Organizatorët e ceremonisë: Adhurues qëndroni larg

Organizatorët e ceremonisë: Adhurues qëndroni larg

E përgatiti: Diella XHOKLI





Derisa adhuruesit e shumtë përgatiten të vijnë në Los Anxhelos për t’i dhënë edhe lamtumirën e fundit Michael Jackson-it në ceremoninë që do të mbahet për varrimin e tij, organizatorët ju bën ftesë publike atyre që këtë ngjarje ta përcjellin nëpërmjet televizionit, nga frika se mund të bëhet tollovi e madhe dhe mund ta pengojnë mbarëvajtjen e ceremonisë.
Përcillni ngjarjen në televizion
Duke folur në një konferencë për shtyp gjatë natës pse kaluar, organizatorët i bën publike planet se si do të shpërndahen 17.500 bileta për këtë ngjarjen në Staples Centre, Los Anxhelos, dhe shtuan se adhuruesit do të “qëndrojnë” larg kësaj zone. “Në qoftë se ju nuk keni biletë, në qoftë se ju nuk jeni kredencial, jo vetëm që nuk do të lejoheni në vendngjarje, por ju nuk do të lejoheni as në hapësirën përreth", tha shef i Departamentit të Policisë, të Los Anxhelosit Earl Paysinger. Zyrtarët thanë se nuk do të ketë procesion të funeralit dhe se kjo ceremoni nuk do të shfaqet në ekranin gjigand jashtë vendit të ngjarjes. "Unë do të inkurajoja të gjithë adhuruesit dhe dashamirësit e Michael Jackson-it që të përfitojnë nga rasti dhe këtë ngjarje ta përcjellin në transmetimin televiziv," tha z.Paysinger.
Biletat shpërndahen nëpërmjet internetit
Organizatorët ndërkohë zbuluan se biletat për këtë veprimtari do të shpërndahen nëpërmjet internetit. Rreth 11.000 biletat do të jenë në dispozicion për këtë ngjarje brenda Staples Centre, ndërsa një shtesë prej 6500 bileta do të shpërndahen për tifozët që do ta përcjellin ceremoninë nga teatri fqinj “Nokia”. Ceremonia për varrimin e Michael Jacskonit do të mbahet të mërkurën.

Staple Centre në Los Anxhelos, vendi ku do të organizohet shërbimi për Michael Jackson-in