AGIM GASHI-BALADA PËR AGI ÇUNIN

nga **Agim Gashi** Mon May 30, 2016 3:30 pm

AGIM GASHI-

BALADA PËR AGI ÇUNIN

Nuk ishte fort moti
Por në kohëra t´vona,
Flitej për Agi Çunin
Me dhimbje tevona.

I shkolluar ishe Agi
Me djersë u bë i pasur,
Grua e fëmijë të bukur
Shumë njeri i matur.

Butësi e tij bujare
Me miq e familjar,
Të gjithë e nderonin
Punët i shkonin mbarë!

Rriteshin fëmijët e lumtur
Te dy n´shkolla private,
Rritej pasuria
Shtohej kate, kate...

Gruaja shumë e bukur
E kishte marrë beqare,
Pas njëzetë vite martese
Mbeti nuse fare.

Udhëhiqte financat
Para xhepat plot,
I ndërronte veturat
Koha si shkonte kot.

Agi shumë i nxënë
Sa shumë ai punonte,
E dashuronte gruan
Dhe shumë i besonte.

Por një ditë për Lolën
Na ndërroi moti,
Hyri thellë n´mëkate
E dënoi dhe Zoti.

Nis me përcjell modën
Plot zinxhir me ar,
Ia kish vu syrin
Një çunit beqar.

Nis harron familjen
Burrin me fëmijë,
S’mendonte për tradhtinë
Dhe bënte kurvëri.

II
Kur lindë një dashuri
Pa kohë e pa rend,
Harrohen edhe fëmijët
Është punë e pa mend.

Burri shkonte në punë
Fëmijët në shkollë,
Lola ftonte beqarin
N`shtrat t`nusërisë bëhej horë.

Drila dhe Drioni
Filluan dhe me qarë,
Nëna më nuk ishte
Siç ishte më parë.

Edhe Agi i shkreti
Vinte të drekonte,
E hidhët i dukej dreka
Gruan se takonte.

As në shtrat të fjetjes
S’ishte gruaja e tij,
Ditën me beqarin
Sex duke u ngi.

Filluan mosmarrëveshjet
Filloi dhe dyshimi,
Më të mirës familje
Tash i dilte tymi.

Dhe një ditë i shkreti
Vendosi të gjurmojë,
Përse grua e dashur
E kishte vu në lojë.

U zgjua një ditë herët
Thirri Lolën pranë,
Me buzëqeshje i thotë
Do t´mungoj një javë.

I përqafoi dy fëmijët
Gruas lamtumirë,
Dhe doli nga shtëpia
Posa kishte gdhirë.

I hipi xhipit t´madh
Loti rridhte n´sy,
U ndal atje lart
Te parku përkarshi.

Vështroi sa vështroi
Prapë n´shtëpi ka mbërri,
Fëmijët në shkollë
E gruaja n´kurvëri.

Me një dhomë të vogël
Atje nën çati,
I ziu Agi Çuni
Paska zënë pusi.

Po rri atje lart
Edhe po vështron,
Në ditën e dytë
Zëra po dëgjon.

Po shikon nga lart
Gjaku iu ngri,
Gruaja e tij e bukur
Dashnor binte n´shpi.

N`shtratin e martesës
Që të dy janë shtri,
Pa një fije turpi
Qonin dashuri.

Deshi të bërtasë
Ti bjerë kokës së vetë,
Por për një çast,
I shtanguar mbet.

Nxjerr ngadalë kamerën
Nisi t´incizon,
Gruaja n`shtrat t´martesës
Porno film xhiron.

Xhiroi e xhiroi Agi
As vetë nuk diti sa,
Xhiroi edhe veten
U largua pa bë za.

III
Rridhnin lotët faqeve
Agi shumë ra në mërzi,
O Zot si humbi kështu jeta
Humbi një dashuri.

Shkoi larg qytetit
Filmín rregulloi,
Në adresë të Loles
Në postë e postoi.

Pas nja dy tri dite
Edhe posta mbërrini,
Nuk vonoi shumë
Nisi britmë e vajtimi.

Qante Lolë e shkreta
E harroi beqarin,
Përqafonte fëmijët
Nuk e ndalte vajin.

E përpiloi një letër
E la mbi tavolinë,
Mori shumë valixhe
Mori dhe fëmijën.

Për mossundim të epsheve
Humbi familje e atdhe,
Mori rrugë të largëta
Me nisë një jetë të re.

IV
Më vonë Agi u kthye n´shpi
Pa një letër mbi tavolinë,
Dhe Fytyra iu nxi
Trupi mori drithërimë.

Nuk guxonte burri
Letrën me e hap,
Dridhej shumë i shkreti
Si rryma me e kap.

U ul dhe pushoi
Mendimet njëqindmijë,
Ku është Lola e dashur
Me t´bukurit fëmijë?

Po e hapë me ngadalë
Atë letër me shkrim të zi,
Zemra iu ndal
Fytyra iu nxi.

Lajmi më kobzezë
Se edhe tradhtia,
Mos me pas këtu Lolen
Mos me buzëqesh fëmija.

“Lamtumirë o burrë
E bama hallall,
Këtë gabimin tim
Vetes kurrë s`ia fal.

Por për fëmijë
Ti mos ke mërzi,
Asnjërin o Agi
Nuk i kam me ty.”

Nuk lexoi ma gjatë
Bota ju rrotullua,
Kapi kokën e bërtiti
Oooooooo kuku për mua.

Eh moj grua e shkreta
N´tradhti nis e sos,
Ra për toke Agi Çuni
Shpejt u alivanos.

V
Mbeti ashtu n´kllapi
Nuk dihet sa qëndroi,
Por kur u zgjua Agi
Çdo gjë te ai ndryshoi.

Shkoi ngadalë te bankat
Parat të gjitha i nxori,
Te familjet e varfra
Të gjithat i dhuroi.

Shkon n´pompë të benzinës
Bleu shumë benzinë,
I ka hipur xhipit
N´shtëpi fluturim.

E lag s`pari dhomën
Dhe shtratin e nusërisë,
Që të digjej fort
Rrënja e tradhtisë.

Lagu pastaj shtëpinë
Deri lart n´çati,
Zbriti në oborr
Me qa për fëmijë.

E ndezi çakmakun
Lamtumirë oj shtëpi,
Sa hare kishte këtu
Shumë gaz e fëmijë.

Sot s’ka më asgjë
S’ka as dashuri,
Shtëpisë me shumë kate
I dilte një tym i zi.

Në atë zjarr e flake,
Nisi për me shkri,
Atë gjakun e Agit
Që iu kishte ngri.

Errësira e natës
Një rruge ia dha,
Iku pa asnjë gjurmë
Askush më se pa.

VI
Në park të Rurit e takova
Agin Katandisur në varfëri,
Hante bari e shtrinte dorën
Me mbajt gjallë shpirtin e tij.

Me atë zemër e me atë shpirt
Kishte mbetur gjithnjë bujar,
Brenda i digjej flaka e jetës
Bëhej shkrumb e bëhej zjarr.

Qante Agi e shtrinte dorën
Epni lëmoshë o ju zotëri,
Duhet gjallë ta mbaj Lolen
T’i mbaj gjallë fëmijët mi.

Jam ulë pranë, ja kam shtri dorën
Edhe lotin ia kam fshi,
Eja të qajmë bashkë o Agi
Paskemi pas fatin e zi.

Vaji jonë tronditi lumin
Mu shtri n´krah si një fëmijë,
Me një anë i mbet shikimi
Këtu mbaroj jeta e tij.

Agim Gashi
27.05.13 Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30