Muhammad Youssef vret 4 marins amerikanë në SHBA

nga **Agim Gashi** Fri Jul 17, 2015 11:31 am

Muhammad Youssef vret 4 marins amerikanë në SHBA

Një vrasje e katërfishtë në një bazë ushtarake në Tenesi ka tronditur Shtetet e Bashkuara të Amerikës dhe autoritetet dyshojnë për një sulm terrorist.

Mësohet se një person i armatosur (Muhammad Youssef Abdulazeez) hapi zjarr në ndërtesën e marinës, dhe me pas ai tentoi që të largohet për të humbur gjurmët nga policia.

Por, ky rezultoi të ishte një mision i pamundur për atentatorin, i cili gjeti vdekjen teksa shkëmbente zjarr me forcat policore. Edhe njëri nga efektivet u plagos dhe ndodhet në spital.

Hetuesit po verifikojnë nëse ky ishte një sulm terrorist, pasi disa burime e kanë cilësuar si të tillë. Megjithatë ajo që pohojnë deri më tani autoritetet është se kjo ishte një vrasje e paramenduar, me një skenar të organizuar më herët.

Por, sipas tyre mbetet për t’u parë nëse është një akt terrorizmi i brendshëm, apo i lidhur me grupet ekstremiste ndërkombëtare.
Baza ishte sulmuar edhe më herët, ndërsa hetimet pritet që të sjellin më shumë detaje mbi këtë ngjarje./TCH/

nga **Agim Gashi** Fri Jul 17, 2015 5:27 pm

Katër të vrarë nga të shtënat në dy qendra ushtarake në SHBA
Muhammad Youssef vret 4 marins amerikanë në SHBA Largea_gunmantopnew_20150716_2052561437113086

Muhammad Youssef vret 4 marins amerikanë në SHBA Largea_gunmantopnew_20150716_2052561437113086

Autoritetet amerikane thanë se po e trajtojnë sulmin si një akt të terrorizimit të brendshëm

Katër pjesëtarë të ushtrisë amerikanë u vranë nga të shtënat në dy qendra ushtarake në shtetin jugor amerikan, Tennessee.
Zyrtarët thanë se sulmuesi që hapi zjarr u vra po ashtu në këtë incident. Disa persona të tjerë janë plagosur, në mesin e tyre edhe një oficer policie.
Autoritetet thanë se sulmuesi hapi zjarr në një zyrë ushtarake në një qendër rekrutimi në qendrën tregtare Chattanooga, ku ndodhen pesë zyra të degëve ushtarake.
Të shtënat filluan rreth orës 10 e 30 apo 10 e 45 sipas kohës lokale tha rreshteri Robert Dodge, udhëheqës i qendrës së rekrutimit të ushtrisë amerikane.
“Pas pak, pas pak sekondash, sulmuesi vazhdoi të qëllojë”, tha ai.
Ai dhe shokët e tij u hodhën përtokë duke u barrikaduar në një vend të sigurt. Dodge mendon se ka pasur 30 deri në 50 të shtëna.
Ai nuk e ka parë sulmuesin apo makinën. Zyra e rekrutimit nuk ka pësuar dëme, por dyert dhe xhamat janë dëmtuar në zyrat e Forcave Ajrore dhe Marinës, tha ai.

Sulmuesi pastaj u drejtua për në Qendrën e Mbështetjes Operacionale të Marinës dhe Qendrën e Trupave Rezervë të Marinës, rreth dhjetë kilometra më tej në një makinë që dëshmitarët e përshkruan si një Mustang të hapur. Sipas dëshmitarëve, ai qëlloi me breshëri.
Qendra ndodhet në një zonë të industrisë së lehtë. Dy hyrje në objektin e rrethuar kanë dyer të komanduara dhe pengesa betoni që synojnë të ngadalësojnë makinat që afrohen dhe të lëvizin përreth tyre.
Kur zjarri pushoi, sulmuesi u gjet i vrarë. Zyrtarët nuk thanë nëse ai ishte qëlluar apo ishte vetëvrarë.
Trupat e marinës konfirmuan se katër marinsë në qendrën e trupave rezrevë, janë vrarë. Identiteti i tyre nuk është bërë i ditur në pritje të njoftimit të familjeve.
“Ne po e trajtojmë këtë si një akt të terrorizimit të brendshëm”, tha Bill Killian, prokuror i distriktit lindor në Tennessee, ndonëse agjenti special i FBI-së Ed Reinhold, tha se autoritetet ende po hetojnë motivet.
Kanali CBS news citoi dy burime nga forcat e rendit të kenë thënë se sulmuesi u identifikua si Muhammad Youssef Abdulazeez.
“Sot ishte tmerr për qytetin Chattanooga”, tha prefekti Andy Berke. “Ne do t’i përgjigjemi kësaj me të gjitha burimet që kemi”, tha ai.
Presidenti Barack Obama e quajti sulmin të tillë që “të copëton zemrën” dhe u bëri thirrje amerikanëve të luten për familjet e viktimave. Ai tha se hetimet do të jenë të shpejta dhe të plota.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30