Re: poeti ynë RRUSTEM GECI

nga shaban cakolli Tue Dec 23, 2008 6:24 pm

T R Ë N D Ë L I N A
Nata sonte më veç ka rënë
unë mbështillem si gjësend
dhe ëndërroj... mes vetmisë
një diell tjetër të l i r i s ë
Dhembja ime s’ ka një fund
kupën e saj me se ta tund
dhimbja ime rron tek flaka
ajo rrënjët i ka tek plaga
Zemra diellin e dëshiron
dielli zemrën e frymëzon
nata sonte v e ç ka r ë n ë
unë mbështillem si gjësend

nga shaban cakolli Tue Dec 23, 2008 6:24 pm

S H P R E S A
Shpresa , a të kujtohet ty
ajo mbrëmje e Prishtinës
kur unë e ti putheshim
lulet të çelin të bukura
Në ato vite të rinisë sonë
ne nuk rrinim duarkryq
e shquanim njëri-tjetrin
dhe praninë e pushtuesit
Shpresa, a e mban mend
atë takimin në Prishtinë
se në ato vite të rënda
ne këndonim së bashku

nga shaban cakolli Tue Dec 23, 2008 6:25 pm

I H U A J I

Të dielën, të hënën
I "bardhi" ish i zi
Të hënën, të dielën
Një shi puth një shi!
Dardani e Monika
"Romeo e Zhulietë"
Monika e Dardani,
Drama ishin v e t ë
Liqenit të Gjenevës
Dallga-dallgën tund
Mbi varkë të liqenit
Putheshin pa fund!
Të dielën , të hënën
S h i t ë s i ishte i ri
Pas luleve e banakut
Monika s´ishte e tij!
Qyteteve të Evropës
"Biznesi" s´ ka kufij
Kulmet a r r i h e n
Por drama përmbi!..

nga shaban cakolli Tue Dec 23, 2008 6:25 pm

G J I L A N I T

poetit, Rexhep Elmazit
I vetëm, i vetëm
si një qytet në shi
vrasësi të vrau
tek v a r g u i ri!...
Gjilanit në këngë
më i m i r i djalë
Gjilanin e deshe
në Gjilan të vranë!
Zemra tha paguan
kënga do të mbesë;
të vranë e të shanë,
të shanë e të vranë!
Gjilanit në këngë
më i m i r i djalë
Gjilanin e deshe,
në Gjilan të vranë!...

G j i l a n, 1980

nga shaban cakolli Tue Dec 23, 2008 6:26 pm

S H Q I P T A R Ë T

Nëse luftën nuk na e pranojnë
shqiptar, bërtit me sa fuqi ke
në dhomë, në banjo, në balkon
nëpër shtëpitë tuaja të bukura
nëpër trotuare , nëpër shkolla
bërtit tek të mbjellat tuaja
bërtit në rrugë, para pallateve
nëpër qytete dhe fshatra, bërtit,
bërtit , me sa f u q i ke, që të
dëgjojë toka e qielli, bërtit çdo
kund ka shtypje, çdo kund ku
ka pushtim,Kosovë,bëhu e lirë
dhe ngritu të dëgjojnë të rënët
se këtu jemi! Dhe gjallë jemi!

nga shaban cakolli Tue Dec 23, 2008 6:27 pm

KËNGË PËR LIRI

Të gjitha kohëve gjak u dhamë
në fushë të betejës e punë të rëndë
gjak dhamë për tokë e për qiell
gjak dhamë që të rrojmë më mirë
Të gjitha kohëve gjak u dhamë
që l i r i n ë ta kemi më tamam
me të drejta të njohura dhe ligje
Të gjitha kohëve gjak u dhamë
në Trojën e parë Trojën e vranë
në Trojën e dytë Trojën e ndanë
në Trojën e tretë turqit na ranë
të gjitha kohëve gjak u dhamë,në
fushë të betejës e punë të rëndë

Rrustem Geci - Dortmund / nëntor, 2008

nga Sponsored content

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30