Garë e ngushtë mes PD-së dhe PS-së

Garë e ngushtë mes PD-së dhe PS-së



Nga Express më 29.06.2009 në ora 8:09

(Update)Duke ndjekur te dhenat e fundit te publikuara nga projekti i ECA-s dhe KRIIK, i mbeshtetur nga USAID, neper qarqe procesi i numerimit ofron minute pas minute ndryshime te rezultateve mes partive, koalicioneve dhe mandateve te deputeteve qe pritet te zgjidhen. Nga numerimi i deritanishem i votave në të gjitha QV-te në disa qarqe vihen re dallime fitoreje mes dy partive të mëdha, ndërsa gara vazhdon ngushtë mes tyre ne Tirane. Vijon numërimi i votave dhe gjtihashtu publikimi i rezultateve te fundit nga 12 qarqet e vendit. Duke ndjekur te dhenat e fundit te publikuara nga projekti i ECA-s dhe KRIIK, i mbeshtetur nga USAID, neper qarqe procesi i numerimit ofron minute pas minute ndryshime te rezultateve. Nga numerimi i deritanishem i votave në të gjitha QV-te në disa qarqe vihen re dallime fitoreje mes dy partive të mëdha, ndërsa në disa të tjera gara vazhdon ngushtë mes tyre. Procesi ecen me ritme te ngadalta, ndersa te dhenat e para flasin per rimarrjen e "bastioneve" nga dy kampet kryesore.

Tirane

Numerohen 394 QV nga 826 te tilla ne qarkun e Tiranes. Deri tani PS ka 42.43 perqind te votave, PD 42.97%perqind te votave. LSI grumbullon 4.22 perqind te mbeshtetjes, ndersa PR 1.74 perqind te votave.
Ne qarkun e Tiranes do te dalin fitues 32 deputete.

Berat

Ne kete qark jane per t'u numeruar gjithsej 298 qendra votimi. Ne 1230 QV te numeruara ne Berat, 48.02 perqind e votave shkojne per PS, 26.01 perqind per PD, LSI ka marre 11.74 perqind dhe PR 5.09 perqind te votave.

Diber

PD kryeson ne Diber pas numerimit te 136 nga 314 qendra votimi, me 49.5 perqind, ndaj 31.15 te PS,
LSI ka marre 5.49 perqind, ndersa PLL 2.49 perqind.

Durres

Numerohen 93 QV nga 352 te tilla ne qarkun e Durresit. Deri tani kryeson PD me 45.91% perqind te votave, e ndjekur nga PS me 36.87 perqind te votave. LSI grumbullon 7.85 perqind te mbeshtetjes, ndersa PDI ka marre 1.8 perqind, PR 1.8%

Elbasan

Ne 240 nga 550 qe duhet te numerohen gjithsej qendra votimi ne Elbasan, 43.46 perqind e votave shkojne per PS, 37.48 perqind te votave per PD, LSI 4.92 perqind, PSD 2.7% perqind dhe PR 2.3 perqind.

Fier

Ne 203 kuti te numeruara ne Fier nga 488 kuti gjithsej, 48.69% perqind e votave shkojne per PS, 32.17% perqind te votave per PD, per LSI-ne 5.86%, ndersa per PLL-ne shkojne 2.2 perqind te votave.

Gjirokaster

Ne 133 QV te numeruara ne Gjirokaster nga 285 gjithsej, 49.28% e votave shkojne per PS, per PD 34.97
perqind te votave, PBDNJ 2.55 perqind, PDS 1.78 perqind. PSD 1.82% dhe PR 1.97%

Korce

Gare e forte ne Korce ku nga numerimi i 199 QV-ve nga 421 gjithsej. Rezultatet jane; Keshtu PD merr 42.46 perqind te votave, per PS-ne 43.49 perqind te votave, LSI 3.59 dhe 1.84 perqind per PBDNJ.

Kukes

Nga 166 qendra votimi nga 217 gjithsej kryeson bindshem PD me 59.86 perqind e votave, 17.7
perqind per PS-ne, PSD 11.68 perqind dhe 3.27 perqind per PR.

Lezhe

Numerohen deri tani 113 qendra votimi ne Lezhe nga 244 qendra gjithsej, nga ku do te dalin 7 deputete fitues.
Rezultatet e deritanishme tregojne se PD kane marre 44.32 perqind te votave, PS 29.39%, LSI 4.19 perqind dhe PSD 2.65 perqind.

