Ftesë për krijuesit shqiptarë në mërgatë

Ftesë për krijuesit shqiptarë në mërgatë

Nga LSHAKSH në Gjermani

Lidhja e shkrimtarëve, artistëve dhe krijuesve shqiptarë në Gjermani, me aktivitetet e veta të gjertanishme kulturore deri diku ka mbuluar kërkesat kulturore të mërgimtarëve tanë shqiptarë në Gjermani, me aktivitete të ndryshme kulturore ka afruar afër njëri-tjetrit, krijues të ndryshëm, ka afruar krijuesit me bashkatdhetarët e vet në mërgatë, ka afruar mërgatën shqiptare në Gjermani me atdheun e vet, Shqipërinë e bashkuar, dhe ka bashkuar dashamirët e fjalës së shkruar me krijuesit e saj. LSHAKSH-ja në Gjermani ka mbi njëqind anëtarë nga të gjitha qytetet e Gjermanisë, që përfaqësojnë pothuaj të gjitha veprimtaritë kulturore. LSHAKSH-ja në Gjermani ka bërë promovimin e dhjetëra librave të rinj nga anëtarë të saj dhe publikimin e tyre, disa ekspozita, nga piktorët tanë si edhe ekspozitë të fotgrafive. Në këtë Lidhje gravitojnë poetë, shkrimtarë, artistë të skenës teatrore, të këngës, pastaj grupi i valleve, piktorë dhe aktivistë të ndryshëm që i kontribuojnë prezantimit dhe publikimit të aktiviteteve kulturore në Gjermani. LSHAKSH-ja në Gjermani ne vitin 2008, botoi revistën letrare “Muza shqiptare” e parashikuar fillimisht dy herë në vit, me pretendime që ta botojmë më shpesh kurdo që të vijnë ditë më të mira. Revista ka përmbajtje ekskluzivisht letrare dhe përfshinë mbi pesëdhjetë autorë të gjinive të ndryshme letrare e kulturore.
Tani po përgatitemi për botimin e numrit të dytë të revistës; “Muza shqiptare”. Ju lutem të na dërgoni punimet tuaja sa më parë qe mundeni në mënyrë qe ta përgatisim numrin e dytë së paku për festen e 28 Nëntorit, në e-mail: palsokoli@hotmail.com ose kontaktoni përmes Webfaqes: www.unus.cabanova.de ose në tel: 0049 179 675 6023.
Ju lutëm qe ta ndihmoni aktivitetin tonë të mëtutjeshëm me aktivitete te juaja, me krijime tuaja dhe me pagesën e anëtarësisë se Lidhjes sonë. Pagesa e anëtarësisë ndihmon direkt edhe vazhdimin e botimit të revistës ”Muza shqiptare”. Kontributet tuaja mund t´i derdhni ne këtë konto: Alb. BSKK -in Deutschland e. V, Konto Nr. 7001704, BLZ. 45451060, Sparkasse Ennepetal – Breckerfeld.
Pal Sokoli, redaktor përgjegjës i “Muza shqiptare” dhe arkatar i LSHAKSH-në Gjermani