Berisha: Fitoi Shqipëria dhe kombi shqiptar

Berisha: Fitoi Shqipëria dhe kombi shqiptar

Ramiz Bojaj, Bota sot
E djathta në Shqipëri, e kryesuar nga Partia Demokratike, fitoi 71 mandate, të cilat janë të mjaftueshme për të formuar qeverinë re paszgjedhore. Rezultatet finale konfirmojnë fitoren e koalicionit të udhëhequr nga kryeministri shqiptar, Sali Berisha.




E djathta në Shqipëri, e kryesuar nga Partia Demokratike, fitoi 71 mandate, të cilat janë të mjaftueshme për të formuar qeverinë re paszgjedhore. Rezultatet finale konfirmojnë fitoren e koalicionit të udhëhequr nga kryeministri shqiptar, Sali Berisha.
Shoqëria foli, politika foli, vëzhguesit folën, mesazhet përshëndetëse erdhën nga mbarë bota. Dua gjithashtu, të ftoj komisionerët e të gjitha zonave të vendit, numëruesit që e kanë tërësisht në dorë të tyre procesin, të tregojnë përgjegjësinë më maksimale, te respektojne ligjin, ligjin dhe vetëm ligjin. Ky është apeli im për çdo zyrtar të piramidës zgjedhore të vendit, të respektohet ligji dhe vetëm ligji, nuk ka të humbur në këto zgjedhje, kanë fituar të gjithë qytetarët shqiptarë.


Në bazë të rezultateve të fundit që i ka kumtuar ECA-ja dhe KRIK-u dhe KQZ-ja, në bashkëpunim me USAID-in, e djathta në Shqipëri, e kryesuar nga Partia Demokratike e kryeministrit Berisha, fitoi 71 mandate, e ndjekur nga Partia Socialiste e cila ka fituar 64, Lëvizja Socialiste për Integrim ka 4.78 për qind, ndërsa Partia Republikane 2.13 për qind të votave. Ky rezultat vjen pas numërimit të tre të katërtave të votave. Me këtë rast, Kryeministri i Shqipërisë, dr. Sali Berisha deklaroi se nga vlerësimet që iu bënë zgjedhjeve, fitoi Shqipëria dhe qytetarët e saj. Ai thotë se është e rëndësishme që zgjedhjet në Shqipëri janë vlerësuar me notë pozitive nga udhëheqës të lartë të OSBE-së, BE-së dhe vëzhguesve ndërkombëtarë. “Unë mendoj se këtij janë zgjedhjet më të ndershme dhe fer të aplikuara ndonjëherë në Shqipëri dhe në vet Evropën”, theksoi kreu i qeverisë shqiptare dhe kryetar i PD-së, dr. Sali Berisha. Gjithashtu, kryesia e BE-së përshëndeti qytetarët shqiptarë dhe zhvillimin e zgjedhjeve. Po ashtu edhe Komisioni i Helsinkit i Kongresit të Kombeve të Bashkuara vlerësuan zgjedhjet. Ai thotë se në këto zgjedhje nuk ka të humbur. “Ka fituar Shqipëria në mënyrën më të merituar dhe të shumë pritur”, thekson Berisha. Këto zgjedhje treguan se populli shqiptar ka gjithë potencialin për të ndërtuar një shoqëri demokratike si ato në vende të tjera evropiane. Kjo natyrë zgjedhore garanton të ardhme evropiane të Shqipërisë dhe perspektivë më të mirë për qytetarët e shtetit të NATO-s.
Berisha: Kemi marrë përgëzimet më të mira
Është e rëndësishme se pavarësisht tendencave të socialistëve për prishjen e imazhit zgjedhor në disa qendra votimi. “Kemi marrë përgëzimet më të mira nga miqtë tanë të mëdhenj, kryesia e Bashkimit Europian përshëndeti qytetarët shqiptarë dhe zhvillimin e zgjedhjeve; komisioni i Helsinkit të kongresit të Shteteve të Bashkuara përshëndeti zhvillimin e këtyre zgjedhjeve. Siç kisha deklaruar, në këto zgjedhje nuk ka të humbur, në këto zgjedhje Shqipëria ka fituar në mënyrën më të merituar, më të shumëpritur, në mënyrën më dinjitoze. “Kryesia e Bashkimit Evropian përshëndeti qytetarët shqiptarë dhe zhvillimin e zgjedhjeve, Komiteti i Helsinkit, Kongresi i Shteteve të Bashkuara, përshëndetën zhvillimin e këtyre zgjedhjeve. Ndaj dhe unë konsideroj këto mesazhe si mesazhet më të rëndësishme që ky vend ka marrë ndonjëherë, sepse siç e dini, ne shqiptarët kishim krijuar një problem të pamerituar në procesin e zgjedhjeve të përgjithshme në tërësi, dhe zgjedhjeve të tjera”, theksoi kryeministri Sali Berisha. Ai thotë se vlerëson pjekurinë qytetare të shqiptarëve, të cilët dëshmuan se janë qytetarë të një shteti evropian. Ai thotë se këto zgjedhje treguan se populli shqiptar ka gjithë potencialin për të ndërtuar një shoqëri demokratike si ato në vende të tjera europiane. Ndërkaq, zëdhënësja e PD-së, Majlinda Bregu theksoi se koalicioni nën udhëheqjen e Berishës, do të vazhdojë programin nacional për zhvillimin dhe integrimin e Shqipërisë. “PD është e vendosur të ndihmojë për aq sa i takon – ka rolin kryesor si parti kryesore – që ky proces zgjedhor të mbyllet brenda standardeve, duke mos patur konflikte, duke mos stisur konflikte apo situata të cilat vijnë vetëm si presion i panikut të brendshëm në kampin tjetër. Pra ne do të bëjmë është e mundur dhe çfarë mund të bëhet nga ne dhe nga numëruesit tanë që ky proces zgjedhor të përmbyllet tërësisht duke mos cenuar standardet e procesit të numërimit të votave që është faza dhe hallka më e rëndësishme.