Shkoder

Pas numerimit te 186 qendrave te votimit nga 413 gjithsej, ne Shkoder kryeson PD me 46.23 perqind te votave duke lene pas PS me 32.38 perqind, PDK 2.68 perqind, LSI 2.8 perqind dhe PR 2.51 perqind.

Vlore

Numerohen 176 QV ne Vlore nga 345 qendra gjithsej, prej nga ku do te dalin 12 deputete fitues. Deri tani PS
kryeson me 43.55%, e ndjekur me pas nga PD me 27.42%, PBDNJ 6.77%, PDI 4.24%, PSD 3.34%.
Perqindja e partive ne rang vendi

Partite Perqindja
PS 41.14%
PD 39.71%
LSI 4.84%
PR 2.22%
PSD 2.07%
PBDNJ 1.28%
G99 0.92%
PDI 0.81%
PDK 0.75%
PLL 0.74%
PDS 0.69%

Koalicionet ne rang vendi

Aleanca e Ndryshimit 46.21%
Bashkimi per Ndryshim 46.08%
A. Socialiste per Integrim 5.52%
Poli i Lirise 1.69%

Mandatet e fituara për cdo Qark në bazë KRIIK e ECA

1- Qarku Shkodër, janë gjithsej 11 mandate për deputet, ku deri më tani janë numëruar 182 kuti nga 413 në total
Rezulton se:
7 mandate të marra nga PD
4 mandate të marra nga PS

2- Qarku Kukës, janë gjithsej 4 mandate për deputet, ku deri më tani janë numëruar 168 kuti nga 217 në total
Rezulton se:
3 mandate të marra nga PD
1 mandat i marra nga PS

3- Qarku Lezhë, janë gjithsej 7 mandate për deputet, ku deri më tani janë numëruar 109 kuti nga 244 në total
Rezulton se:
4 mandate të marra nga PD
3 mandate të marra nga PS

4- Qarku Dibër, janë gjithsej 6 mandate për deputet, ku deri më tani janë numëruar 122 kuti nga 314 në total
Rezulton se:
4 mandate të marra nga PD
2 mandate të marra nga PS

5- Qarku Durrës, janë gjithsej 13 mandate për deputet, ku deri më tani janë numëruar 86 kuti nga 314 në total
Rezulton se:
7 mandate të marra nga PD
5 mandate të marra nga PS
1 mandat i marra nga LSI

6- Qarku Tiranë, janë gjithsej 32 mandate për deputet, ku deri më tani janë numëruar 367 kuti nga 826 në total
Rezulton se:
16 mandate të marra nga PS
15 mandate të marra nga PD
1 mandat i marra nga PR

7- Qarku Elbasan, janë gjithsej 14 mandate për deputet, ku deri më tani janë numëruar 225 kuti nga 550 në total
Rezulton se:
7 mandate të marra nga PD
7 mandate të marra nga PS

8- Qarku Fier, janë gjithsej 16 mandate për deputet, ku deri më tani janë numëruar 201 kuti nga 483 në total
Rezulton se:
8 mandate të marra nga PS
7 mandate të marra nga PD
1 mandat i marra nga LSI

9- Qarku Berat, janë gjithsej 8 mandate për deputet, ku deri më tani janë numëruar 203 kuti nga 295 në total
Rezulton se:
4 mandate të marra nga PS
3 mandate të marra nga PD
1 mandat i marra nga LSI


10- Qarku Korcë, janë gjithsej 12 mandate për deputet, ku deri më tani janë numëruar 192 kuti nga 421 në total
Rezulton se:
6 mandate të marra nga PS
6 mandate të marra nga PD

11- Qarku Vlorë, janë gjithsej 12 mandate për deputet, ku deri më tani janë numëruar 175 kuti nga 345 në total
Rezulton se:
6 mandate të marra nga PS
4 mandate të marra nga PD
1 mandat i marra nga PDI
1 mandat i marra nga PBDNJ

12- Qarku Gjirokastër, janë gjithsej 5 mandate për deputet, ku deri më tani janë numëruar 127 kuti nga 285 në total
Rezulton se:
3 mandate të marra nga PS
2 mandate të marra nga PD

vijon

Mandate në rang vendi

(Partitë)

