PREND BUZHAL-POEZI

nga **Agim Gashi** Sat Aug 10, 2013 9:55 pm

PREND BUZHALA-POEZI

****
Eh, deshe të besosh!
E po, beso, po deshe,
Mbasi mendja kështu po të mbushet!
Hiç nuk ta lanë betejat që i humbe.
Ti i pate ngritur duart përpjetë, në shenjë dorëzimi
E betejës iu ule tek gjunjët:
Nuk dua të ndeshem me ty,
Aman, mos më lër të fitoj!
E ndieje veten keq: si Njeriu më i Pafat
Si Njeriu Më I Humbur Në Botë
E pa betejat nuk bëje se nuk bëje!
Ç't’u desh ajo betejë
Që nuk e donte dritën
E dashurinë e mbërthen në akullnajë?
Ç't'ë duhej ajo betejë a mosbetejë,
Kur Gjaku të mpikset,
Sytë nuk të shohin: shikimi të zbret në ferr,
Për të shkuar tek të vrarët e fundit.
Duart nuk të punojnë: janë mbërthyer me gozhda
Për ta dërguar jetën tënde në Ringjallje
Tek trupat më të pafajshëm të Arb/Dheut .
Fjala nuk të dëgjohet:
Ta kanë dërguar në Tabelën për Çitje
E të thonë: ç'të duhet Atdheu?
Truri nuk të punon:
Për te tashmë e kanë përgatitë turrën e druve.
Këmbët nuk të ecin:
Ligësia e aureolave të vë kurthe e gropa.

E kur ke pa ti
Ndër ne Kohë të Mira?
Kohët e Mira janë për Grigjën e Ligë.
E në kohë të liga
Vetëm Njerëzit e Drejtë qëndrojnë ballëlart.

Mosbesimin ta lakmojnë?
E çka lakmojnë nga ti, vallë?
***
(Nga: Prend BUZHALA, POEZI 1999-2003
Ribotuar te libri poetik: Prend BUZHALA "Këpucët e rënda të lirisë", 2010)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30