Afirmimi i njerëzve tanë në botë

nga **Agim Gashi** Sat Aug 15, 2009 11:59 am

Anton Nikë Berisha bëhet anëtar i Sindikatës së pavarur të shkrimtarëve italianë

Afirmimi i njerëzve tanë në botë

Nga Jeton Kelemendi

Studiuesi i letërsisë dhe romansieri, Anton Nikë Berisha, aktualisht profesor i letërsisë shqipe në Universitetin e Kalabrisë (Itali) u bë anëtar i Sindikatës së pavarur të shkrimtarëve italianë. Më rastin e dorëzimit të librezës së anëtarësimit të Berishës në këtë organizatë (u pranuan edhe disa anëtarë të tjerë), për veprimtarinë e tij letrare foli kryetari i Sindikatës së pavarur të shkrimtarëve italianë për Kalabrinë, Sergio (Serxho) Paolo Foresta. Ai përmendi sidomos veprat e Berishës të botuara në italisht në Kozencë, Palermo, Soveria Mannelli (Katanxaro) si dhe ato në shqip në Prishtinë dhe në Tiranë.
Në këtë tubim, që u bë më 21 prill në qytetin e Katanxarës dhe iu kushtua tetë vjetorit të vdekjes së shkrimtarit Françesko Grizit, njëri ndër themeluesit dhe udhëheqësit të Sindikatës së pavarur të shkrimtarëve italianë, Berisha foli për dy romanet e shkrimtari Grizi: “A futura memoria” (Kujtesës të së ardhmes) dhe “La dolce compagna” (Shoqëruesja e ëmbël), duke i vlerësuar ato si romane artistikisht për shumëçka të rëndësishme e të papërsëritshme në prozën bashkëkohore italiane.
Në Itali Anton Nikë Berisha botoi një varg librash në italisht, prej të cilave po përmendim sidomos: “Tre saggi sull’opera di Giuseppe Schirò”. Palermo 1997; “Antologji e poezisë gojore arbëreshe. Antologia della poesia orale arbëreshe”. Rubbettino, Soveria Mannelli, Catanzaro 1998; “Antologji e poezisë bashkëkohore arbëreshe. Antologia della poesia contemporenea italo-albanese”. Përkthimet në italisht Vinçenc Belmonte. Centro Editoriale e Librario dell’Università degli Studi della Calabria. Cosenza 1999; “Su due opere di Girolamo De Rada”. I Canti di Milosao & Skakderbeg sfortunato. Palermo 2004 dhe përgatiti për shtyp përcjellë me një studim hyrës “Vepra letrare e Dushko Vetmos” (L’epera letteraria di Dushko Vetmo), Kozencë 2007.
Në Itali në shqip Berisha botoi monografitë për Martin Camajn, Ernest Koliqin dhe zgjedhjet me poezi të poetëve bashkëkohorë arbëreshë të Vorea Ujkos, Lluka Perrones, Zef Skiro di Maxho etj. Po ashtu bëri zgjedhjen dhe shkroi parathënien për poezinë e Azem Shkrelit të botuar në italisht “Parole di pietra”, Bari 2005, përkthyer nga Amik Kasoruho.
Xhelku Maksuti dhe ambasadori Marko Bello në manifestimet e Bashkësisë Kulturore të Shqiptarëve të Rumanisë (1995)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30