PD 67- mandate
PS 67- mandate
LSI 3- mandate
PDBNJ 1-mandat
PDI 1-mandat
PR 1-mandat
PRRL 0-mandat
LDLNJ 0-mamdat
PKONS 0-mamdat
PGJ 0-mamdat

Mandate në rang vendi

(Koalicionet)

Aleanca për Ndryshim 69
Bashkimi për Ndryshim 68
Aleanca Socialiste për Integrim 3
Poli i Lirisë 0

(ballkanweb)

NATO: Ka progres, por standarde të paarritura
Përfaqësuesit e katër organizmat ndërkombëtare OSBE, ODIHR NATO e KE, kanë dalë në një konferencë të përbashkët për të dhën raportin paprak mbi zgjedhjet e së dielës, të cilat konsiderohen si test i Shqipërisë për Bashkimin Europian. Me ton të ashpër, të butë, kritik apo qortues Koordinatori special i ekipit të përkohshëm të vëzhguesve të OSBE në Shqipëri, Volfang Grosruk, ambasadorja e ODIHR,Audrey Glover, Kryetari i Asamblese parlamentare te NATO-s, Bruce George dhe drejtuesja e Asamblesë Parlamentare e Këshillit të Evropës, Corien Jonker dhe ishin te perbashket ne nje qendrim: "Ka përparime por nuk janë arritur ende standardet" .

Grosruk: U shfrytëzua administrata per fushate
Koordinatori special i ekipit të përkohshëm të vëzhguesve të OSBE në Shqipëri, Volfang Grosruk vlerësoi se dita e zgjedhjeve përgjithësisht shkoi e qetë dhe paqësore pa incidente."Në përgjithësi vëzhguesit e vlerësuan pozitiv në shumicën e qendrave. U konstatuan shkelje, si hapja me vonesë e qëndrave të votimit, vështirësisë për bojën dhe votim familjar"- vërejti Grosruk ndërsa shtoi se raportin përfundimtar OSBE / ODIHR do ta jap pasi të ketë vëzhguar procesin e numërimit që është në vazhdim e sipër. "Ende herët për të dhënë vlerësim përfundim pasi numërimi i votave dhe rezultate janë në proces e spër. Vlerësimi përfundimtar do të varet nga fazat që janë në proces"- deklaroi Grosruk.

Grosruk vlerësoi se Shqipëria është maturuar, ka bërë progres por ka ende standarde që duhen arrirë që Shqiprëia të ketë progres. “Shqipëria është maturuar, Ka bërë progres të dukshëm por ka një sërë cështjesh që duhen trajtuar. Duhet të themi që Shqipëria është në rrugën e duhur. Të gjitha cështjet që ne kemi nxjerrë në listën tonë qofshin madhore apo jo, duhen patjetër që tëi zgjidhin që Shqipëria të ketë progres”- nënvizoi koordinatori i vëzhguesve. Grosruk vëren si shkelje të standardeve përdorimin e punonjësve të administratës publike për fushatë zgjedhore si dhe vuri ne dukje gjuhen e ashper te perdorur nga politikanet.

”Ka pasur presion ndaj punonjësve të sektorit publik gjatë zgjedhjeve. Kjo tregon mungesën e kulturës dhe dëmton klimën politike. Politikanët duhet të punojnë shumë që fokusi duhet të jetë atu k'u është vërtëtë, në luftën për të përmirësuar jetën e shqiptarëve.Fushata parazgjedhore ishte aktive dhe e gjallë e qetë, por me disa incidente dhune dhe me një gjuhe te ashpër ”

Jonker e KE: Politika shqiptare e dominuar nga meshkujt. Media të mos jetë tribune e partive
Drejtuesja e Asamblesë Parlamentare e Këshillit të Evropës, Corien Jonker vuri theksin nw pjesëmarrjen e gruas nw parlament dhe në politikë. Jonker u shpreh e bindur se shoqëria shqiptare ka potencialin për të ndërtuar një shoqëri demokratike si shembujt perëndimorë. Politika shqiptare është e dominuar nga meshkujt. Duhet të pranojmë që edhe gratë duhet të kenë përfaqësuesen e tyre në parlamament. Në kuadër të monitorimit të medias pëfaqësuesja e asamblesë parlamentare të KE këshilloi mediat që të mos jenë tribunë e partive politike, por në shërbim të informimit të publikut.

