AGIM GASHI:TEK VARRI YT, BIJA IME

nga **Agim Gashi** Thu Aug 14, 2014 10:42 pm

AGIM GASHI

TEK VARRI YT, BIJA IME
(Bijës sime Shqipes)

Ty, bija ime Shqipe
T'u përkula te varri yt
Me zemrën e bërë copë-copë
Pasi të varrosëm në tokën e huaj
Shqip të foli babai ty
E si me të folë ndryshe
Kur emrin dhe zemrën shqipe e kishe.

Djali dhe burri me zemrën e bardhë
Të veshën me fustanin kuq e zi
Motrat ta bënë grimin
Nëna të lau me lotin e saj
Vëllëzërit t'i ujitën lulet mbi varrin tënd
Babai shqip të përcolli në amshim.

Oh, zemra e babit
Oh mish i mishit tim
Sa qenka dhimbje e trishtim
Me të përcjellë në amshim
Në këtë vdekje të pa rend
Në tokën e huaj me të shti në dhe
Qoftë i mallkuar mërgimi i zi
A thua qan diksuh për ne
Mërgimtar, o njeri pa atdhe.

Zgjohu, bija ime e dashur, zgjohu
Shiqoje jetën edhe njëherë me sy
Sa vujanë prindërit për ty
Burri e djali lotojnë
Jeta vazhdon edhe pa ty
Dikush martohet e dikush fejohet
Dikush qan e dikush qesh
Por ti më nuk je, moj bijë,
Të mbuloi dheu i zi.

Ditën që vdiqe, moj bija ime,
Edhe fluturat lotuan për ty
Ishe engjëll e shkuar engjëjve
E veçanta e botës njerëzore
Sa ndihmove njerëzit në nevojë
Të varfërve kafshatën ua dhurove
Andaj Zoti të mori pranë vetes
Fluturat e lulet do t'i kesh përmbi.

Fli e qetë, Shqipja ime,
Me fustan të nusërisë kuq e zi
Varri çerdhe mërgimi t'u bë
Atje larg në polin e veriut mbi re
Do ta puthësh të shtrenjtin atdhe
E ne sa do që do të jetojmë
Kurrë, kurrë s 'të harrojmë.

14.08.2014-Lipjan

nga **Agim Gashi** Thu Aug 14, 2014 11:36 pm

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

AGIM GASHI:TEK VARRI YT, BIJA IME

AGIM GASHI:TEK VARRI YT, BIJA IME

Re: AGIM GASHI:TEK VARRI YT, BIJA IME