Ismet Krasniqi - Lala: Shënime për librin “DËSHMIA PËR PLAGËN E FTOHTË" të PREND BUZHALËS

nga **Agim Gashi** Thu Oct 18, 2012 9:37 pm

Ismet Krasniqi - Lala: Shënime për librin “DËSHMIA PËR PLAGËN E FTOHTË" të PREND BUZHALËS

LIBRI I DËSHMISË SONË TË SHUMANSHME

Shënime për librin “DËSHMIA PËR PLAGËN E FTOHTË - libri dokumentar, shkrime metakritike dhe ese" i autorit PREND BUZHALA, botoi Klubi i Shkrimtarëve “Vorea Ujko”- Klinë 2012

Libri "DËSHMIA PËR PLAGËN E FTOHTË - Libri dokumentar, shkrime metakritike dhe ese" i autorit Prend Buzhala, siç e thotë edhe titulli, përfshin shkrime recensionale, studime e ese që u kushtohen librit dokumentar, si dhe zbërthimeve për vëllimet e kritikave letrare apo të fushave të muzikologjisë apo teatrit. Libri botohet në 100-vjetorin e pavarësisë së Shqipërisë. Por libri ndahet në gjashtw cikle a kapituj:

I. Dëshmia për plagën e ftohtë (Libri për luftën e fundit në Kosovë) - ku përfshin në analizë librat: Josef Martinsen: “Puset e vdekjes në Kosovë”, Sabit Istogu: “Rrënjët e lirisë – Prekazi, dëshmi luftërash” dhe Enver S. MORINA: “Shndrit ndër breza”, libër që i kushtohet veprimtarit të martirizuar në luftë Hamit Krasniqit.

II. Modeli i idealitetit dokumentar (Historia dhe libri dokumentar për historinë), - merren në shqyrtim vëllimet historike - Prof.Dr. iur. Eqrem Zenelaj: GJENEALOGJIA E FAMILJES SHQIPTARE ALBANI NGA URBINO DHE BERGAMO E ITALISË – PAPËS CLEMENTI XI ALBANI PONTIFEX. MAXIMUS” , kurse me titullin e përbashkët "Mesazhe fishtiane" perfshin tri studime për Gjergj Fishtën. Në vazhdim zbërthehen librat e autorëve Tomë MRIJAJ: librin “Monsinjor Dr. Zef Oroshi, një jetë e shkrirë për fe e atdhe – jetëshkrim”, Habib Zogaj: “Në mungesë të varrit - Halil Jashar Sylaj”, Marjan Jaku: “Kulla, përjetësi qëndrese – Pjetër Jaku dhe Ranoci ndër shekuj”, Mr. Sc. Ymer Raci: “Historiku i arsimit në jashanicë të Klinës” dhe Berat Luzha: “Një histori për Sulë Durmishin”.

III. Portreti i përbashkët i një gjenerate (Libri i zgjimit kombëtar – pjesa e dytë e shekullit XX) - është kapitull që merr në shqyrtim vepra e autorë që kanë shkruar e përjetuar ngjarjet e stuhishme të viteve '80 e këndej, deri tek fillimi i luftës, si janë autorët e veprat: Sylë Mujaj: “Marsi sjell vlera” I-II, Selatin Novosella: “Rexhep Mala, Anteu i Lëvizjes Ilegale”, “Publicistika e Selatin Novosellës”, “DEMAÇI, METAFORË LIRIE” përgatitur nga Selatin Novosella, (Sinan Gashi: "Karakteri i pathyeshëm - Vesel S. Krasniqi", Mikel Gojani: “Marjan Cubi – Njeri urëlidhës mes Kosovës dhe Amerikës", Marjan Cubi: “Në emër të lirisë e të pavarësisë”, ditar, intervista, shënime udhëtimi, artikuj dhe Zef Prekë Prenaj: “Njeriu dhe jeta e tij”.

IV. Sfidat dhe dilemat e demokracisë (Libri i hapjes ose libri mbi kohën e pasluftës në Kosovë) = siç e thotë edhe vetë titulli i këtij cikli, përfshin kohën më të re të paraqitur tek këta autorë e vepra: Sejdi Berisha: “Shpërputhje kohe”, ese, recensione, ndijësime", “Duam kthimin tënd” – Letra të nxënësve të shkollave fillore e të mesme të komunave Pejë e Deçan, drejtuar Ramush Haradinajt në Hagë, - përgatiti Rasim Selmanaj, si dhe libri “Demokracia, kushtet dhe pasojat” i dy autorëve norvegjezë Knut Midgaard dhe Bjørn Erik Rasch, përkthyer nga norvegjishtja Ermir Pulaha, kurse në fund të këtij kapitulli zbërthehet gjerësisht e në mënyrë studioze vepra "Hijet e thyera - Shkrime pas burgut: e rasim Selmanajt.

V. Poetika dialoguese e intervistës (Librat me intervista) - zbërthehen në mënyrë studioze librat me intervista nga këta autorë: Gjon Marku: “Antologji e mendimit të sotëm për Mirditën”, intervista, “Akil Mark Koci dhe të tjerët dhe Raimonda Mosiu: “Letrat shqip përtej & këtej Atlantikut

VI. Aforizma mes dy botësh (Librat e aforizmave) - është po ashtu një kapitull interesant e me vlerë, ku prin eseja "AFORIZMA MES DY BOTËSH (Aventura e shkrimit ose në mes krijimit dhe interpretimit), kurse në vazhdim paraqitet studimi "NJË KANUN MEDITATIV" që ligjëron për librin në dorëshkrim të aforizmave të don Shan Zefit. Kapitulli shqyrton edhe dy vëllime të tjera me aforizma: Ali R. Berisha e Luz Përnoka: “Aforizma të autorëve shqiptarë” dhe Mirsad Kuteli: “Udhët e jetës – Aforizma dhe maksima filozofike”.

