Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Sabit Rrustemi:IBRAHIM KADRIU, KY ROMANSIER I PAEPUR

Akllapi Net - Forum i Hapur :: Arti dhe kultura

Shko poshtë

Sabit Rrustemi:IBRAHIM KADRIU, KY ROMANSIER I PAEPUR Empty Sabit Rrustemi:IBRAHIM KADRIU, KY ROMANSIER I PAEPUR

Mesazh nga Agim Gashi Mon Dec 17, 2012 9:12 pm

Sabit Rrustemi:IBRAHIM KADRIU, KY ROMANSIER I PAEPUR 560881_3304983354420_1641162823_n

Sabit Rrustemi:IBRAHIM KADRIU, KY ROMANSIER I PAEPUR
Sabit Rrustemi:IBRAHIM KADRIU, KY ROMANSIER I PAEPUR Koppjellaedreqitfinal

Në ambientet e shkollës fillore “Agim Ramadani” të Zhegrës, Ars Clubi “Beqir Musliu”, në kuadër të Manifestimit “Vjeshta letrare e Gjilanit”, para një numri të konsideruar artdashësish, paraqiti dy vepra të këtij viti, që lidheshin për një emër, shkrimtarin Ibrahim Kadriu.

Fjala është për veprën studimore të prof dr. Mahmud Hysës, “Polifonia e tekstit letrar” – fiksioni në romanete e Ibrahim Kadriut si dhe romanin më të ri të këtij romansieri të paepur, “Pjella e dreqit”.

Pas një bibliografie të shkurtër për prof dr. Mahmud Hysën, të cilën e paraqiti, Bilall Haliti, rreth kësaj vepreje studimore floën Xhevat Syla, si botues si dhe Nexhat Rexha, poet e kritik letrar.

U tha se prof Mahmud Hysa, ka bërë një studim të gjithanshëm për opusin romanësor të Ibrahim Kadriut, duke I marrë për shtjellim 17 romanet e tij ( pa dy romanet e fundit , botuar këtë vit, “Gjallorin” dhe “Pjellën e dreqit”), romane këto që, në mënyrën më të mirë paraqesin këtë njëqindvjetësh shqiptar me të gjitha situatat, sfidat dhe rrugëtimet e tija deri në ditët e sotme.

Ndërsa , vendlindja e tij, Zhegra dhe Gryka e Karadakut, mbesin frymëzimi I përhershëm I Ibrahim Kadriut dhe epiqendra ku zhvillohen të gjitha ngjarjet thuaja, që paraqiten nëpër këto romane, të cilat kanë pasur jehonë të gjerë si tek lexuesit poashtu edhe tek kritika. E, dëshmia më e mirë është dhe vetë vepra studimore e Mahmud Hysës.

Në vazhdim të kësaj veprimtarie letrare, para zhegrasve, u paraqit dhe romani më I ri I shkrimtarit Ibrahim Kadriu, “Pjella e dreqit”, për të cilin, gjerë e gjatë foli studiuesi Mahmud Hysa, duke e cilësuar si njërin nga romanet më të mira të këtij viti, botuar në hapësirat shqiptare.

Vetë ngjarja, personazhet dhe koha në të cilën zhvillohet e tërë drama e këtij romani, tha studiuesi I shquar, z. Hysa, intrigojnë për t’u lexuar dhe vlerësuar ky roman, I cili, s’ do mend, vetëm sa dëshmon mjeshtrinë e të rrëfyerti të shkrimtarit Ibrahim Kadriu.

Autori I mbi dyzete dy veprave letrare, duke ju drejtuar të pranishmëve, pak edhe nën emocione, tha se, edhe kur s’ kam qenë këtu mes jush, kam jetuar me juve dhe vendlindjen time si dhe këtë pjesë të Kosovës, duke e bartur nëpër shkrimet e mia, si një detyrë të vullnetshme që ia kam dhënë vetes, për t’i pasqyruar shumë nga të ndodhurat dhe të jetuarat tona nëpër kohë.

Protagonisti I dy veprave të paraqitura, Ibrahim Kadriu, më pas, të pranishmnëve ua dhuroi librin e tij “Gjallori”, si dhe drejtorëve të tri shkollave fillore, asaj të Zhegrës, të Llashticës dhe të Shurdhanit, dy librat që u paraqitën.

Njëkohësisht, nuk u harrua as biblioteka e shkollës fillore “Agim Ramadani” , të cilës Ars Clubi “Beqir Musliu” I dhuroi 44 ekzemplarë librash. Po, edhe shkrimtari Ibrahim Kadriu, disa nga ttujt e fundit të opusit të tij.

Përndryshe, “Vjeshta letrare e Gjilanit”, e cila pjesërisht po ndihmohet nga DKRS-ja ,përmbyllet me 22 dhjetor, kur edhe do përurohen dy botimet më të reja të këtij fundviti, “Vjeshta letrare e Gjilanit”, edicioni 2011 si dhe përzgjedhja poetike me një grup autorësh gjilanas “Parnasi me aromë Gjilani”.
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

- Similar topics

Akllapi Net - Forum i Hapur :: Arti dhe kultura

 
Drejtat e ktij Forumit:
Ju nuk mund ti përgjigjeni temave të këtij forumi