Zgjedhjet, Bruce George: Nuk u arriten standardet e kerkuara
Në lidhje me raportin paraprak të OSBE-së për zgjedhjet, Kryetari i Asamblesë së NATO-s ka theksuar se në bazë të fakteve të mbledhura nga vëzhguesit e shpërndarë në të gjithë vendin, Shqipëria ka ende punë për të bërë dhe standardet e kërkuara nuk janë arritur ende. “Disa prej jush do të mbeten të zhgënjyer nga raporti, disa të tjerë do të mendojnë se është agresiv por duhet thënë se gjerat që kemi thënë në raport janë të bazuara mbi fakte. Shqiperia ka patur arritje, por ende ka shumë punë për të bërë. Nuk keni arritur aty ku duhet ka ende punë, por unë kam shpresë se rekomandimet tona do të shërbejnë për zgjedhjet e ardhshme ” u shpreh kreu i Asamblesë së NATO-s.

Ndërkohë George ka këshilluar Shqiptarët ta shohin raportin si këshillues për të bërë të mundur përmirësimin e pikave në të cilat çaloi procesi zgjedhor i këtij viti. Ai ka dhënë edhe disa rekomandime, duke e vënë theksin në përpjekjet që duhet të bëjnë shqiptarët për të konsideruar politikën një mjet për të arritur marrëveshje dhe kompromis. Kreu i Asamblesë së NATO-s përmendi disa nga incidentet që shoëruarn procesin dhe më pas e mbylli fjalën e tij duke thënë se kushti kryesor për tu bërë pjesë e Bashkimit Europian është plotësimi i të gjitha standardeve të kërkuara.

Glover: Zgjedhjet te lira e te ndershme? Po monitorojme numerimin
Ambasdarja e ODIHR u tregua e qartë në deklaratën e saj se raporti përfundimtar nëse këto zgjedhje ishin të lira dhe të ndershme do të jepeshin pas përfundimit të procesit të numërimit dhe nxjerrjes së rezultateve. “Vëzhguesit tanë do të monitorojnë procesin e numërimit të votave dhe të nxjerrjes së rezultateve” Vlerësimi përfundimtar i zgjdhjeve do të varet nga këto faza. Për këtë ekipi ynë do të qëndrojë në Shqipëri për të vëzhguar procesin dhe për të parë ankesat deri në përfundim. Ne do të nxjerrim një raport të plotë 8 javë pas mbylljes së procesit zgjedhor”- sqaroi Glover. Gjatë fjalës së saj Glover ka vlerësuar si profesioniste punën e KQZ-së, ndërsa kritikoi partitë për mos emërimin në kohë dhe brenda afateve zgjedhore komisionerët” .

Glover: Mediat të njeanshme
Glover tha se mediat ishin të njëanshme dhe patën një pasqyrim të kufizuar. ”Transmetuesit mediatikë ishin të njëanshëm dhe patën një pasqyrm të kufizuar për disa parti. Bordi i monitorimit të medias ka bërë vlerësime të njëanshëmrisë”. Glover kërkoi që të përsërisë edhe një herë së nuk kishte ardhur me një axhenda të mëparshme dhe se vlerësimet për këtë proces ishin korrekte dhe duke u mbështetur në fakte. “Si unë ashtu dhe kolegët e mi kemi ardhur pa një axhenda të mëparshme. Jemi këtu pa idera të marra më përpara apo njëanshmëri. Kemi funksionuar në mënyrë të panashme pasi kështu funksionojnë misionet e ODIHR. Theksuam herë pas here se do të jenë faktet ato që do flasin dhe asnjë nuk na ka vënë në pikëpyetje. Pyuetjes së një gazetari nëse këto zgjedhje ishin të lira e të ndershme ambsadorja Glover iu përgjigj: ”Të lirë e të ndershme nuk janë më termat që i përdorim në vlerësimet tona. Ato që duhet të bëjmë është ti vlerësojmë duke i krahasuar me standardet. Është ende herët për të dhënë një vlerësim të plotë. Kjo është arsyja që do të vëzhgojmë të gjithë procesin. Të shikojmë atë që ka ndodhur para ditës së zgjedhjeve, gjatë ditës së zgjedhjeve dhe më pas. Deri sa të përfundojmë numërimi ne nuk japim një vlerësim. Ende herët për të dhënë një vlerësim përfundim". Të gjitha konkluzionet ishin raport i mbledhur nga 30 parlamentarë të asamblesë së OSBE-së që ndodhesh në Shqipëri që prej javës së shkuar, si dhe 400 vëzhguesve ndërkombëtarë të cilët mbikëqyrin procesin e votimit.

