Lebibe Zogiani:ZOTI IM JE TI

nga **Agim Gashi** Thu Nov 14, 2013 11:50 am

Lebibe Zogiani:ZOTI IM JE TI

Lebibe Zogiani:ZOTI IM JE TI 1466129_539141132845510_1623199831_n

Më verboi loti yt sot
Gur, gur në shpirt
Më bëri hi
Ti mikja ime
Ti që flet çdo ditë për dashuri
Ti që ia rrëzove krenarinë dhembjes
Vitet e sëmura
Një nga një
Me grushtin e shpirtit, të durimit
Por jo ndërgjegjen e sëmur- njeri

Larg kohës tënde shekull
Mbyllur me çelësin e ndryshkur të harresës
Larg, larg….
Ndjenjës më t’bukur njerëzore
Pranë gëzimit tënd lutem
Gonxhe B. të mbillen te çdo njeri

Më verboi loti yt, sot
Nuk desha ta shohë botën me sy
Botën që në verë e raki
Kërkon dashuri
Në thashethëme, gënjeshtra
Në numër dashnor e dashnoresh
Kërkon lumturi
Sakrifikojnë familje, fëmijë
E për ty vetëm vetmia pat kohë sot
Me ty , mikja ime

E ata,
Që mbi lartësi
Rrahin gjoks pa turp
Ata, që m’i shurdhojnë veshët
Me fjalën Zot e Dashuri
Harrojnë…
Se Zoti ndodhet pranë, te ti njeri
Në dhembje, në vetmi
E për ty vetëm pritja pat kohë, sot
Me ty, e ftohta bardhësi

Nuk kam kohe
Për kishë e as xhami
Bajram e Krishtlindje, më je ti
Gjunjëzohem para gëzimit tënd
ZOTI IM JE TI
Lutem
Dhe jo, vetëm pesë herë
Vrapoj, si e çmendur
Të arrij pranë dhembjes tënde
Që shkon deri në çmenduri …!!!

Më verboi loti yt sot
E as nuk dua
Të shohë
Nuk e dua botën pa sy
Të verbër…!
Dua të jem me ëndrrën
Të zgjohem
Bashkë me ndërgjegjen tënde njeri!

Lebibe Zogiani

nga **Agim Gashi** Thu Nov 14, 2013 11:52 am

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Lebibe Zogiani:ZOTI IM JE TI

Lebibe Zogiani:ZOTI IM JE TI

Re: Lebibe Zogiani:ZOTI IM JE TI