Hyseni: Rrënimi i Kosovës filloi meparullën “UÇK - Mos prek” !!!

nga **Agim Gashi** Wed Sep 30, 2015 3:05 pm

Hyseni: Rrënimi i Kosovës filloi me parullën “UÇK - Mos prek” !!!
Hyseni: Rrënimi i Kosovës filloi meparullën “UÇK - Mos prek” !!! Largea_foto-m1-11443602619

Plaçkitja marramendëse dhe zaptimi i pronave, banesave dhe fabrikave e pompave të benzinës në pronësi shoqërore, janë ndër gjërat e para që prishën imazhin e Kosovës. Kështu vlerëson, analisti Nehat Hyseni.
“Imazhi i Kosovës është duke u dëmtuar nga vet shqiptarët, që nga shporrja e Serbisë nga pjesa më e madhe e Kosovës, sepse një pjesë e saj e konsiderueshme, akoma, d.m.th 16 vjet pas "çlirimit, qeveriset nga Serbia, është duke u dëmtuar skajshmërisht, madje duke e rrezikuar seriozisht pavarësinë, sovranitetin dhe funksionimin normal të këtij shteti më të ri në Evropë. Fillimisht imazhi i Kosovës rrënohej nga plaçkitja marramendëse dhe zaptimi i pronave, banesave dhe fabrikave e pompave të benzinës në pronësi shoqërore. Kanë bërë, e që do duhej të shndërrohen në prona shtetërore të Kosovës. Atëherë, pothuajse në tërë pasurinë e Kosovës. qoftë ajo private apo publike. vihej shenja famoze: "UÇK - Mos prek !!!"”, thotë Hyseni për “Bota sot”.
Kështu sipas Hysenit, Kosova edhe pse nuk pati ushtri të aftë për ta çliruar, megjithatë fitoi "ushtrinë" për ta përvetësuar, duke mos pyetur fare as për imazhin e shtetit banditesk që po krijohej, duke tmerruar kështu popullin e Kosovës dhe miqtë tanë ndërkombëtarë, që me makinerinë e tyre brilante ushtarake e detyruan Serbinë ta lëshoj definitivisht Kosovën.
“Kështu, historia 16 vjeçare e "Kosovës së lirë" dhe historia shtatëvjeçare e "Kosovës së Pavarur", karakterizohet me pasurim marramendës të klasës së re, "patriotike" të Kosovës, të cilët brenda natës shndërroheshin në "sheikë" kosovarë. Qeverisja e Kosovës u uzurpua nga kriminelë, hajna dhe banditë. të cilët Kosovën e privatizuan dhe ia siguruan këtij shteti mjerimin dhe varfërinë e tmerrshme dhe humbjen e shpresës se këtu mund të bëhet më mirê”, potencon ai.
Tutje, Hyseni shton se luftëtarët dhe familjet e dëshmorëve të luftës për liri mbetën pa shtëpi dhe pa mjete elementare për jetesë, kurse klasa politike që ishte vetëshpallur si "çlirimtare" e Kosovës, kishte shënuar rritje qindmilionëshe, madje midis tyre u paraqitën edhe miliarderë!
“Populli humbi plotësisht shpresat në klasën politike të "çlirimtarëve" dhe në "Kosovën e lirë dhe të pavarur" dhe filloi të shpërngulet me të madhe drejtë armikut tonë shekullor, Serbisë! Skenat televizive trishtuese të eksodit të shqiptarëve të viteve 1998-99 nga regjimi fashist i Millosheviqit në Serbi, po përsëriteshin 15 vjet më vonë. Por, tani në drejtim të kundërt, për Serbi dhe nga Serbia gjithandej në Evropë. Evropa pyeste me habi: "nga kush po ikim shqiptarët e Kosovës, tani në "Kosovën e lirë dhe të Pavarur? Ikja kësaj radhe ndodhte nga vetvetja. Tani imazhi i Kosovës ishte plandosu r përfikë, jo vetëm nga ndërkombëtarët, por edhe nga vet shqiptarët e Kosovës"”, potencon ai.
Sipas tij, tani mbetet të presim se çka do të arrihet me formimin dhe funksionimin e Gjykatës Speciale, për të cilën janë ndarë mbi 300 milion euro.
“Shpresat janë të pakta dhe besimi është i rezervuar në drejtësinë evropiane, meqë kujtimet për dështimet dëshiruese të UNMIK-ut dhe EULEX-it, janë të freskëta.
Megjithatë, presim që sadopak, pra shumë pak do ta përmirësoj skenën e ndotur politike të Kosovës EULEX-i, megjithatë shpresojmë se sadopak do të bëhet në spastrimin e skenës kriminale të politikbërjes kosovare. Populli thotë "më mirë diç se hiç"!”, thekson ai.
Hyseni, jep vlerësimin e tij, edhe lidhur me Ushtrinë e Kosovës, e cila nuk është formuar ende.
“Bllokimi i funksionimit të punës së Kuvendit të Kosovës nga opozita, nuk na çuditë aspak. Tek e fundit, në një shtet ku ushtria e tij përdoret për ceremoni dasmash private, ku madje deklarohet nga njëri prej tyre, këngëtari Ilir Shaqiri, se na paska aq shumë merita, sa që deklaron se na paska aq shumë merita, sa që "edhe KFOR-i sikur të vinte, do të ishte pak!" Me demek, këngët e Ilir Shaqirit, përveç se e kanë pasuruar atë dhe e kanë bërë milioner, na e paska "çliruar" Kosovën po se po, por edhe Evropën dhe Amerikën! Hajde "Kosovë sovrane, e lirë dhe e Pavarur, hajde!!! Shtet se jo mahi!”, shprehet ai.
Sipas tij, e njëjta "ushtri" e shtetit të Kosovës nuk kishte denjuar që të merr pjesë në ceremoni ë mortore të Presidentit historik të Kosovës!
“Shtet se jo mahi! Nuk ia gjen çiftin në botë, ku Komandanti suprem i Forcave të Armatosura të shtetit nuk respektohet, meqë dikush nga komandantët nuk i bindet hierarkisë komanduese të shtetit. Aty ku nuk respektohet kreu, por bishtat e shtetit, mund të këtë banda të uniforuara, por kurrsesi jo shtet normal dhe modern! Ashtu si nga policia e një shteti vidhen sasi marramendëse droge e parash disa herë dhe askush nuk dyshohet e as nuk dënohet. Vallë, a na duhen maskarallëqe edhe më të mëdha për rrënimin përtokë dhe përdhosjen e baltosen e paskrupullt të imazhit të "Kosovës së lirë dhe të Pavarur?!"”, potencon ai.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30