Në Graçanicë ndahen 19 banesa, asnjë simbol i Kosovës të gjitha të Serbisë

nga **Agim Gashi** Mon Jun 29, 2015 6:19 pm

Në Graçanicë ndahen 19 banesa, asnjë simbol i Kosovës të gjitha të Serbisë

Përfaqësuesit e Ministrisë për Komunitete dhe Kthim dhe përfaqësuesit të Komunës së Graçanicës, sot nënshkruan kontratat me përfituesit e banesave për shfrytëzim në bazë të konkursit të vitit të kaluar

Një nga problemet më të mëdha që u theksua sot gjatë nënshkrimit të kontratave për shfrytëzimin e banesave, ishte se disa njësi të banimit tashmë janë të banuara në mënyrë të paligjshme.
Gjatë nënshkrimit të kontratave ishte i pranishëm edhe ministri për komunitete dhe kthim, Dalibor Jevtic, i cili për rastin e problemit të banesave të uzurpuara tha se, ligji është mbi forcën dhe ai duhet të respektohet.
"Ne duam që çështja e banesave të uzurpuara të zgjidhet përfundimisht. Shpërndarja e njësive të banimit të kryhet plotësisht në përputhje me ligjet dhe procedurat që e përcaktojnë atë. Kjo është arsyeja pse kemi hyrë në këtë proces në mënyrë konkrete, me marrëveshje gojore dhe shkrim. Shpërndarja e banesave, dmth. nënshkrimi i kontratave, është një hap drejt qëllimit përfundimtar, e qëllimi përfundimtar është që të gjitha njësitë banesore të merren nga shfrytëzuesit në përputhje me vendimet e Komisionit në një anë, dhe në anën tjetër dërgimi i një mesazh të qartë se ligji do të jetë mbi forcën dhe do të zbatohet dhe respektohet plotësisht. Për të gjithë ata që mendojnë se mund të uzurpojnë pronën, ky është një mesazh i qartë se nuk do të mbeten pa u ndëshkuar. Ne do të insistojmë përmes institucioneve, pavarësisht se në çfarë presioni hasim", tha ministri Jevtic.
Kryetari i Komunës së Graçanicës, Vladeta Kostic, i cili në emër të komunës ka nënshkruar kontratat me përfituesit e banesave, tha se ka vullnet që fushën e banimit ta rregulloj deri në fund, duke i siguruar shfrytëzuesit e banesave të uzurpuara se do të veprojnë së bashku për lirimin e banesave të uzurpuara. Komuna e Graçanicës dhe Ministria për Komunitete dhe Kthim do të ndihmojë të gjithë ata të cilëve u janë uzurpuar banesat të realizojnë të drejtën për të jetuar në shtëpi, ka thënë Kostic.
Përfituesit e kontratave të banesave sot gjatë nënshkrimit ishin të lumtur, por të shqetësuar në të njëjtën kohë sepse disa prej tyre do të duhet të realizojnë të drejtën për banim përmes gjykatës.
Ata që sot i nënshkruan kontratat, ende duhet të shohin nëse banesat i kanë të uzurpuara apo jo. Ministri Jevtic dhe kryetari Kostic kanë premtuar për të gjithë ata të cilët vërtetojnë se banesën e kanë të uzurpuar, pasi të lajmërojnë këtë problem, se do tu sigurojnë të gjithëve mbështetjen e nevojshme në evitimin e problemit.
Nënshkrimi i sotëm i kontratave u parapri nga nënshkrimi i kontratës ndërmjet Ministrisë për Komunitete dhe Kthim dhe Komunës së Graçanicës, dhjetë ditë më parë, dhe përcakton shpërndarjen e banesave në territorin e kësaj komune.
Por në këtë ceremoni nuk u pa asnjë simbol i shtetit të Kosovës, por vetëm flamuj të Serbisë, e kjo është e papranueshme duke e ditur se këto banesa janë ndërtuar me paratë e taksapaguesve të Kosovës
.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31