Lepaja: Dora e PDK-së vërehet fare qartë në lëvizjet e opozitës

nga **Agim Gashi** Fri Sep 18, 2015 12:33 pm

Lepaja: Dora e PDK-së vërehet fare qartë në lëvizjet e opozitës

Analisti Fadil Lepaja, përmes një postim të tij në Facebook ka thënë se goditjet ndaj kryeministrit Isa Mustafa po i nxit partneri i koalicionit, PDK. Postimin e tij mund ta lexoni të plotë më poshtë.

“KOALICIONI E KA KRYER MISIONIN

Unë mendoj se kjo Qeveri dhe ky koalicion e ka krye qëllimin për çka është krijue. Mendoj që këto goditje mbi qeverinë, përkatësisht mbi kryeministrin, po i nxit vetë partneri i koalicionit, i cili dy projektet e domosdoshme ia la në dorë LDK-së t’i realizonte bashkë me ‘epitetin’ e tradhtarëve dhe tash mund të rikthehet sërish retorikës patriotike patetike.
Bashkësia ndërkombëtare tashmë e ka përbush pjesën më të madhe të objektivave, për çka kërkohej konsensus i gjerë dhe me gjasë nuk do të përkrahin idenë që z. Thaçi të jetë president, por do të mbështesin edhe një mandat presidencial për presidenten Jahjaga.
Kështu, për të mbetur në kalë z. Thaçi, do t’i duhet të bëjë sërish lojërat e veta të përçarjes dhe të lënies së fajit tjetërkujt, kështu që dora e PDK vërehet fare qartë në lëvizjet edhe të opozitës, edhe në pafuqinë e LDK-së për të mbrojtur e vetme atë që e krijuan së bashku me PDK.
Mos prezenca në mbledhjen e sotme të Parlamentit e asnjërit nga dueti udhëheqës tregon më së miri se PDK më nuk është e interesuar për koalicionin dhe se tashmë po i bën kombinimet e veta për qeverisjen në mandatin tjetër.
Llogaria e PDK-së është që duke e kërcënuar LDK-së me prishjen e koalicionit të nxjerr sërish postin e kryeministrit, ndërkohë që pak ka gjasa që LDK të arrijë të bëjë sërish një koalicion me opozitën aktuale, në rast se ky koalicion dështon.
Atëherë LDK do të mbetej e prishur me të gjithë dhe në dorë të PDK-së.
Padyshim loja është luajtur mirë dhe përpos postit të kryeministrit, Isës i rrezikohet edhe posti i të parit të partisë nëse shpejt nuk ndërmerr disa hapa të domosdoshëm”, ka shkruar Lepaja.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30