28 Nëntori i 1912, ditë e ndritshme e historisë së shqiptarëve

nga **Agim Gashi** Wed Nov 21, 2012 8:40 pm

28 Nëntori i 1912, ditë e ndritshme e historisë së shqiptarëve

28 Nëntori i 1912 mbetet dita më e ndritshme e historisë së shqiptarëve dhe Shqipëria, në këtë 100 vjetor po hyn si shtet demokratik dhe i integruar në strukturat euro-atlantike. Kështu tha sot kryetari i LDK-ës, Isa Mustafa, me rastin e shënimit të 100-vjetorit të shpalljes së pavarësisë së Shqipërisë.

Kryetari i Lidhjes Demokratike të Kosovës, Isa Mustafa, duke folur në retrospektivë për zhvillimet historikë që përcjellën datën e 28 Nëntorit të viti 1912, tha se shteti shqiptar pati vështirësitë në konsolidimin e tij si shtet sovran dhe i pavarur gjatë dekadave të para. Megjithatë Mustafa tha se jo të gjitha vendet shqipfolëse u bënë pjesë e shtetit të Shqipërisë.

“ Dita e 28 Nëntorit të 1912 shënon ditën më të ndritshme të historisë shqiptare e shekullit 20-të. Kjo ditë shënon fillimin e kthimit të Shqipërisë në gjirin e familjeve europerëndimore. Pavarësia e Shqipërisë u pagua me një tagër shumë të lartë, pasi që ajo nuk arriti t’i përfshinte në të njëjtin pullaz shqiptarët e shpërndarë kudo në Ballkan”, tha Mustafa.

Ndërsa duke folur për pozicion e Shqipërisë, në këtë 100 vjetor të shtetbërjes së saj, kreu LDK-ës, Isa Mustafa tha se Shqipëri është sot shtet demokratik i integruar në strukturat euroatlantike.

“ Sot, më 2012, kur shteti shqiptar po futet fuqishëm në shekullin e ekzistimit të tij, të mëvetësishëm, me mburrje mund të pohojmë se Republika e Shqipërisë, është një vend i qytetëruar dhe demokratik, një vend i anëtarësuar në NATO, një vend që është në prag të anëtarësimit të BE” , tha Mustafa.

Mustafa, tha se shqiptarët në rajon, ndonëse më së shumti të dëmtuar nga të gjithë popujt tjerë të Ballkanit, kanë promovuar gjithnjë bashkëjetesën paqësore me vendet fqinje.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30