës e kishin mbi 95 mijë qytetarë. Por, ajo që ishte shqetësuese për zgjedhjet e Ferizajt, ishte pjesëmarrja e ulët e elektoratit që sillej diku në mbi 30.55 për qind.

Komisioni Qendror i Zgjedhjeve njoftoi opinionin se votimet janë hapur me kohë në ora 7:00 të mëngjesit dhe janë mbyllur në ora 19:00 të mbrëmjes.

Kryetarja e KQZ-së, Valdete Daka, deklaroi se disa parregullsi të evidentuara megjithatë nuk e dëmtojnë imazhin e këtyre zgjedhjeve.

“Për disa parregullsi që janë paraqitur, ka konfirmime se ato janë evituar me sukses dhe nuk ka ndonjë raportim që do ta dëmtonte imazhin e këtij procesi zgjedhor”, deklaroi Daka.

Ajo vlerësoi se dalja prej 30.55 për qind e elektoratit të votime paraqet një dalje të ulët.

Me disa vërejtje, ky proces zgjedhor është lavdëruar edhe nga vëzhguesit e koalicionit të organizatave joqeveritare Demokracia në Veprim.

Ismet Kryeziu nga ky koalicion tha se janë hetuar disa parregullsi, por të cilat, sipas tij, nuk e dëmtojnë procesin si tërësi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30