VII. Aedët shqiptarë të shekulli XX (Studime dhe shkrime mbi libra të krijimtarisë gojore) - përfshin shkrime kritiko-letrare e studime - (Xhenc BEZHI: "TREGIME NGA MALËSIA E GJAKOVËS", Ismet Krasniqi: "Shekuj zgjojnë nga gjumi - dueti Salih e Feriz Krasniqi", trajtesa, ese, kujtime, album, publicistikë, kushtuar këtij dueti. ndërkaq, me vlera janë edhe studimet "TRADITAT E PËRBASHKËTA NDËRFETARE NË RAJONIN E UJËMIRIT", "VEPRIMTARIA FOLKLORIKE E DEMUSH SHALËS" dhe "KUJTESA NË KËNGËN FOLKLORIKE PËR MUJË KRASNIQIN" (Figura e Mujë Krasniqit në 50 këngë folklorike).

VIII. Energjia e interpretimit (Shkrime metakritike) - është kapitulli i fundit dhe më gjithëpërfshirësi, ku, në ardhë të parë, shqyrtohen vepra shkrimesh kritiko-letrare, muzikologjike, teatrore, të gjuhësisë etj, si dhe trajtesa që i kushtiohen librit e botimit të tij, si dhe disa revistave periodike. Autorët dhe veprat që shqyrtohen, janë: Anton Nikë Berisha: “Interpretime të letërsisë së arbëreshëve të Italisë”, Hajdin Morina: "REFLEKTIME LETRARE", Vëzhgime letrare, ese, Kadrush Radogoshi: “Semantika e bregut tjetër”, eseistikë, kritika letrare, Mehmetali Rexhepi: “Enigma e magjikes”, Besim Muhadri: “Tradita hasjane e shkrimit shqip”, Shefqet Rexhepi: “Trekëndëshi artistik - teksti, teatri, kreacioni”, studimi i Jolanda Lilës “Torzioni i qenies” - mbi simbolet mitologjike nëpoezinë e Ali Podrimjes, Ali D. Jasiqi: “Pesëdhjetë shkrime për poezinë” dhe “Tridhjetë e një shkrim për prozën, studimet e të tjera”, shkrime kritiko-letrare, Shaban Sinani: “Përveçime”, shkrime publicistike e studime letrare, Begzad Baliu: “Çabej – libri 1, Bibliografi e studimit të veprës së Çabejit në Kosovë 1952-2002”, Begzad Baliu: “Demitizimi dhe standardizimi i onomastikës së Kosovës”, Merxhan Avdyli: “Studime për Agollin në Kosovë”, përmbledhje studimesh të autorëve nga Kosova për veprën letrare të Dritëro Agollit, “Heroi me kitarë”, përgatitur nga Rasim Selmanaj, jepet pastaj një Homazh kulturor me rastin e vdekjes së Jetish Kadishanit, madnej shqyrtohen veprat Akil Mark Koci: “Vibrime të shpirtit shqiptar”, vëllimi II, Bajram Kosumi: “Letërsia nga burgu – kapitull më vete në letërsinë shqipe”, Zef P. Prenaj: Libër për Nënën Tereze, Prishtinë 2012, si dhe një vlerësim për revistat “Malësia” e Podgoricës, me interes të gjerë shkencor e me frymën e aktualitetit dhe revista "Drita" e Zyrës Ipeshkvnore të Kosovës. Shkrime që zgjojnë ineters janë ato që ligjërojnë për Muzeun, përkatësisht ëpr Muzeun arkeologjik, etnografik e dokumentues të krijuesit Gjon Gjergjaj nga Krusheva e Vogël e Klinës. Në fund jepen disa shkrime të gjera që i kushtohen librit: "AKTI I SHENJTË I HAPJES SË LIBRIT (Ese për botimet e Klubit të Shkrimtarëve VOREA UJKO”), "LIBRI, KOHA DHE 'SHRPESA' ".

Do theksuar se ky vëllim është i ve5antë për nga mënyra e strukturimit e mbarështrimit. Kësja ardhe nuk përfshihen shkrime për krijimatrinë iamgjinative, si janë poezia, proza apo drama, por shkrime për letërsinë dokumentare, për studimet e letrare, muzikore apo teatrore, si dhe ato për librin, muzeun apo periodikun tonë. Është vëllim me interes për t'i parë në një pamje sadopak të plotë këto lëmi të zhvillimit kulturor ndër ne gjate dekadës së fundit.

Ismet Krasniqi - Lala

Ismet Krasniqi - Lala: Shënime për librin “DËSHMIA PËR PLAGËN E FTOHTË" të PREND BUZHALËS 534639_4322913283251_76741320_n

Ismet Krasniqi - Lala: Shënime për librin “DËSHMIA PËR PLAGËN E FTOHTË" të PREND BUZHALËS 534639_4322913283251_76741320_n

kopertina

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30