Tahiri: Presidenca gaboi

nga **Agim Gashi** Mon Oct 08, 2012 4:38 pm

Tahiri: Presidenca gaboi

Tahiri: Presidenca gaboi Largea_tahiri1349690821

Edita Tahiri e ka kundërshtuar propozimin e Presidencës se duhet të bisedohet me strukturat serbe të Veriut. Ajo ka thënë se është qëndrim i gabueshëm dhe jashtë realitetit të thuhet se strukturat paralele serbe janë legjitime. Sipas saj, institucionet e Serbisë në atë pjesë të Kosovës duhet të zhbëhen. Në një prononcim për Express, Zëvendëskryeministrja ka folur edhe për takimin e radhës në Bruksel me palën serbe.

Zëvendëskryeministrja Edita Tahiri u është përgjigjur deklaratave të zyrtarëve të Presidencës se institucionet e dala nga zgjedhjet e Serbisë në Veri të Kosovës janë legjitime.

Zëvendësja e Kryeministrit Thaçi ka thënë se strukturat e Serbisë në Veri duhet të zhbëhen pasi janë jolegale dhe jolegjitime.

Megjithëkëtë, para dy ditësh, Këshilltari i Lartë i Atifete Jahjagës, Ramush Tahiri ka thënë se në Veri nuk ka struktura paralele, por ka institucionet legjitime, me të cilat duhet të bisedojnë institucionet e Kosovës.

Kjo deklaratë është cilësuar e gabueshme nga Edita Tahiri.

“Ky është një qëndrim i gabueshëm. Besoj se është deklaratë e gabueshme, përndryshe ndërhyrja ilegale e Serbisë në punët e brendshme të Kosovës daton qysh nga përfundimi i luftës. Serbia në kundërshtim me të gjitha konventat ndërkombëtare, por edhe me rezolutat e OKB-së ka bërë shkelje dhe tash edhe në aspektin e integrimeve europiane, ajo bën shkelje të standardeve të BE-së, sepse parimi i fqinjësisë dhe i bashkëpunimit rajonal janë dy prej kushteve kryesore të shteteve për t’u bërë pjesë e BE-së”, ka thënë ajo.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30