Opozita porosit se s’do të ketë normalitet deri në tërheqjen e marrëveshjeve

nga **Agim Gashi** Tue Nov 17, 2015 8:32 pm

Opozita porosit se s’do të ketë normalitet deri në tërheqjen e marrëveshjeve

Foto Bota sot

Opozita e vendosur të mos lëshojë pe, deri në zhbërjen e marrëveshjeve

(E plotësuar) Tri partitë opozitare, Lëvizja Vetëvendosje, Aleanca për Ardhmërinë e Kosovës dhe Nisma për Kosovën janë shprehur të vendosura që nuk do të lejojnë normalitet në Kosovë deri në tërheqjen e marrëveshjeve të dëmshme për Asociacionin e Komunave Serbe dhe Demarkacionin me Malin e Zi.
Kryetari i Lëvizjes Vetëvendosje, Visar Ymeri, në një konferencë për media tha se për aq kohë sa nuk tërhiqen marrëveshja për Asociacionin e Komunave Serbe, dhe Demarkacionin me Malin e Zi në Kosovë nuk do të ketë normalitet.

Ymeri:Shihet qartë që në Kosovë nuk ka normalitet

“Po shihet qartë që në Kosovë nuk mund të ketë normalitet për sa kohë i kemi dy marrëveshje, njëra për krijimin e ‘Zajednicës’, komunave me shumicë serbe, tjetra për Demarkacionin me Malin e Zi të cilat po e rrezikojnë për çdo ditë Republikën. Pra edhe njëherë po e themi nuk ka me pas normalitet institucional në Republikën e Kosovës për sa kohë këto dy marrëveshje e kërcënojnë Republikën me zhbërje”, tha Ymeri.
Edhe i pari i Aleancës për Ardhmërinë e Kosovës, Ramush Haradinaj, është shprehur se deri sa nuk ka tërheq je të marrëveshjeve, nuk do të ketë normalitet të situatës në Kosovë.
Hardinaj,u ka bërë thirrje partive politike PDK dhe LDK që të mos e sjellin Kosovën në krizë më të madhe duke e përkrahur siq tha ai “Zajednicën”.

Haradinaj: Në Kosovë nuk ka normalitet pa anulimin e marrëveshjeve

“Në Kosovë nuk ka normalitet pa u anuluar këto marrëveshje. Thirrja ime është për partitë politike, PDK-LDK, për të gjithë ata që kanë mend të mendojnë të mos e sjellin Kosovën në krizë më të madhe në përkrahje të ‘Zajednicës’. Kemi dy Kosova sot, janë ata që e kundërshtojnë ‘Zajednicën’ dhe ndarjen e kufirit, në këtë rast janë paritë politike opozitare, shoqëria civile që ka shprehur shqetësim për llojin e dialogut dhe janë partitë politike PDK-LDK me partnerët e tyre që po përkrahin ‘Zajednicën’ dhe misionin e gabuar të kufirit me Malin e Zi” , tha Haradinaj.
Ndërsa, Lideri i Nismës për Kosovën, Fatmir Limaj ka thënë që prokuroria të mos bëhet instrument i politikës dhe e ka ftuar atë që menjëherë të fillojë hetimet për ata që kanë bërë shkelje kushtetuese me këto marrëveshje

Limaj: Ftesë Prokurorisë që të fillojnë hetimet për ata që nënshkruan marrëveshjet

“E kam një ftesë për Prokurorinë, mos të bëhet instrument i politikës, ne jemi duke e bërë betejë politike për ekzistencën e republikës sonë. Ata duhet ta kuptojnë një gjë të tillë, mos të bëhen instrument politik në ndjekje të opozitës dhe të gjithë atyre që po bëjnë përpjekje po angazhohen për ta mbrojtur vendin e tyre. Në fakt ne ftojmë Prokurorinë e Shtetit që një shtet normal kështu do të vepronte, që të fillojnë hetimet për drejtuesit shtetëror të cilët kanë bërë shkelje Kushtetueses dhe kanë përgjegjësi penale për nënshkrimin dhënie të territorit të Kosovës, vendit tjetër, dhe gjithashtu shkelje të Kushtetuese duke krijuar një etnitet të ri politik në vendin tonë”, tha Limaj.
Këto deklarata u bënë pas takimit të tri subjekteve opozitare në selinë e VV-së, pas ngjarjeve të bujshme që kanë ndodhur sot në Kuvendin e Kosovës.
***
Tri partitë opozitare – Lëvizja Vetëvendosje, Aleanca për Ardhmërinë e Kosovës dhe NISMA për Kosovën janë shprehur të vendosura që nuk do të lejojnë normalitet në Kosovë deri në tëreqjen e marrëveshjeve të dëmshme për Asociacionin e Komunave Serbe dhe demarkacionin me Malin e Zi.
Lideri i NISMËS Fatmir Limaj ka thënë që prokuroria të mos bëhet instrument i politikës dhe e ka ftuar atë që menjëherë të fillojë hetimet për ata që kanë bërë shkelje kushtetuese me këto marrëveshje.
Lideri i AAK-së Ramush Haradinaj, ndërkaq, ka thënë se janë të vendosur dhe i ka bërë thirrje PDK-së dhe LDK-së që të mos e çojnë vendin në krizë më të thellë.
Deklaratat u bënë pas takimit të tri subjekteve opozitare në selinë e VV-së.

Liderët e opozitës fillojnë takimin

Ka filluar takimi i liderëve partiakë të opozitës, ku përveç tyre janë të pranishëm edhe zyrtarë tjerë të këtyre partive.
Ky takim erdhi pas eskalimit të situatës së sotme në Kuvend ku opozita e pamundësoi mbajtjen e saj, duke hedhur gaz lotsjellës, me ç’rast pati edhe të lënduar.
Liderët e tre partive opozitare VV, AAK dhe Nisma, pritet të dalin me një deklaratë, pas seancës së mbajtur sot nga partitë në pushtet, ku miratuan e buxhetin për vitin 2016.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30