Maqedoni, gjuha shqipe në Kuvend e kufizuar

nga **Agim Gashi** Tue Oct 09, 2012 11:35 pm

Maqedoni, gjuha shqipe në Kuvend e kufizuar

Konfirmimi nga Nënkryetarja shqiptare e Kuvendit maqedonas, Suzana Saliu

Nënkryetarja shqiptare e Kuvendit të Maqedonisë Suzana Saliu ka konfirmuar publikisht se nuk mund të udhëheqë seancën plenare në Gjuhën shqipe. Saliu, e cila është kuadër e BDI-së qeveritare, thotë se pengesë për udhëheqjen shqip të seancave kuvendore janë dallimet që kanë me partnerin e tyre të koalicionit VMRO-DPMNE në interpretimin e amendamentit 5 të Kushtetutës që rregullon përdorimin e gjuhëve. Me këtë ajo ka konfirmuar në mënyrë indirekte vërejtjet e opozitës shqiptare se përdorimi i gjuhës shqipe në Kuvendin e Maqedonisë është i kufizuar.

Për shkak të pamundësisë që séance të udhëhiqet në gjuhën shqipe, është bllokuar séance e 42 e Kuvendit të Maqedonisë. PDSH opozitare ka bllokuar seancën plenare të Kuvendit. Në mungesë të kryetarit të Kuvendit Trajko Veljanovski, i cili është në udhëtim zyrtar, kjo seancë duhej të udhëhiqej nga njëri prej nënkryetarëve. Mirëpo PDSH ka insistuar që seancë ta udhëheqë nënkryetarja shqiptare edhe atë në gjuhën shqipe.

Sipas ligjit aktual, gjuha shqipe në Kuvend përdoret nga deputetët dhe ministrat në seanca plenare, si dhe nga kryetarët dhe anëtarët e Komisioneve kuvendore. Mirëpo përdorimi i gjuhës shqipe mohohet gjatë udhëheqjes së seancave plenare. Nënkryetarja aktuale e Kuvendit Suzana Saliu ka thënë se në rast se tejkalohen dallimet, ajo është e gatshme të drejtojë seancën plenare.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30