Astrit Haraçia:RUGOVA, një figurë madhështore e historisë shqiptare

nga **Agim Gashi** Wed Dec 03, 2014 2:25 am

Astrit Haraçia:RUGOVA, një figurë madhështore e historisë shqiptare

Pesëdhjetë vjet me pare, një student i letersise shqiptare në Prishtine, Ibrahim Rugova i ri, fshehur nga policia komuniste e asaj kohe, shkone në Rome dhe atje takohet me doajenin e arsimit dhe letersise shqiptare, djathtistin e perbetuar Ernest Koliçi.
Çka na thotë ky takim I Romes? Na thotë se, në boten shqiptare, pas një gjysem shekulli, u paraqit një intelektual me vizion kombetar.
Pse vizion kombetar? Sepse, në ate kohe ishte në kulm një lloj levizje politike, levizje qe anatemonte traditen kombetare shqiptare, dhe në vend te figures se Njeriut Kombetar, krijohej një prototip artificial i quajtur “njeri i ri socialist” .
Kombit I kishet zenë vendin grumbulli social.
Sipas analizave bashkohore letrare, në letersine shqipe, I pari pas luftes se Dyte Boterore, u paraqit një fakture dhe një estetike e konceptit dhe ideve Perendimore, te cilen e solli vepra në krijim e siper e Ibrahim Rugoves.
Ky koncept letrar, se shpejti u shenderrua në një filozofi politike Perendimore te Rugoves, e cila filozofi do te gjeje edhe zbatim praktik, qe nga dita kur në krye te Lidhjes Demokratike te Kosoves vendoset dr.Rugova. Ajo shpalli platforme: çeshtia shqiptaret është çeshtje e Perendimit dhe e tradites demokratike Perendimore:, shqiptaret jane kombi qe posedon argumentin politik te drejtesise etnike dhe historike perballe hegjemonive gjakpirese te Ballkanit. Historikisht, shqiptaret kane qene komb i paqes, e jo i luftes. Komb qe është mbrojtur, dhe asnjehere nuk ka sulmuar. Kjo është sublimja e filozotsie paqesore gandiste e Rugoves. Dhe,gjithe bota u bind nga argumenti I fort i Rugoves. Dhe çeshtja e Kosoves per here te pare doli në agjenden e Fuqive te Vendosjes boterore.
Ibrahim RUGOVA është I pari intelektual dhe lider politik qe detinitivisht e çjerri intrigen politike diplomatike te hegjemonisteve te Ballkanit. Per here te pare në historin shqiptare,nje djalë I Ri, neper Konferenca shtypi per çdo dite te premte në Prishtine, dalengadale beri internacionalizmin e çeshtjes shqiptare te Kosoves. Kosova u be çeshtje Boterore.
Lideri i pare në historine kombetare,qe u pranua pa rezerve nga te gjithe lideret e Fuqive te Medha, ishte Ibrahim RUGOVA,i pari pas Luftes se Dyte qe promovoi në tere boten idene e perkatesise Perendimore te Identitetit te kultures dhe historisë,trashegimise dhe tradites shqiptare.
Nga projeksioni i sotem, veshtire është te merret me mend trimeria e te urtit Ibrahim RUGOVA. Ishte diçka e pabesushme qe në ate kohe sistemi totalitar serb te dilte një djal i ri dhe te deklaronte publikisht çeshtjen e Kosoves balle falangave ushtarako-policore serve. Kjo trimeri,ne te cilen Rugova e internacionalizoi çeshtjen shqiptare në tere boten,beri qe populli I Kosoves t’i dilte në krah dhe ta admironte, ashtu si admirohet Princi shpirteror i kombit.
Kur i pari foli RUGOVA, si thotë edhe një bashekohanik i tij, eminenca gri shihnin shansen e Kosoves në “demokratizimin e Serbise” në “shoqerit civile” në “te drejtat dhe lirite e njeriut” dhe dilnin hapur me keso opsione. Por Rugova fliste pak dhe shkurt.
Ai e shnderroi në sentence fjaline “Pavaresi per Kosoven”.Pike.
A nuk ngerthen kjo fjali tere perpjekjen shekullore te shqiptareve per liri? Lira e shqiptareve, thoshte Rugova para liderve boterore, do ta qetesonte regjionin e Ballkanit dhe me gjere. Kjo është filozofi politike qe zberthehet fare lehte: derisa një popull është I roberuar,ne ate vend nuk do te kete qetesi, do te kete luftera permanente,pa marre parasysh kush I shkakton, viktima apo xhelati !
Ne ate kohe, pjesa me e madhe e eminences shqiptare kalkulonte opcione te lloj llojta per zgjidhjen e çeshtjes se Kosoves. Pas gati dye gjysem dekadave,sot ,te gjithe e perfaqesojne opcionin e Rugoves te permbledhur në fjalin e Tij te thjeshte -LIRI -PAVARESI -DEMOKRACI-. në ate kohe kur e nxori RUGOVA kete fjali, rralle kush kishte guxim ta shqiptonte publikisht. Si erdhi në krye te Levizjes politike Rugova ?
Dhe ,pse pikrisht ai ? në ate kohe, aktivistet e partive politike te posaformuara, perpiqeshin te gjenin një individualitet karizmatik intelektual. Dhe shume emrave u ofrohej te dilnin në krye te Levizjes. Ata refuzonin, qofte nga frika, qofte nga kompleksi i inferioritetit. Ku te gjendej një Njeri suprem,pa hipoteka te kaluares,qe te dilte në balle Levizjes Çlirimtare ?
Kishin mundesi gati te gjitha individualitetet eminente te kohes te dilin në balle te Levizjes.
Por doli vetem Dr.Ibrahim Rugova
Nje Njeri i Urte, Ibrahim Rugova.
Gjithnje i buzeqeshur.
Edhe në çastet me te veshtira te stuhive qe perpinin Kosoven me fallangat fashiste te armates serve.
Kurre nuk ua kthente goditjet e renda qe merrte nga ata qe ia kethenin shpinen duke mos besuar në filozofine dhe platformen politike te tij ! në çastet me te veshtira e linin vetem. Por, Rugoves i mbeti besnik gjithe populli I Kosoves. U pa nga te gjithe se Porgrami politik i Rugoves sherbeu si baze e forte per një opcion te ri te filozofis politike, qe njezetpese vjetve e shkuara e deri në ditet e sotme, do te ndertohet si traste per realizimin e shtetit demokratik te Kosoves.
Se është merite e Rugoves Pavarsia de fakto, po aq edhe merite e popullit te Kosoves, qe me një disipline te papare politike,me sakrifica te mbinatyrshme i ndejti prane dhe realizoi pogramin e Presidentit Rugova,duke luftuar dhe rezistuar kunder roberise, duke e perkrahur me shpirt dhe sakrifica te jashtezakonshme punen dhe vepren politike te Presdentit RUGOVA…..
E sot na mugon në çdo pore te jetes por edhe njehere faleminderit Zotit çe na fali engjullin tonê .
Dr.Ibrahim Rugoven.
Zoti e bekofte Presidentin Rugova
Zoti e bekofte Kosoven dhe miqte tane.
Ky shkrim është per 70 vjetorin e lindjes Presidentit Rugova nga Astrit Haraqija

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30