Aleanca e Ndryshimit 72 mandate, Bashkimi për Ndryshim 65
Nga të dhënat e publikuara nga ECA në orën 14:38, Aleanca e Ndryshimit e kryesuar nga Partia Demokratike ka fituar 72 mandate në Kuvendin e Shqipërisë. Bashkimi për Ndryshim ka fituar 65 mandate ndërsa Aleanca Socialiste për Integrim 3 mandate.

Deri në 13:20, janë numëruar 28% të kutive të votimit Nga rezultatet më të fundit, ato të orës 13:20 të dhëna nga Komisionet Zonale të Administrimit të Zgjedhjeve, jepen këto rezultate: Deri më tani janë numëruar 28% të kutive të votimit në rang kombëtar.

Rezultatet ndryshojnë nga ora në orë.

KOALICIONET NË RANG KOMBËTAR
Aleanca për ndryshim (PD) – 46.17% - 71 mandate
Bashkimi për ndryshim (PS) – 46.08% - 65 mandate
Aleanca socialiste për integrim (LSI) -5.63 % - 4 mandate

Deri 12:53, sipas ECA e KRIK: PS e PD kokë me kokë

Kur janë numëruar 1229 kuti votimi nga 4753 Qendra Votimi,nga të dhënat e publikuara nga ECA-s dhe KRIIK, Partia Socialiste vazhdon të kryesojë Tiranën, Elbasanin, Fierin, Beratin, Gjirokastrën dhe Vlorën. Partia Demokratike në avantazh në Shkodër, Kukës, Lezhë , Dibër Durrës dhe Korcë.

Deri në orën 12. 53 minuta nga të dhënat e publikuara faqen online të projektit ECA-s dhe KRIIK në rang vendi janë numëruar 1229 kuti votimi nga 4753 të tilla.

Shqipëria nuk ndryshoi

Shqipëria nuk ndryshoi, siç kërkonte Edi Rama. Ajo do ta vazhdojë ndryshimin me Sali Berishën. Exit Poll, i realizuar nga “Gani Bobi”, sinjalizoi fitoren e Partisë Demokratike. Anketimet tregojnë se PD ka fituar 47.5 për qind të votave, ndërsa PS 38.8 për qind. Lajmi i mirë është se asnjë incident serioz nuk ndodhi të dielën.

Shqipëria duket se arriti të kalojë testin e rëndësishëm të zhvillimit të zgjedhjeve të lira, të dielën, duke i dhënë kështu fund një fati të keq që e kishte përcjellë atë dy dekadat e fundit.

Asnjë incident serioz nuk u shënua gjatë gjashtëmbëdhjetë orëve të fundit, derisa liderët kryesorë të vendit u sollën si burrështetas, e jo si militantë partiakë, siç bënin viteve të shkuara.

Qytetarët iu përgjigjen masivisht thirrjes për të dalë në zgjedhje. KQZ tha se votuan mbi 50 përqind e trupit elektoral.
Kështu, shqiptarët, me vepra, dëshmuan se janë të gatshëm t’i bashkohen familjes europiane.

Kjo duket të jetë gjëja më e rëndësishme për Tiranën.

Rezultatet zyrtare të zgjedhjeve të 28 Qershorit pritet të shpallën të hënën në mbrëmje, por televizionet shqiptare kanë publikuar rezultatet e exit poll’eve të disa organizatave, me t’u mbyllur kutitë e votimeve.

Sondazhet e Tv Klan, Top Channel dhe ORA News, tregojnë se Partia Demokratike e Kryeministrit Sali Berisha ka fituar kundrejt Partisë Socialiste që udhëhiqet nga Kryebashkiaku i kryeqytetit, Edi Rama.
Madje, shumë thellë.

Instituti kosovar i hulumtimeve “Gani Bobi” tha se PD fitoi 47.5 përqind të votave, PS 38.8 përqind, LSI 6.5 përqind, derisa partitë tjera së bashku kanë fituar vetëm 7.2 përqind të votave.

Përkthyer në mandate, atëherë PD do të çojë në Kuvendin e Shqipërisë 76 deputetë, PS 60 deputetë dhe LSI 4 deputetë. Po sipas institutit “Gani Bobi”, partitë tjera nuk fitojnë asnjë deputet, siç është Poli i Lirisë apo G99.

