A i dogji SHIK-u zyrat e LDK-së?!

nga **Agim Gashi** Fri Mar 04, 2016 6:14 pm

A i dogji SHIK-u zyrat e LDK-së?!

Botapress, 4 mars

Hashim Thaçi sapo ishte zgjedhur president i vendit. Me këtë askush thuaja nuk ishte dakord në elektoratin e LDK-së. Madje edhe deputetët që e votuan edhe ata që ia bënë kuorumin, shumica prej tyre nuk ishin dakord. Detyrat i zbatuan duke iu bindur kryetarit Isa Mustafës dhe klanit të tij, i cili për tu bërë kryeministër i vendit hodhi firmën në një marrëveshje, që atë e bënte të fuqishëm dhe LDK-në e kthente në një satelit të PDK-SHIK-ut.
Pra, ata që sot arsyetojnë duke thënë se LDK-ja bëri mirë që e zabtoi marrëveshjen e nënshkruar me PDK-SHIK, harrojnë se si erdhi deri tek ajo marrëveshje dhe rezultat i kujt ishte. Marrëveshja u bë pa votim, dhe me shumë kundërshtime në Këshillin e Përsgjithshëm të saj, madje duke theksuar vetëm pak orë pa u nënshkruar se LDK nuk do të pranonte të qeveriste me PDK-në, parti të cilën në fushatën zgjedhore për krijimin e kësaj legjislature, më shumë se kurrë pohonte se SHIK dhe PDK ishin përgjegjës për vrasjet, korrupsionin, plaçkitjen e vendit etj.
Dhe një nga premtimet kryesore ishte se LDK angazhohej për zbardhjen e vrasjeve politike. Por, në fakt LDK nuk ka se si të zbardhë vrasjet duke qenë nën tutelën e PDK-së, dhe po ashtu kur në Kuvend deputetë familjarë të viktimave ia krijojnë kuorumin zgjedhjes së Thaçit president.
Pra, LDK-ja, përkatësisht forumet e saj nuk kishin vendosur për këtë marrëveshje, përveç Isa Mustafës me disa shok në kryesi të LDK-së. Andaj edhe Buxhovi edhe të tjerë e kanë humbur artikulimin e arsyeshëm, kur thonë se LDK-ja e bzatoi marrëveshjen e saj. Marrëveshja nuk ishte e LDK-së, por e një grupi që mashtrueshëm ndëryshoi qëndrime, anashkaloi forumin kryesor Këshillin e Përgjithshëm dhe e dërgoi LDK-në në koalicionin më të padëshirueshëm të mundshëm, që sot e zgjodhi Thaçin president.
Pra, pakënaqësia e zgjedhësve në LDK ekzistonte, veç tjerash sepse qeveria Mustafa, pavarësisht rrethanave dështoi të krijonte një ekonomi të zhvilluar, dështoi të krijonte vende pune dhe perspektivë, ndërsa PDK-ja vazhdonte punësimet e njerëzve të saj dhe të privilegjeve për ta.
Kjo situatë e bëri edhe më të padëshirueshëm për grupimin jo koheziv të rugovistëve, koalicionin me PDK-në dhe duke arritur kulmin me zgjedhjen e Thaçit president.
Ndërsa, pakënaqësitë po shpëthenin filluan të reshnin lajmet se po digjeshin zyrat e LDK-së. Për t’ia ndal hovin pakënaqësisë brenda LDK-së u kujdes SHIK-u duke i vënë zjarrin dhe thyer zyrat e LDK-së!
Pra, sulmet me prirje pirromane, u nxitën nga SHIK-u. Edhe nëse më pastaj kapet dikush, do të kuptoni se pas nxitjes së kryerjes së këtij akti nga ndonjë militant i LDK-së, qëndron SHIK-u.
E gjitha për ti ndal hovin goditjes tronditëse ndaj Isa Mustafës dhe klanit pro PDK-SHIK. Megjithatë ndryshimet po vijnë!
SHQIPTARI.EU

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30