Vuçiq porosit: Do të vij në Kosovë bashkë me Vullinin

nga **Agim Gashi** Fri Oct 25, 2013 8:11 pm

Beograd, 25 tetor – Nënkryetari i qeverisë serbe, Aleksandar Vuçiq porositi sot serbë të Kosovës që ishin tubuar para qeverisë në Beograd, se deri në fund të fushatës për zgjedhjet lokale do të vizitojë Kosovën bashkë me ministrin pa portofol, Aleksandar Vullin, si dhe theksoi që mbështet të gjitha listat serbe, por më së shumti e do “Listën tonë Serbe”.

“Në ato zgjedhje është me rëndësi që ne të fitojmë edhe një faktor me ndikim dhe të krijojmë Bashkësinë e komunave serbe, por është shumë me rëndësi edhe të tregojmë se nuk mund të na ndajnë dhe përplasin”, theksoi Vuçiq.

“Unë them tashti, le të arrestojnë kënd të duan, se do të shkojë bashkë me Vullinin në Kosovë dhe se do të vizitojë pothuaj të gjitha vendet në Kosovë e Metohi”, porositi ai, raporton agjencia FoNet.

Ai foli edhe në lidhje me deklaratat e Erdoganit në Prizren para dy ditëve dhe i shtroi pyetje Brukselit nga Beogradi se si është e mundshme të lejohet vizita e Erdoganit dhe Edi Ramës në mitingu e partisë së Hashim Thaçit, kurse Vullinit t’i ndalohet paraqitja në tubime që i organizon Lista Serbe.

“Si është e mundshme të na thoni që të vizitojmë ekskluzivisht manastiret, kurse unë nuk pash as Erdoganin e as Ramën në xhami, i pash në tubimin politik të Thaçit. A janë këto kute të njëjta apo të dyfishta? Këto janë pyetjet tona Brukslelit”, tha ai.

Ai tha se ka pritur që dikush nga Brukseli të thotë se është skandal ajo që ka thënë Erdogani.

Vullin ndërkaq, ftoi serbë të dalin në zgjedhje lokale, sepse, sipas tij, asisoj do të ruajnë Serbinë. “Nuk kemi ne rrugë më të mirë dhe më të shkurtër nga kjo që është para nesh. Më 3 nëntor votoni për ‘Srpska’, më 4 nëntor do të ndërtojmë ‘Srpskan’”, tha ai.

Sipas raporteve të mediumeve serbe, sot në Beograd, në mënyrë të organizuar dhe me autobusë kishin ardhur rreth 1 000 serbë nga Kosova. Ata bartnin flamuj të Serbisë, flamuj dhe transparente të Iniciativës Qytetare “Srpska” dhe brohorisnin emrat e Vuçiqit dhe të Vullinit.

Pas fjalës së Vuçiqit ata sërish u ulën nëpër autobusë dhe u nisën drejt Kosovës.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30