Jozefina, projekt për tunel të nëndheshëm në Parlament nga frika e Gjergj Ndrecës

nga **Agim Gashi** Tue Jul 10, 2012 2:58 pm

Ja çka sjell Agjensia e Lajmeve SOT. A është kjo agjensi apo agjensi propogandash? Kush është Ndreca dhe sa deputet ka rrahë ai? Si skeni tur të shpifet në këto mënyra? Deri kur më kështu infektohet një popull i tërë? Jamë për kritika me vend dhe me fakte, por jo me shpifje të tilla!

Jozefina, projekt për tunel të nëndheshëm në Parlament nga frika e Gjergj Ndrecës

Jozefina, projekt për tunel të nëndheshëm në Parlament nga frika e Gjergj Ndrecës Jozefina-topalli

Ndreca dhe grupi i tij “Lemeria” vazhdon të rrahë deputetët njëri pas tjetrit. Sapo dëgjojnë emrin e Gjergj Ndrecës deputetet ia mbathin njëlloj siç bënin dikur turqit kur dëgjonin emrin e Gjergj Kastriotit, ose më vonë fashistët italianë kur dëgjonin emrin e Kajo Karafilit. Dhe shumë prej deputetëve kanë frikë të hyjnë në portën e Parlamentit. Për këtë arsye më në fund kryeparlamentarja Topalli ka propozuar një projekt të përkohshëm për një tunel të nëndheshëm. Sipas saj, ky tunel do t’i shpëtonte deputetët e tjerë nga dajaku i Gjergj Ndrecës dhe do të mundësonte hyrjen e lirshme të tyre nëpër seancat plenare. Propozimi u hodh në votim dhe u miratua me shumicë votuesish, por kundër këtij propozimi kanë votuar vetëm Ilir Rusmali dhe Ritvan Bode, të cilët i kërkuan llogari Topallit se përse ky tunel nuk ishte ndërtuar më parë.

Dhe duke komentuar votën e tij Rusmali tha: Ti zonja Topalli ishe duke ngrënë supë në restorant, kur unë hëngra racionin tim të dajakut nga Gjergj Ndreca. Prandaj këtë dajak duhet ta provoni të gjithë dhe jo ca të nënës e ca të njerkës”. Pastaj ai hoqi këmishën dhe tregoi plagën e trupit që kishte mbetur nga goditja e Lirak Bejkos. Ndërsa Bode duke fërkuar kokën, ku kishte marrë një shuplakë, e miratoi në parim idenë e Rusmalit. Nga ana tjetër Gjana i cili për shkak të këmbëve të shpejta sapo i kishte shpëtuar një sulmi të Ndrecës, kërkoi ndërtimin sa më shpejt të këtij tuneli. “Edhe në malet e Kukësit kur shkonim përë të vjedhur kuajt e Lumës, kishim një dalje të fshehtë që të mos na hante ariu”, tha Gjana. Dhe sapo Gjana përmendi emrin e ariut, Jozefina ia dha fjalën Saliut. Kryeministri tha: Ata deputetë që kërkojnë mbrojtje do të strehohen në Vuçitol dhe të ruhen me policë. Kini kujdes nga ish të përndjekurit, sepse edhe këtë vit atyre nuk do t’i japim dëmshpërblimet”. Në fund mbledhja u mbyll me shpejtësi sepse njëri nga rojet e Parlamentit njoftoi se te rruga kryesore ishte parë duke kaluar Gjergj Ndreca me grupin e tij “Lemeria”. Ndërkohë Tritan Shehu i tha: Ata kanë marrë vezë dhe shishe me vete për të na goditur. Por Berisha e qetësoi duke thënë se ushqimet ata i kishin marrë për t’i ngrënë: -Vezët ata i kanë marrë për t’i ngrënë dhe shishet me raki do t’i pinë në lokal – u tha Berisha.
-Aq më keq – tha Shehu –sepse kur të kthehen do jenë të dehur dhe nuk do të shohin se në ç’vend të trupit do na godasin
Ndërkohë, deputeti Gjana kërkoi që në mes të këtij tuneli të ndërtohet edhe një banjë të cilën mund ta përdornin në rast frike, ndërsa kryebashkiaku Basha premtoi edhe ngritjen e një tramvaje që do të bënte rrugën nga parlamenti në Brrakë, ku ishte ndërtuar Blloku i ri i Udhëheqjes dhe pronat e reja të Berishës, me paratë e taksapaguesve shqiptarë dhe të ish të përndjekurve politikë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30