CNN, DIOGUARDI - AZEM HAJDARI KISHTE NJOHURI TË SAKTA MBI VENDNDODHJEN DHE IDENTITETIN E OPERATIVËVE GREKË DHE SERBË NË SHQIPËRI

nga **Agim Gashi** Thu Sep 12, 2013 1:52 pm

CNN, DIOGUARDI - AZEM HAJDARI KISHTE NJOHURI TË SAKTA MBI VENDNDODHJEN DHE IDENTITETIN E OPERATIVËVE GREKË DHE SERBË NË SHQIPËRI

“AZEM HAJDARI KISHTE NJOHURI TË SAKTA MBI VENDNDODHJEN DHE IDENTITETIN E OPERATIVËVE GREKË DHE SERBË NË SHQIPËRI” - Deklaron z. Xhiozef Dio Guardi, President i Ligës Qytetare Shqiptaro-Amerikane (AACL) dhe ish-Kongresmen Amerikan, gjatë një interviste në CNN, e cila u transmetua edhe në Europë.

Presidenti i AACL i bëri faktet absolutisht të qarta, kur i tha Xhim Klesnit në lajmet e CNN-it, se ai sapo ishte kthyer nga Shqipëria, ku kishte folur me opozitën dhe Azem Hajdarin, i cili e kishte informuar se kishte njohuri të sakta mbi vendndodhjen dhe identitetin e operativëve grekë dhe serbë në Shqipëri.

Dio Guardi deklaroi se opozita nuk ishte e përfshirë në grusht shteti, por ajo që ndodhi ishte një revoltë natyrale popullore që shpërtheu nga vrasja e Azem Hajdarit, ndryshe nga rasti i Nanos, i cili në 1997 përdori elementët kriminalë për të ardhur në pushtet dhe të cilin Perëndimi e mbështeti duke e ditur se në Kosovë po afrohej lufta dhe se ndryshe nga nacionalisti Berisha, Nanon mund ta llogarisnin si kukull të tyre.

Presidenti i AACL tha se shqiptarët ishin të lodhur me politikat e tyre të hartuara në Athinë, dhe për këtë arsye ata thërrasin se Nano nuk është shqiptar, por grek. Ai e akuzoi Nanon se fliste me Millosheçivin çdo ditë dhe se të dy ata, Nano dhe Millosheviçi, ishin kukulla në Ballkan. Ai gjithashtu tha se Nano duhet të japë dorëheqjen për këtë arsye dhe sepse ai kishte gënjyer njerëzit. Ai premtoi kthimin e parave që njerëzit humbën në piramida, ndërsa tani edhe paratë e ngrira të piramidave nuk gjenden dhe shqiptarët nuk po shohin ndonjë kthim.

Dio Guardi akuzoi Nanon se ai donte demokraci duke eliminuar komplet opozitën. Ai tha se heqja e imunitetit të Berishës ishte një lëvizje transparente që do të çonte në arrestimin e tij se nuk kishte opozitë të vërtetë pa Berishën.

_______________________
RD, 29.09.1998, f. 3. Përmbledhja e intervistës së ish-Kongresmenit Dio Guardi, President i Ligës Qytetare Shqiptaro-Amerikane (AACL) në CNN, e transmetuar në Europë është një shpërthim i vërtetë për Nanon, i cili po bëhet gati të qëllojë mbi opozitën me çdo mënyrë, pasi shiti Kosovën në Lisbonë për herë të dytë dhe pas vrasjes së Liderit Demokrat dhe deputetit Azem Hajdari.

www.voal-online.ch

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30