Zbulohen tri provat që “fundosën” Aldo Hoxhën

nga **Agim Gashi** Wed Nov 21, 2012 8:37 pm

Zbulohen tri provat që “fundosën” Aldo Hoxhën

Shenjat e goditjeve në trup të pësuara teksa përleshej me viktimën e tij, Fatbardha Tafa, më 7 gusht 2012, përbëjnë një nga tri provat kryesore ndaj Aldo Hoxhës.

Prokuroria e Tiranës përfundon hetimet për 19- vjeçarin të akuzuar për vrasjen me thikë të Fatbardha Tafës gjatë përleshjes për t’i vjedhur asaj varësen e floririt tek ish-Fusha e Aviacionit.

Dosja (zbardhur sot nga Panorama) në ngarkim të 19-vjeçarit Hoxha është depozituar në Gjykatën e Tiranës, ku pritet të shqyrtohet nga gjyqtari Albert Meça. Sipas Prokurorisë, Aldo Hoxha është personi që më 7 gusht 2012 qëlloi me thikë Fatbardha Tafën në rrugën “Bab Rexha”, pranë ish- Fushës së Aviacionit. Referuar kërkesës për gjykim të Prokurorisë, një kopje e së cilës u sigurua nga gazeta, Hoxha do të gjykohet për dy akuza, “vjedhje me pasojë vdekjen” në bashkëpunim, në dëm të Fatbardha Tafës, si dhe “plagosje e lehtë me dashje” në dëm të Lumturi Gjanës.

Nga hetimet ka rezultuar se 19-vjeçari më herët ka tentuar t’i vjedhë varësen e floririt së ndjerës, por ajo ka kundërshtuar fizikisht, duke u përleshur me të. Provat kryesore të akuzës për fajësinë e Hoxhës janë gjetur në një kapelë të marrë nga vendngjarja, që sipas akuzës, i ka rënë të pandehurit. Në të prokuroria ka gjetur një fije floku dhe ka marrë kampione djerse.

Pas analizave të ADN-së ka rezultuar se ADN-ja në fijen e flokut përputhej me profilin gjenetik të Aldo Hoxhës. Njëkohësisht, prania e profilit gjenetik të 19-vjeçarit është gjetur edhe në mbetjet e djersës. Tjetër provë janë shenjat e dhunës të vërejtura në trupin e të pandehurit pas arrestimit, gërvishtje me thonj dhe nxirje. Sipas ekspertëve mjekoligjorë, janë “shenja që i lë zakonisht ai që mbrohet nga një sulm i papritur”.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30