Vlerësimet ndërkombëtare, pozitive
Vëzhguesit dhe ambasadorët në Shqipëri, vlerësojnë me nota pozitive procesin zgjedhor dhe atë të votimit në shtetin shqiptar. “Raporti ynë shfaq si zhvillime pozitive, ashtu edhe negative në administrimin e këtyre zgjedhjeve”, deklaroi Brus Xhorxh, shefi i delegacionit të Asamblesë Parlamentare të NATO-s në këto zgjedhje. Sipas tij krahasuar me zgjedhjet parlamentare të vitit 2005, është bërë progres, sidoqoftë duhen përpjekje edhe më të mëdha nga të gjitha forcat politike për të përmbushur kërkesat e standardeve ndërkombëtare. Ndërkaq, ambasadorja Odri Glover, thekson se regjistrimi dhe natyra e votimit është një e arritur e madhe për Shqipërinë. “Ligji i ri zgjedhor, i arritur me marrëveshjen e të dyja partive kryesore politike, ndërfuti një numër përmirësimesh dhe masash mbrojtëse të rëndësishme, veçanërisht lidhur me regjistrimin e votuesve dhe identifikimin e tyre”, deklaroi ambasadorja Odri Glover, shefe e misionit të vëzhguesve afatgjatë të misionit të OSBE të zgjedhjeve në Shqipëri. Në përgjithësi, përfaqësia e Misionit Ndërkombëtar të Vëzhgimit të Zgjedhjeve çmoi arritjet e bëra nga ana e institucioneve shqiptare drejt përmbushjes së standardeve perëndimore në këto zgjedhje të përgjithshme dhe bëri thirrje, nga ana tjetër, që të shtohet puna dhe vullneti i të gjitha palëve dhe institucioneve pjesëmarrëse në to për përmbylljen e procesit zgjedhor në një atmosferë demokratike e në frymën e kërkesave ndërkombëtare. Aspektet pozitive të procesit zgjedhor - Komisioni Qendror i Zgjedhjeve administroi përgatitjet teknike të zgjedhjeve në mënyrë profesionale dhe përgjithësisht brenda afateve kohore ligjore. - Procesi i regjistrimit të kandidatëve të partive politike, si dhe regjistrimi i një kandidati të pavarur, u kryen në mënyrë gjithëpërfshirëse. - Zgjedhësve iu ofrua një gamë e gjerë këndvështrimesh në sajë të numrit të madh të transmetuesve të medias së shkruar, të cilat u dhanë partive politike hapësirë për të përcjellë mesazhin e tyre. - Për herë të parë, dispozita e reja ligjore përcaktojnë kuota për prezantimin e grave si kandidate dhe anëtare të komisioneve zgjedhore të nivelit të mesëm. - Funksionimi i KQZ-së në mënyrë të hapur, si edhe akreditimi i një numri të madh vëzhguesish vendorë, përfshirë vëzhguesit e partive, rriti nivelin e transparencës në këto zgjedhje. Ndërkaq, analisti i njohur për çështjet e Ballkanit Gabriel Partosh vlerëson se një qeveri e qëndrueshme varet nga dy gjëra: nëse rezultatet janë të qarta, dhe sigurisht nëse pranohen nga pjesa e klasës politike dhe nga popullsia e vendit. “Nuk kam dyshim se në fund të fundit, në përgjithësi do të ketë një rezultat të drejtë dhe se rezultatet e zgjedhjeve do të pasqyrohen në formimin e qeverisë dhe pastaj në një stabilitet relativ në të ardhmen”, vlerëson Partosh. Ndërkaq, komisionari për Zgjerim, Olli Ren, ka inkurajuar liderët shqiptarë që t’i rrisin standardet e zgjedhjeve me normat ndërkombëtare, pasi që vëzhguesit kishin raportuar për ca shkelje. “Nga konkludimet preliminare të vëzhguesve të OSBE-së, kam vënë re se është arritur një progres i prekshëm në disa fusha”, thekson Ren. E djathta në Shqipëri, e kryesuar nga Partia Demokratike, fitoi 71 mandate, të cilat janë të mjaftueshme për të formuar qeverinë re paszgjedhore. Rezultatet finale konfirmojnë fitoren e koalicionit të udhëhequr nga kryeministri shqiptar, Sali Berisha.
