Përkujtohet Azem Hajdari, lule në memorialin “Nderi i Kombit”

nga **Agim Gashi** Wed Sep 12, 2012 6:33 pm

Përkujtohet Azem Hajdari, lule në memorialin “Nderi i Kombit”

Pa veprën, diturinë dhe kurajon e Azem Hajdarit nuk dihet se si do të vinim në festimet e 100 vjetorit të pavarësisë, dekalroi kryeministri Berisha në ceremoninë përkujtimore tek memoriali i heroit të dëmokracisë, aty ku Azem Hajdari dhe Besim Çera u vranë 12 shtatorin e 14 viteve më parë. Familjarët, drejtuesit e Partisë Demokratike dhe dhjetëra qytetarë nderuan veprën e liderit të lëvizjes studentore që i dha fund regjimit komunist në Shqipëri, ndërsa një sërë kurorash me lule u vendosën në memorialin“Nderi i Kombit Azem Hajdari”.
““Sot ne nderojmë me respekt, mirënjohje të pakufishme, së bashku me të gjithë shqiptarët, kujtimin e tribunit të lirisë së shqiptarëve, Azem Hajdarit, udhëheqësit të lëvizjes studentore dhe Partisë Demokratike dhe të sivllaut të tij Besim Çeres që u ekzekutuan në këtë vend nga banda të qeverisë në aktin më makabër, në vrasjen e shekullit për shqiptarët. Ne nderojmë sot Azem Hajdarin në këtë 100 vjetor të pavarësisë sonë, por mendimi i parë që na vjen natyrshëm në mendje të gjithë shqiptarëve është se pa veprën e tij , pa trimërinë e tij, pa kurajën e tij, asnjë nga ne nuk e merr me mend se si do të ishim sot në 100 vjetorin e pavarësisë. Ishte trimëria, heroizmi, guximi i jashtëzakonshëm i këtij tribuni legjendar, që në krye të lëvizjes studentore u përball në dhjetorin e ‘90 me diktaturën më të egër që Evropa kishte njohur pas lufte, zhvilloi një betejë në limitet e legjendës në rrugët dhe sheshet e këtij qyteti dhe e mundi atë”, vlerësoi Berisha.
Kryeministri tha se shqiptarët e lirë sot askujt nuk i detyrohen më shumë se sa Azem Hajdarit.
“Ai hapi për shqiptarët dyert e lirisë, hapi për shqiptarët dyert e dinjitetit dhe në rast se sot ne jemi të lirë, në rast se sot ne jemi njerëz me dinjitetin e njerëzve të lirë, ia detyrojmë këtë, më shumë se çdokujt tjetër Azem Hajdarit dhe atyre studentëve që ai udhëhoqi me aq mençuri në dhjetorin e vitit ‘90. Nderojmë ne sot kujtimin e Besnik Çerës, një demokrat i thjeshtë, por vëlla në ideale, në shpirt dhe në zemër me tribunin e lirisë Azem Hajdari, i cili ra këtu në krye të detyrës. Vepra e tribunit të lirisë bëhet gjithnjë e më madhe sa më të mëdha të jenë vlerat e lirisë për shqiptarë, sa më shumë ata ti vlerësojnë ato si pasurinë e tyre më të çmuar, aq më shumë ndrit kjo vepër e Azem Hajdarit dhe studentëve të dhjetorit”, deklaroi kreu i mazhorancës qeverisëse.
Në emër të presidentit të Republikës Bujar Nishani u vendos gjithahtu një kurorë me lule pranë memorialit nga anëtarët e stafit të tij, Fatbardh Spahia dhe princi Leka. Këtë vit kushdo mund të linte një shënim përkujtimor në stendën ngjitur në nderim të Azem Hajdarit dhe Besim Çerës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30