Kosova edhe zyrtarisht në FMN dhe BB

Kosova edhe zyrtarisht në FMN dhe BB

Bota sot
Presidenti i Kosovës Fatmir Sejdiu dhe kryeministri Hashim Thaçi kanë nënshkruar sot në Washington zyrtarisht anëtarësimin e Kosovës në Fondin Monetar Ndërkombëtar dhe në Bankën Botërore.




Detaj nga nënshkrimi i marrëveshjes në mes udhëheqësve shtetëror të Republikës së Kosovës dhe atyre të FMN gjegjësisht Bamkës Botërore.
Anëtarësimi i Kosovës në FMN dhe BB do t’i hapë dyert që Kosova të anëtarësohet edhe në institucionet e tjera ndërkombëtare financiare, si në Bankën Evropiane për Rindërtimin dhe Zhvillim dhe në Organizatën Botërore të Tregtisë.
Ceremonia u zhvillua në Departamentin amerikan të Shtetit dhe nga një kopje e marrëveshjeve iu dorëzuan nënsekretarit të Shtetit, Xhejms Stajberg.

Kosova nga e hëna edhe zyrtarisht i është bashkuar Fondit Monetar Ndërkombëtar dhe Bankës Botërore duke u bërë anëtari i 186 i këtyre dy institucioneve finansiare ndërkombëtare. Nënshkrimi u bë në ndërtesën e Departamentit Amerikan të Shtetit, në Dhomën e ashtuquajtur të Traktateve, në prani të zëvendëssekretarit të Shtetit, James Steinberg. Me rastin e nënshkrimit, zëvendëssekretari i Shtetit Stainberg theksoi se akti i nënshkrimit dhe i pranimit të Kosovës në FMN dhe Bankën Botërore është një rast për të shqyrtuar dhe përballur me sfidat ekonomike që ka Kosova. Vetë aktin ai e quajti një integrim të mëtejmë të Kosovës në bashkësinë ndërkombëtare.Zëvendëssekretari Stenberg theksoi se Kosovës do t’i falen 150 milion dollarë borxh që ka ndaj Bankës Botërore, një borxh i trashëguar i Kosovës nga periudha e ish Jugosllavisë. "Do t’i kthehem edhe njëherë borxhit të Kosovës ndaj Bankës Botërore për të sqaruar se e me një akt të ashtuquajtur hua e konsoliduar, Kosova merr përsipër pagesën e borxheve ekzistuese ndaj Bankës Botërore që kapin shumën prej 381 milionë dollarësh. Nga kjo shumë siç u theksua më lartë, SHBA ka premtuar se do t’i japë 150 milionë, duke e zbritur kështu borxhin e Kosovës në 231 milionë dollarë", theksoi Steinberg. Zyrtarët e Kosovës nënshkruan njohjen e pasjes së borxhit, megjithatë për t’u pranuar ai duhet të ratifikohet nga dy të tretat e deputetëve të Kuvendit të Kosovës, ashtu siç duhet të ratifikohet po nga ky Kuvend edhe anëtarësimi i Kosovës në FMN dhe Bankën Botërore. Presidenti i Kosovës, Fatmir Sejdiu dhe kryeministri, Hashim Thaçi, i nënshkruan sot artikujt e marrëveshjes për anëtarësim në Departamentin e Shtetit në Uashington.


Presidenti Sejdiu tha se vendi i tij do të ruajë disiplinën monetare dhe i falënderoi SHBA dhe të gjitha vendet që kanë mbështetur Kosovën.
Kryeministri i Kosovës Hashim Thaçi u zotua për ruajtjen e institucioneve demokratike. Ai tha se anëtarësimi në FMN dhe në Bankën Botërore do ta fuqizojë sovranitetin e Kosovës dhe perspektives për zhvillimin ekonomik të vendit.
Ceremonia e sotme shënon pranimin zyrtar të Kosovës në dy institucionet e rëndësishme financiare. Fondi Monetar e miratoi anëtarësimin në fillim të muajit maj ndërsa Banka Botërore në fillim të këtij muaji.
Ceremonia u zhvillua në Departamentin amerikan të Shtetit dhe nga një kopje e marrëveshjeve iu dorëzuan nënsekretarit të Shtetit, Xhejms Stajberg. Fondi Monetar Ndërkombëtar e miratoi anëtarësimin në fillim të muajit maj ,ndërsa Banka Botërore në fillim të këtij muaji.Kosova do të ketë të drejtën për të marrë kredi miliona dollarëshe të mbështetura nga këto dy institucione si dhe ekspertizë për zhvillimin e ekonomisë, të infrastrukturës dhe shoqërisë.
Anëtarësimi në këto dy institucione shumë të rëndësishme financiare ndërkombëtare, përveç peshës politike, është edhe një inkurajim shtesë për shtetin e Kosovës që të vazhdojë të ruajë stabilitetin makro ekonomik përmes disiplinës buxhetore dhe fiskale. Në delegacionin e Kosovës morën pjesë edhe ministri i Jashtëm i Kosovës, Skënder Hyseni dhe ministri i Ekonomisë, Ahmet Shala. Presidenti Sejdiu dhe kryeministri Thaçi e kanë quajtur pranimin e Prishtinës në këto institucione ndërkombëtare një sukses dhe zhvillim historik, që përmirëson imazhin e Kosovës në botë. Të hënën, udhëheqësit e Kosovës do të takohen me drejtorin menaxhues të Fondit Monetar Ndërkombëtar, Domique Strauss-Khan dhe me presidentin e Bankës Botërore, Robert Zoellick.