Kompania “Zogby”, ndërkaq, tha se PD do të fitojë 69 vende në Kuvendin e Shqipërisë, PS 55 vende, LSI 4 vende, derisa 12 mandatet tjera kjo kompani nuk ka mundur të thotë se kush do t’i marrë.

Megjithëkëtë, Sali Berisha, Edi Rama dhe Ilir Meta, u bënë thirrje qytetarëve që t’i presin në qetësi rezultatet zyrtare të zgjedhjeve.

Në një konferencë për media, me t’u mbyllur qendrat e votimit, Kryetari i PD’së tha se zgjedhjet kanë qenë demokratike dhe falënderoi qytetarët për pjesëmarrje masive në proces.

“Pjesëmarrja në këto zgjedhje përbën risi. Nuk mund të them shifrën e saktë, por mund të them se minimum 15 përqind është më e lartë se sa në zgjedhjet e fundit”, deklaroi Berisha.

vijon

Ai ftoi për qetësi.

“Ftoj qytetarët që ta presin të qetë rezultatet e votimit. Ashtu do të bëjë edhe unë. Do të pres rezultatin sonte deri pas mesnate, deri në orën 2:00... e pastaj në gjumë”, tha ai.

“Vlerësimin përfundimtar për zgjedhjet e sotshme do ta bëjnë vëzhguesit ndërkombëtarë dhe vendas. Këto janë zgjedhjet më të vëzhguara”, shtoi Kryeministri.
Në pyetjen e gazetarëve nëse do të humbte zgjedhjet, a do t’i telefononte Liderit të PS’së, Edi Ramës, Berisha është përgjigjur se po.
“Në rast se më takon mua që ti telefonoj, unë do ti telefonoj. E kam vendosur”, tha ai.

Gjatë tërë fjalës së tij Sali Berisha dukej i qetë, ndryshe nga siç janë mësuar shqiptarët ta shohin.
Këtë qetësi të Berishës e vlerësoi edhe rivali, Rama.

“Respektoj edhe mënyrën se si ju qas këtij procesi Kryeministri”, tha kreu i PS’së në një konferencë për media.
Edi Rama tha se procesi ka qenë demokratik.

“Jam i bindur se kjo ditë do të kujtohet gjatë, si dita kur sovrani e morri në dorë fatin e tij. Dua të them se pavarësisht disa incidenteve, në tërësi u realizua objektivi i garantimit të procesit”, tha ai.

“Pa asnjë problem bie dakord me kryeministrin se në këtë proces nuk ka të humbur, sepse ka fituar Shqipëria europiane”, shtoi ai.

Në orën 22:00, pas publikimit të exit poll’eve nga Tv Klan dhe Top Channel, ka reaguar PS’ja.

Zëdhënësja e saj tha se ato janë qesharake dhe do të mbahen mend gjatë si të tilla.

“E vërteta për atë se si kanë votuar shqiptarët, gjendet në kutitë e votimit, të cilat nuk janë numëruar ende”, tha ajo.

Nëse ju besohet rezultateve të kompanive të hulumtimit të opinionit, atëherë Sali Berisha ka shënuar fitoren e katërt brenda 20 vjetëve ndaj të Majtës shqiptare.
Në vitin 1992, ai mundi Ramiz Alinë.

Në vitin 1996, mundi Fatos Nanon.

Në vitin 2005, sërish mundi Fatos Nanon.

Tash, në vitin 2009, mundi Edi Ramën.

Kuvendi i Shqipërisë ka 140 deputetë. Partia që fiton 71 deputetë mund ta formojë Qeverinë.
Sali Berisha i ka këta deputetë.

Problemet e procesit zgjedhor

Procesi zgjedhor, deri në mbyllje të votimit, për herë të parë, është përshkruar i qetë dhe i rregullt, një shenj kjo se shqiptarët kanë arritur në atë pikë sa mund të zhvillojnë zgjedhje të lira.
Para pak kohësh, kjo dukej e pabesueshme.
Incidentet më të mëdha kanë qenë ato të përleshjeve mes komisionerëve të partive të ndryshme, vonesat e materialeve zgjedhore në disa qendra të votimit, incidenti me stilolapsat me kamerë apo edhe paraqitja e sërishme e fenomenit shqiptar të “votimit familjar”.

