Kosova në krizë elektorale, LDK tërhiqet nga Komisioni për reformën zgjedhore

nga **Agim Gashi** Wed Aug 29, 2012 2:34 pm

Kosova në krizë elektorale, LDK tërhiqet nga Komisioni për reformën zgjedhore

Lidhja Demokratike e Kosovës është tërhequr nga Komisioni për Reformën Zgjedhore në shenjë pakënaqësie me mos respektimin e marrëveshjes ndërmjet liderëve politik për ndryshimet kushtetuese dhe reformat zgjedhore, që në fakt prekte edhe në mandatin e presidentes aktuale dhe institucioneve të vendit.

Lajmi është konfirmuar nga kryetari i këtij Komisioni, Haki Demolli, deputet i LDK-së.

“Sot kemi mbajtur takimin e fundit të Komisionit për Reformën Zgjedhore dhe ne dy përfaqësuesit e LDK-së, duke e pasur parasysh mos respektimin e marrëveshjes tri palëshe, tërhiqemi nga Komisioni deri në momentin kur kjo marrëveshje të zbatohet”, ka thënë Demolli.

Sipas marrëveshjes së vitit të kaluar ndërmjet liderëve të PDK-së, LDK-së dhe AKR-së, të ndërmjetësuar nga ish-ambasadori amerikan në Prishtinë, Kristofer Dell, e cila më pas ishte fuqizuar edhe me miratimin e një rezolute nga Kuvendi, përveç reformave kushtetuese e zgjedhore, vendi do të shkonte në vjeshtën e këtij viti në zgjedhjet e para presidenciale si dhe në vjeshtën e vitit tjetër në zgjedhjet e parakohshme parlamentare.

Por, Gjykata Kushtetuese kishte interpretuar më pas këtë marrëveshje, përkatësisht pjesën që fliste për shkurtimin e mandatit të presidentes si jo kushtetuese.

Në bazë të asaj marrëveshjeje ishin formuar edhe komisionet ad-hock për ndryshimet kushtetuese dhe reformën zgjedhore, por si qëndrojnë tani punët, këto reforma janë në prag të dështimit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30