AGIM GASHI:KURRKUSHËT

nga **Agim Gashi** Tue Jan 28, 2014 2:23 pm

AGIM GASHI:KURRKUSHËT

Po sa keq që e ndjen veten
Kur t´lavdon a t´qesh kurrkushi
Kur t´miklon
Është paturpësi
M'u aty nis të sundojë
Filozofi e kurrkushëve

“Unë si unë, si unë askushi“
i vetëknaqur deri n'marri
Edhe kur fama e tij
tejetej ka shpërthy
As n'kufijtë e mëhallës së tij s'ka mbrri
Dhe as syri hijen në s'ia kap

Kurrkushët formojnë harmoni kolektivitet
Pa rënë dakord me askënd
Digjen pa i parë askush
Imitojnë diktatorët
Nuk duken askund
Por duan të dëgjohen
Kur loja merr fund

Sort mbi sortë
E kurrkush mbi kurrkush
Takon sa të duash
Në tokat e atdheut tonë
Halabak e mahlukat
Me nga dy shkronja në xhep
Renditen si treni i Rezallës
Bëjnë hyxhym si qent e Muqivërrcit
Mbajnë ligjërata si gjelat e Komaranit
Pa ja ditë takatin vetes
Duke u ngulfatë n'hiperinflacionin
E muhabeteve t'veta

Kurrkushët edhe këndojnë
Tallavas me sy mshelë ia thonë
Edhe poezi shkruajnë
Duke mos ditë as ku me ja nisë
E as ku duhet të përfundojë
Dhe ngulin këmbë bylmezat
Se e zbuluan edhe…
As vetë s'e din de

O ti askush e mik i kurrkushit
O ti kalemxhi me dy shkronja në xhep
Kameleon mbi kameleonët
O halabak e përqyrran
Që veç ndër thashetheme jetoni
Prandaj s'dini as të mendoni
Se në Kosovë ende
të zhdukurit nuk u gjeten
Se të varfërit po shtohen
E atdheu përditë me ju humb dritën

II
Pse kështu e si kështu
Miqët e mi të djeshmit e të sotmit
Dikur bënin punën e huaj
Ata të Stalinit ua kthyen shpinën
Këta mbetën stalinista
Edhe ata të Maos i nënçmuan
Këta prap mbetën maoista
Prej kopilave të haremeve shekullore
Kjo tokë kurr të mira nuk priti
Shkëputja nga e kaluara nuk është e lehtë
Çdo gjë na e shtrojnë edhe sot në sofër
Me habitoren nën sqetull

Eh çka neve na la diktatura
Si na e fshiu trurin për së gjalli
Na vdisnin shkrimtarët e kombit
Memzi e përcjellin dyzet veta
Pa ia thënë asnjë fjalë shqip
Te varri vetëm hoxha belbëzin
Disa fjalë në gjuhë të huaj
Që as dreqi s'i kupton
I vetmi popull jemi
Që yndyrën e kombit njeri
I mbysim për së gjalli
I nderojmë për së vdekuri
Ma vonë e mbysim dy herë
Përfundimisht me i harru

Gjakprishurit e kombit në pushtet
Si dikur ashtu edhe sot
Na i shpallin poetët tanë
Fashista e udbash
Dhe mu ka mbushë mendja
Dhashtë Zoti të mos jetë kështu
Se kurrqyshët tanë
Më parë pranojnë të bëhen
Diktator edhe në tualet
Se sa ta nderojnë e t'i heqin kapelën
Një vlere kombëtare

III
Edhe nga mërgimi na doli një bejtexhi
Kalemxhi që shkruante bejte shumë
Kritokonte A.Sh. e shumë të tjerë
Mendonte i shkreti S.K
Se duke kritiku kolosët
Ia rritë vetes namin
A.Sh. më nuk është në mesin tonë
Por kalemxhia vazhdon me ndytësi
Kundër kolosëve
Duke pshurr e dhjerë
Me atë gojën e vet qenef
Vonë e ka ky kalemxhi
Me u bë i madh, por as njeri
Sa kriminel bëhen klandestinët
E në zemër të Kosovës
Kurrkushët me kurrqyshët
I bëjnë prap vend Serbisë

27.01.14
Düren

nga **Agim Gashi** Tue Jan 28, 2014 2:27 pm

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

AGIM GASHI:KURRKUSHËT

AGIM GASHI:KURRKUSHËT

Re: AGIM GASHI:KURRKUSHËT