Prej këtyre problemeve, politikanët dhe mediat, më shumë rëndësi i kanë kushtuar incidentit të zënies së disa komisionerëve dhe kandidatëve për deputetë të PS’së me stilolapsa me kamerë.

PD me të marrë vesh lajmin e sjelljes së përfaqësuesve të opozitës, nxitoi të hidhte akuza në adresë të PS’së. Derisa PS pretendoi se përmes këtyre stilolapsave, ka dashur të faktojë shkeljet e mundshme në procesin zgjedhore.

Stilolapsat me kamerë mund të blihen në shumë pika të shitjes në Tiranë, derisa ato mund të incizojnë rreth 5 minuta, dhe kushtojnë rreth 200 euro.
Anëtari i Kryesisë së PS’së, Kastriot Islami ka dënuar sjelljen e policisë përballë njerëzve të kësaj partie që janë kapur me stilolapsa me kamerë. Ai i ka quajtur këto si “mjete alternativ” dhe përpjekje e PS’së për monitorim të mirë të zgjedhjeve të 28 Qershorit.

PD, nga ana tjetër, përmes Zëdhënëses Majlinda Bregu, ka dënuar sjelljen e kamisionerëve dhe deputetëve të PS’së. Sipas saj, kjo tregon se “Edi Rama ndihet i pasigurt”.

Me stilolaps të tillë është kapur edhe kandidati për deputet i PS’së, Saimir Tahiri. Në një prononcim për media, më pas, Tahiri ka deklaruar se është dhunuar nga policia dhe shoqëruesi personal i Ministrit të Brendshëm, Bujar Nishanit.

“Me dhunë ata mi vodhën edhe objektet e mia personale”, ka deklaruar Tahiri.

Për stilolapsat me kamerë, është deklaruar edhe Kryeministri Sali Berisha.

“Kur ju thosha unë se ai (Edi Rama) u fuste shokëve çimka në çanta, ju thoshit jo. Tash ai u futi stilolapsat, por ua dha pa beteri dhe nuk kanë funksionuar fare”, është shprehur Berisha në një konferencë për media, në mesditë.

Një problem tjetër i procesit ka qenë edhe ai i “votimit familjarë”.

Shqipëria as të dielën nuk ka mundur t’i ikë këtij fenomeni kur një anëtar i familjes voton për gjithë anëtarët tjerë.

Mediat raportuan se ky fenomen është vërejtur në Peshkopi, Milot apo edhe në zonat tjera rurale.

Kryeministri i vendit, Sali Berisha disa herë ju ka bërë thirrje shqiptarëve që të votojnë individualisht.

“Shkoni së bashku me familjet, por votoni individualisht”, ka qenë apeli i Berishës, disa herë brenda javës që shkoi.

Liderët votojnë

Liderët politikë dhe institucional të Shqipërisë kanë ushtruar të drejtën qytetare të votës në orët e para të ditës së diel.

Pasi që kanë hedhur votën e tyre, të gjithë, u kanë bërë thirrje qytetarëve që të marrin pjesë në këtë proces.

Presidenti i Republikës, Bamir Topi përsëriti se zgjedhjet e 28 Qershorit janë tejet të rëndësishme për të ardhmen e vendit.

“Janë zgjedhje që do t’i japin rrugën definitive vendit tonë për në familjen e madhe europiane. Ne duhet të demonstrojmë se jemi një vend që kemi arritur në një stad të demokracisë dhe dëshirojmë të shkojmë tutje”, tha Presidenti.

Kryetari i PD’së, njëherësh Kryeministër, Sali Berisha tha se në këto zgjedhje nuk do të ketë humbës.

“Unë kam bindje se në këto zgjedhje nuk do të ketë të humbur, por në këto zgjedhje do të fitojë çdo shqiptar. Në këto zgjedhje shqiptarët firmosin projektin e tyre europian”, deklaroi Berisha, pasi që hodhi votën e tij.

Kryetari i PS’së, Edi Rama, ndërkaq, u shpreh se shqiptarët të dielën po bëjnë histori.

“Vota është në raste të caktuar mundësia për të bërë histori dhe sot secili mund të bëj histori duke votuar. Ju bëjë thirrej të gjithëve që ta bëjnë këtë qetësisht dhe paqësisht”, tha Rama.

Ndryshe nga Berisha dhe Rama, Kryetari i LSI’së, Ilir Meta, nuk ka qenë politikisht korrekt, pasi që ai ka përmendur në deklaratën e tij numrin e subjektit që drejton.

