Diskutime shoqrore të shkurtëra e të gjata

Gratë s’kanë as për buzëkuq




Dihet se në kohërat e krizës paraqitet ‘efekti i buzëkuqit’, fenomen ky kur gratë në vend të kozmetikës së shtrenjtë fillojnë të shpenzojnë për imtësi, fillimisht për buzëkuq sa më të kuq. Por si duket ka ardhur kohë aq e keqe saqë edhe me këtë teori diçka nuk është në rregull.
Gratë nuk shpenzojnë më për buzëkuq të tillë, por blejnë vetëm shamponë madje edhe vetë i ngjyrosin flokët, tregoi anketa më e re e kryer në Britani të Madhe, Francë dhe SHBA.

Ky buzëkuq i famshëm të cilin e blejnë gratë, thotë teoria e ‘efektit’ do të duhej bile së paku t’ua rregullojë disponimin, t’i ndajë nga masa e mërrolur, t’ua ngritë vetëbesimin dhe të ndihmojë që të mbajnë pamjen e bukur. E si tani po ngushëllohen nëse nuk kanë as buzëkuq kualitativ?
Blejnë ndonjë krem të lirë për fytyrë, losion për trup dhe prodhime për flokë. Në vend të hijeve të shtrenjta për fytyrë dhe pudër, po kthehen kah prodhimet për kujdes.

Bukuria është bërë e domosdoshme dhe nuk është më luks, andaj gratë bëhen gjithnjë më krijuese në krijimin e ideve se si ende të duken mirë, por me më pak para. Këtu kanë rëndësi preparatet për kujdes të fytyrës, trupit dhe flokëve e jo buzëkuqet.
Është interesant se ‘efekti i buzëkuqit’ aq është i jo popullarizuar saqë vetëm 3 për qind e grave në të tri shtetet deklaruan se në këtë krizë blejnë buzëkuq, e të gjitha thanë se fillimisht po blejnë prodhime për kujdes.

Kane përsëri për Topshop




Dizajnuesi skocez, Christopher Kane përsëri do të punojë për Topshop koleksionin më të madh deri më tani. Pas revysë së suksesshme pranverë/verë 2007, dizajnuesi punoi koleksionin e tij të parë për këtë zinxhirë. Koleksioni i ri që vjen në dyqane kah fundi i muajit gusht tashmë po shkakton entuziazëm të madh mes adhurueseve të modës.

Edhe vetë dizajnuesi është i entuziazmuar: “Kjo është më shumë se mini koleksion. Po i punoj çantat, këpucët, fustanet, fundet...Asgjë të ngjashme s’kam bërë deri më tani. Gjithçka është nga pak wow! Por nëse ju them më shumë do ta kuptoni inspirimin dhe temën e koleksionit. Kryesisht do të jetë plot befasi! Vajzat do të çmenden pas koleksionit, në këtë jam i bindur”, deklaroi Christopher Kane.

Made in Kosova


Pas Cyrihut dhe Vjenës, kreatorja Krenare Rugova është në kërkim të tregjeve të reja Evropiane. Me një fjalë tregu i saj kosovare tashmë po bëhet Evropian. Ajo punëson edhe 15 punëtor të tjera që punon në një mini-fabrikë të hapur në Vushtrri.

Nga Milot Hasimja

Dukej e gëzuar dhe e buzëqeshur. Ajo po arrin synimin e saj të cilin e kishte e ngulitur në kokë për vitet të tëra.

Misioni i Kosovës të cilin e kishte nisur menjëherë pas ardhjen nga Amerika tashmë po i kalon kufijtë e shtetit më të ri të Evropës.
Ajo për përgatitet për një rrugë e quajtur Evropë.

Me një fjalë tregu i saj kosovare tashmë po bëhet Evropian.
Pas Cyrihut dhe Vjenës tashmë në rend janë qytet e tjera. Po flasim për kreatoren Krenare Rugova.

Llogoja e saj është KR ndërsa nën këto dy shkronja që simbolizojnë emrin e saj, do të shkruan Made in Kosova.

“Tash jam duke i kërkuar vendet e tjera. Sepse nëpër Evropë ekzistojnë butiqe të tilla të dizajnerëve që janë gjithmonë në kërkim të dizajnerëve të rinj e sidomos ata mirëpresin dikë që nuk kanë dëgjuar asnjëherë, siç është Kosova”, fillon rrëfimin e saj Krenarja.

Ateleja e saj e bardhë në mes të Prishtinës është e mbushur plot me kreacione të llojeve të ndryshme ndërsa thjeshtësia e Rugovës e bën edhe më të bukur ambientin.

“Po besoi se do të ketë sukses sepse ata po befasohen kur po shohin llojin e punës që po e prezantoj”, shpjegon Krenarja.
Porositë për kreacionet e saj që vinë nga Cyrihu dhe Vjena tregojnë se ajo di të punojë.

Po të ishte e dobët kush do të porosiste! Me një fjalë janë me mijëra dizajnerë të tjerë që do tu drejtoheshin në të kundërtën. Por një zgjedhje të mirë ofron Rugova.

Tashmë në këto dy vende që përmendem është dërguar një mini koleksion prej 30 veshjeve që përmban setra, fustane, bluze.

“Ka veshje të përditshme dhe solemne por unë kryesisht kam synim të punojë veshjet përditshme sepse është më problematike me dizajnu diçka që është e përditshme dhe funksionale por edhe me dizajn të përkryer”, shpjegon Krenarja. Një mesatare e çmimit të kreacioneve të saj shkon në 200 euro.

Krenarja punëson edhe 15 punëtorë në një mini fabrikë të cilën e ka hapur në qytetin e Vushtrrisë falë ndihmës nga Agjencioni Evropian për Rindërtim.

Manikyrimi shton rrezikun nga kanceri




Gratë të cilat rregullisht shkojnë në sallonet e kozmetikës për manikyri shtojnë rrezikun nga sëmundja e kancerit të lëkurës, tregoi studimi më i ri. Mjekët amerikanë lëshuan alarmin pasi që dy gra u sëmuren nga kanceri në duar shkaku i ekspozimit ndaj UV llambave me rreze që përdoren tek vendosja e thonjve artificial.

UV llambat përdoren në shumicën e salloneve kozmetike, dhe mund të blihen edhe për përdorim shtëpiak. Megjithatë, ekspertët frikësohen se dozat e larta të UV ajrit që janë më të rrezikshme në formën e UV rrezeve ndërkaq i prodhojnë këto llamba mund të dëmtojnë qelizat e lëkurës.
Dermatologët nga Universiteti i Teksas andaj bëjnë thirrje që më detajisht të hulumtohet siguria e UV llambave për manikyri. Gjithashtu paralajmërojnë se gratë të cilat rregullisht shkojnë në tretmane për vendosjen e thonjve artificial do të duhej të kontrollonin duart dhe gishtat dhe nëse vërejnë shenja të pazakonta menjëherë të vizitojnë mjekun.

Gratë tek të cilat u zbuluan tumoret në duar vizitonin sallonet për manikyri rregullisht, njëra tetë herë në vit përderisa e dyta e bënte këtë 2 herë në muaj gjatë 15 vjetëve të fundit.