RTK nuk transmeton intervistën e Sekiraqës (VIDEO)

nga **Agim Gashi** Mon Oct 15, 2012 12:43 pm

RTK nuk transmeton intervistën e Sekiraqës (VIDEO)

Radio Televizioni i Kosovës nuk ka transmetuar intervistën me shumë të përfolurin EnverSekiraqa, që ishte reklamuar me ditë të tëra se do të transmetohej sonte në ora 21:00, në emisionin “Drejtësia në Kosovë”.

Menjëherë pas kësaj, ka reaguar edhe stafi i emisionit“Drejtësia në Kosovë” në faqen e tyre në Facebook.

“Ekipi i Drejtësia në Kosovë u kërkon ndjesë shikuesëve sepse RTK nuk e ka transmetuar emisionin e sontëm. Posa të marrim sqarim zyrtar nga menaxhmenti i RTK-së për ndalimin e transmetimit të emisionit të sontëm, do ta ndajmë me ju”, thuhet në njoftimin në profilin “Jeta në Kosovë”.

Në intervistën ekskluzive të xhiruar pak para dorëzimit në EULEX, Sekiraqarrëfen për të bëmat, problemet dhe atentatet ndaj tij.

Po ashtu, Sekiraqa flet për qëndrimin e tij në Zonën Operative të Llapit, mbajtjen e tij në paraburgim në Llapashticë dhe Majac dhe arratisjen ditën kur ai mendonte se ishte planifikuar ekzekutimi i tij.

Sekiraqa tregon se çfarë lidhjeje ka pasur me politikën, policinë dhe VIP-at. Lidhjen e tij me vrasjen e policit Triumf Rizaj, incidentin në Swiss Casino, qëndrimin e tij në arrati dhe bashkëpunimin e tij me Zvonko Veselinoviqin.

Ai tregon edhe për komunikimin e tij me gjykatës e prokurorë vendas dhe porositë e tyre që Sekiraqa ta lëshonte Kosovën.

Në emision gjithashtu trajtohen arsyet se pse Sekiraqa është dorëzuar në EULEX.

Meqë intervista nuk është publikuar sonte në RTK, e njëjta pritet të publikohet nesër si tekst.

Më poshtë ju ftojmë të shihni promon e këtij emisioni:

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30