AGIM GASHI:TROPOJANES

nga **Agim Gashi** Tue Sep 10, 2013 12:08 pm

Agim Gashi:TROPOJANES

Flladi e maleve lëshoi freskinë
Erë e bardhë i ra Arbnisë,
Tropojanja ka dalë në koder
I ka dhanë rreze Shqipnisë.

Paska dalë ku ish kufini
Që ishte ba midis Shqipnisë,
Pret nji zemer të plagosun
N´sofer t´shtrueme të dashunisë.

Tropojane, vashë bujare,
Dalëngadalë te ti po vi,
Pritëm me atë fllad të bjeshkës
Ma merr koken e ma qet në gji.

Do t´pushoj në prehnin tand
Në nji trup ne me u shkri,
Bahem zog me pupla t´lehta
E marr ngryk nanën Shqipni.

Ta ndëgjoj frymarrjen tande
Në ata gji si gur t´Shkelzenit,
Të rrjedh gjaku si ujë Valbone
E lëshon aromen poleni.

Bashkojmë zemrat me dashuni
Lulboret çelin prore,
Siq jem ba bashkë unë e ti
Do t´bashkohet toka arbnore.

Rriten vashat e Tropojes
Ma të bukura ska n´vise tjera,
Sa gufojnë sikur qel lulja
Kur na e qet nji sy pranvera.

E duan jeten dhe lirinë
Po si zogjët që e don´ qiellin,
Sa të zjarrta n´dashuni
E mundin Hanën edhe Diellin!!!

Fusha, mali e bjeshka e naltë
O sa shumë ta kanë lakmi,
Je si lule që qel në prill
Je si dega me qershi.

Moj sorkalle tropojane
T´ka lindë nana e të ka rritë,
T´ka ba rreze porsi nuri
N´zemrën time me shëndritë.

Prap do t´vi kur vjen pranvera
Atëherë ma sdo t´ketë kufi,
Bahemi bashkë për jetë e mot
Si do t´bahet nana Arbni!

13 shtator 2010
Düren

nga **Agim Gashi** Tue Sep 10, 2013 12:23 pm

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

AGIM GASHI:TROPOJANES

AGIM GASHI:TROPOJANES

Re: AGIM GASHI:TROPOJANES