Këto zgjedhje i fitoi Shqipëria
Kemi marrë përgëzimet më të mira nga miqtë tanë të mëdhenj, kryesia e Bashkimit Europian përshëndeti qytetarët shqiptarë dhe zhvillimin e zgjedhjeve; komisioni i Helsinkit të kongresit të Shteteve të Bashkuara përshëndeti zhvillimin e këtyre zgjedhjeve. Siç kisha deklaruar, në këto zgjedhje nuk ka të humbur, në këto zgjedhje Shqipëria ka fituar në mënyrën më të merituar, më të shumëpritur, në mënyrën më dinjitoze. Kur fiton vendi, qytetarët vetëm fitojnë, ndaj dhe unë konsideroj këto mesazhe si mesazhet më të rëndësishme që ky vend ka marrë ndonjëherë, sepse siç e dini, ne shqiptarët kishim krijuar një problem të pamerituar në procesin e zgjedhjeve të përgjithshme në tërësi, dhe zgjedhjeve të tjera. Ndaj dhe unë dua të shpreh vlerësimin më të madh për qytetarët shqiptarë, por edhe ata qindra mijëra burra dhe gra që në pozicione të ndryshme ligjore – nga kryetari i KQZ, tek komisionerët në qendrat e votimit në Vermosh apo Konispol – menaxhuan me përgjegjësi dhe dinjitet të madh këtë proces. Shoqëria foli, politika foli, vëzhguesit folën, mesazhet përshëndetëse erdhën nga mbarë bota. Dua gjithashtu, të ftoj komisionerët e të gjitha zonave të vendit, numëruesit që e kanë tërësisht në dorë të tyre procesin, të tregojnë përgjegjësinë më maksimale, te respektojne ligjin, ligjin dhe vetëm ligjin. Ky është apeli im për çdo zyrtar të piramidës zgjedhore të vendit, të respektohet ligji dhe vetëm ligji, nuk ka të humbur në këto zgjedhje, kanë fituar të gjithë qytetarët shqiptarë. Një lak që na vinte nëpër këmbë, e hoqëm, e lamë mënjanë.
Tani, në këto kohë që kanë mbetur, të gjithë ata që kanë procesin në dorë të tyre, duhet të jenë në lartësinë morale dhe ligjore që ky process kërkon. Ky është qëllimi për të cilin, unë jam sot para jush.
I pyetur se a është e rehatshme të qeverisni me 71 mandate, Berisha u përgjijg: Më lejoni pak të shijoj fitoren pararezultative. Më lejoni ta shijoj, ua them me bindjen më të thellë, ka qenë qëllim madhor i jetës sime, ndjehesha i lënduar, ne që e nisëm, e nisëm këtë të votonim si njerëz, me të gjitha standardet. Jam i lumtur, nuk them që ishin perfekte, por ama kishin standarde unike në botë, siç ishte numërimi me kamera. I keni parë, kudo në numërime bëhen sherre, unë jam tani në fazën e shijimit të kësaj fitoreje të madhe, pastaj motoja ime është se s’ka të humbur, nuk i them me dy mendje këto gjëra.
Ndërkaq i pyetur se duke marrë parasysh vlerësimet e ndërkombëtarëve për standardet, a besoni se do t’i hapet rruga Shqipërisë për shqyrtimin e kërkesës për anëtarësim në BE, lideri i PD-së tha: Unë besoj se ne bëmë atë që na takonte, nuk kam asnjë dyshim, asnjë arsye të dyshoj në disponibiletin e plotë të BE për të patur dyert e hapura për Shqipërinë. Natyrisht, unë them se s’kanë qenë vetëm zgjedhjet, por edhe referendumi në Irlandë dhe është normale se ky referendum vendos për fatin e një dokumenti themelor për BE. Unë kam mirëkuptim të plotë, më duket çudi, sepse çdo stimul negativ në drejtim të zgjedhësve irlandezë duhet shmangur, se ai është në interes, si të atyre që bëjnë pjesë në BE, ashtu dhe i yni që synojmë të ecim më të sigurtë drejt BE-së.