Ridvan Hoxha,Kuvendar i LDK –së në KK. Prizren-NJOFTIM PËR MEDIA

nga **Agim Gashi** Wed Sep 04, 2013 9:22 am

Pse nuk pranova të jem pjesë e ekipit të LDK në Prizren, kandidat për Keshilltar për zgjedhjet e ardhshme lokale 2013…!

Ridvan Hoxha,Kuvendar i LDK –së në KK. Prizren-NJOFTIM PËR MEDIA

Duke e vlerësuar se LDK – ja në Prizren, me Eqrem Kryeziun dhe disa mbështetës të tij nuk duan të reflektojnë pozitivisht në prag të Zgjedhjeve Lokale të 3 nëntorit 2013, deklarojë publikisht pse nuk kam pranuar të bëhem pjesë e listës së kandidatëve të LDK – së për zgjedhjet në fjalë.

Nuk mund të rreshtohem në të njejtën listë e cila përmban emra kandidatësh me të kaluar të dyshimt publike – politike, të cilët kanë qenë të involvuar dhe i kan shërbyer aferave korruptive, abuzive të qeverisjes së keqe pa asnjë hezitim në Kuvendin Komunal të Prizrenit. Duke vlersuar se të tillë kandidat nuk përfaqësojnë vlerat e LDK-së, përkundrazi i njollosin deri në pafundësi ato, duke përfshirë këtu edhe vetë lidershipin aktual të LDK në Prizren. Me ri kandidimin e njerëzve që i shërbyen pushtetit aktual, lidershipi dhe kryesia e LDK-së në Prizren, me apo pa dashje, po e rrezikon fitorën e sigurte të LDK-së në këto zgjedhje lokale .

Edhe pse me vet dëshirë nuk jam pjesë e kësaj liste, për hirë të idealeve të vetë LDK -së, anëtarësisë së ndershme dhe gjithë qytetareve të Prizrenit, urojë që me 3 nëntor parashikimet e mija mos të dalin të sakta. Por, nga përvoja e herave të tjera ( 2007, 2009, 2010 ) kam frikë se kështu do të ndodhë .!

Përndryshe, personalisht si një zyrtar i lartë i LDK në Prizren prej vitit 2000 e këndej, në të gjitha pozicionet partiake – politike dhe publike kam shërbyer me ndershmëri dhe përkushtim, konform etikës, vlerave dhe virtyteve morale personale, në përputhje me Statutin dhe Programin e LDK – së, me bindje të plot se jam në rrugë të drejtë, në mbrojtje të vlerave të qytetit të Prizrenit në përgjithësi dhe të qytetarëve të tij. Gjithmonë mendimet e mija për çeshtje të ndryshme politike dhe publike, sidomos në luftimin e dukurive devijante sikurse janë nepotizmi, korrupcioni, kriminaliteti ekonomik, abuzimi me pushtetin etj. i kam shfaqur pa hezitim, hapur dhe në mënyrë të guximshme, si në seancat e Kuvendit Komunal dhe komisionet e tij dhe përmes mediave të shkruara dhe elektorike edhe në rastet kur kanë qenë në pyetje edhe vetë krerët e komunës apo bashkë partiaket e mij. Premtoj se i tillë do të vazhdoj të jem edhe në të ardhmen, pa marrë parasysh çmimin politik.

Për fat të keq, një pjesë e LDK – së në Prizren , duke përfshir edhe lidershipin, nuk i kanë çmuar këto kontribute, përkundarzi me veprimet dhe mosveprimet e tyre politike – publike jane bërë pjesë e së keqës, duke e përkrahur keqë qeverisjen dhe abuzimet e shumta të pushtetarëve aktual, konkretisht të Ramadan Mujës dhe parisë së tij politike. Falë “bashkëpunimit “ të msheftë , të vazhdueshem të disa kuvendarëve aktual të LDK-së, e që sot janë të ri kandiduar, Muja me parinë e tij ka arritur në mandatin 2009-2013 të sundojë me komoditet Prizrenin, duke i sjellur vetëm të kqija kësaj komune dhe duke u bërë pjesë e historisë më abuzive qeverisëse që njeh Prizreni.

Unë i falemnderojë qytetarët për mbështetjen e vazhdueshm e që kam pas dhe kam prej tyre,jam i lumtur që u shërbeva me nderë . Do të vazhdojë të jem krah i tyre.Ky mesazh është vetëm një kontribut i vogël i imi në luftimin e së keqës.

3.09.2013 Prizren Ridvan Hoxha,Kuvendar i LDK –së në KK. Prizren

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30