“Nuk e kisha të vështirë ta gjejë numrin e LSI’së. Unë kam thënë se është një ditë e mbarë, shikoni se si u çel koha sot, pas disa ditësh me shi. Prandaj them është koha për veprim”, ka thënë ai duke shikuar nga qielli.

Presidenti takoi Ambasadorin e SHBA’së

Presidenti i Shqipërisë, Bamir Topi ka takuar në mesditë Ambasadorin e SHBA’së në Tiranë Withers dhe Ambasadorin e OSBE’së, Bosch, në lokalin “Tajvan” në Parkun Rinia.

Pas takimit, Presidenti Topi ka deklaruar se me miqtë ndërkombëtarë ka biseduar rreth ecurisë së zgjedhjeve.

“Gjithë vëmendja e partnerëve është se si do të jetë korrektësia e këtyre zgjedhjeve. Dhe korrektësia e këtyre zgjedhjeve është vendimtare për të ardhmen e Shqipërisë. Unë besoj se këto zgjedhje do të jenë të lira, korrekte, për të treguar se ne dimë ti administrojmë shumë mirë fatet e vendit tonë”, ka thënë ai.
Withers, ndërkaq, ka thënë se dëshiron që kjo ditë të jetë një ditë e bukur për demokracinë në Shqipërinë.

“Kjo do të thotë se kushdo që ka të drejtën e votës, ta ushtrojë këtë të drejtë demokratik dhe të votojë. Njerëzit nuk duhet të kenë frikë që të votojnë. Qytetarët nuk duhet t’i nënshtrohet presionit të asnjë grupit. Ata duhet të votojnë në bazë të ndërgjegjes së tyre. Numërimi i votave ndoshta do të marrë kohë dhe për këtë qytetarët nuk duhet të hamendësojnë, por duhet të presin deri në shpalljen e rezultateve zyrtare”, ka thënë ai.

Historia e zgjedhjeve në Shqipëri

31 Mars 1991 -- Partia e Punës fiton 149 deputetë, Partia Demokratike fiton 75 deputetë
22 Mars 1992 -- Partia Demokratike fiton 104 deputetë, Partia Socialiste fiton 38 deputetë
26 Maj 1996 -- Partia Demokratike fiton 122 deputetë, Partia Socialiste fiton 10 deputetë
29 Qershor 1997 -- Partia Socialiste fiton 100 deputetë, Partia Demokratike fiton 27 deputetë
24 Qershor 2001 -- Partia Socialiste fiton 73 deputetë, Partia Demokratike fiton 46 deputetë
3 Korrik 2005 -- Partia Demokratike fiton 56 deputetë, Partia Socialiste fiton 42 deputetë


Rezultatet nga “Gani Bobi”

Rezultatet e mandateve të fituara sipas koalicioneve:

PD 76 mandate
PS 60
LSI 4

Rezultatet në nivel kombëtar:

PD 47.5%
PS 38.8%
LSI 6.5%
Të tjera 7.2%

Rezultatet sipas qarqeve:

Tiranë
PD 49.7%
PS 41.7%
LSI 5%
Të tjera 3.6%

Berat
PD 23.7%
PS 44.2%
LSI 16.1%
Të tjera 16%

Dibër
PD 61.2%
PS 29.4%
LSI 6.5%
Të tjera 2.9%

Durrës
PD 61.2%
PS 31.8%
LSI 5.3%
Të tjera 1.7%

Elbasan
PD 48.3%
PS 42.5%
LSI 4.3%
Të tjera 4.8%

Fier
PD 40%
PS 40.2%
LSI 11.9%
Të tjera 7.9%

Gjirokastër
PD 33.7%
PS 41.8%
LSI 10.7%
Të tjera 13.8%

Korçë
PD 51.5%
PS 39%
LSI 4.6%
Të tjera 4.9%

Kukës
PD 62.1%
PS 27.4%
LSI 5.6%
Të tjera 4.8%

Lezhë
PD 53.9%
PS 31.2%
LSI 6.2%
Të tjera 8.6%

Shkodër
PD 61.2%
PS 30.3%
LSI 1.8%
Të tjera 6.7%

Vlorë
PD 33%
PS 45.1%
LSI 4.2%
Të tjera 17.7%

Burimet: Express/BalkanWeb/Gazeta Start/TV Klan/TopChannel/