KQZ, jo përdorimit të kamerave në votime

KQZ, jo përdorimit të kamerave në votime

Komisioni Qëndror i Zgjedhjeve nuk ka miratuar përdorimin e kamerave gjatë procesit zgjedhor në votimet e ardhshme. Në nëntor në Kosovë do të zhvillohen zgjedhjet për pushtetin lokal.



Kryetarja e KQZ-së, Nesrin Lushta
Opozita kishte kërkuar përdorimin e kamerave si një mjet për të mënjanuar keqpërdorimet dhe shkeljet gjatë procesit të zgjedhjeve

Komisioni Qendror Zgjedhor (KQZ) ka marrë vendim për mos instalimin e kamerave në vendvotimet e zgjedhjeve lokale të 15 nëntorit, e cila ka qenë kërkesë e AKR-së, me arsyetimin se nuk ka kohë të mjaftueshme për implementimin e projektit. Në mbledhjen e sotme, KQZ-ja ka hedhur poshtë edhe kërkesën e partisë tjetër opozitare LDD-së, për vendosjen e kamerave në gjashtë komuna dhe në qendrën e numërimit të votave, me arsyetimin se në qoftë se do të miratohej një vendim i tillë do të anashkaloheshin komunat e tjera.
Kryetarja e KQZ-së, Nesrin Lushta, ka deklaruar se vendimi për mos vendosjen e kamerave është marrë për shkak të kohës së shkurtër për implementimin e projektit. “Kërkesa e AKR-së për rivendosjen e vendimit, të cilin KQZ-ja paraprakisht e ka marrë, është refuzuar. Kërkesa e dytë ishte kërkesa e LDD-së lidhur me vendosjen e kamerave në vendvotime në 6 komuna dhe në qendrën e numërimit të rezultateve dhe u mor vendim që të mos aprovohet”, tha Lushta.
Sipas saj, disa nga arsyet e refuzimit të kësaj kërkese janë kostoja e lartë e blerjes së kamerave dhe koha e shkurtër e përgatitjeve deri në mbajtjen e këtyre zgjedhjeve.
Është kohë e shkurtër, është kostoja...
“Është kohë e shkurtër, është kostoja. KQZ-ja, jo vetëm që vendos për vendosjen e kamerave ose jo, por duhet edhe vetë të implementojë. D.m.th. nëse e aprovon një kërkesë të tillë, duhet vetë ta implementojë”, u shpreh Lushta.
Partitë politike në opozitë kanë reaguar ndaj këtij vendimi, duke e cilësuar atë si shkelje të vullnetit të qytetarëve, marrë parasysh faktin që, siç thonë ata, 50 për qind e elektoratit u takon partive politike në opozitë.
Fadil Maloku, përfaqësues i Aleancës Kosova e Re në KQZ, thotë se vendimi është marrë në disfavor të transparencës, llogaridhënies dhe përgjegjësisë së këtij institucioni shumë të rëndësishëm, që në zgjedhjet lokale të japë testin e parë se si të menaxhohet procesi i zgjedhjeve. 50 % e vullnetit të qytetarëve të Kosovës është shkelur sot me këtë votim që nuk u bë për futjen e video-kamerave.
“Mbi 50 % ishin pro, LDK-ja, AKR-ja, AAK-ja, LDD-ja. Nëse shkojmë në këtë kalkulim, del diku se 50 % e vullnetit të qytetarëve të Kosovës është shkelur sot me këtë votim që nuk u bë për futjen e video-kamerave”, tha Maloku.
Ndërkaq, rreth vendosjes së kamerave në qendrat e numërimit, kryetarja e KQZ-së, zonja Lushta, tha se kjo çështje do të diskutohet edhe një herë në njërin nga takimet e radhës së KQZ-së.
“Për pjesën e kërkesës së LDD-së, që ka të bëjë me vendosjen e kamerave në qendrën e rezultateve, nuk u mor vendim i prerë. Kështu që mendoj se në takimet e ardhshme do t’i kthehemi edhe një herë çështjes së vendosjes së kamerave vetëm në qendrën e numërimit të rezultateve”, theksoi Lushta.
Por, përfaqësues të opozitës shprehin bindjen se në këtë mënyrë po shkohet drejt keqkuptimeve dhe keqpërdorimeve. Zoti Maloku thotë:
“Paramendoni situatën nesër, nëse dikush prej nesh del e thotë që ky është rezultati i zgjedhjeve lokale, e dikush e konteston me mish e me shpirt atë”.
Sido që të jetë, opozita kishte kërkuar përdorimin e kamerave si një mjet për t’i mënjanuar keqpërdorimet dhe shkeljet gjatë procesit të zgjedhjeve.

KQZ: S’ka kamera në zgjedhje lokale
Komisioni Qendror i Zgjedhjeve ka vendosur edhe një herë kundër përdorimit të kamerave në zgjedhjet lokale. Lihet hapësirë për aplikim të tyre vetëm në qendrën e numërimit dhe të rezultateve.




Nga Express

Komisioni Qendror i Zgjedhjeve edhe për herë të dytë ka vendosur kundër kërkesës së disa partive opozitare për vendosjen e kamerave në qendrat e votimit dhe atë të rezultateve - për zgjedhjet lokale të 15 nëntorit.

Organizatori kosovar i zgjedhjeve, të hënën në një takim, është arsyetuar se kostoja e lartë e kamerave dhe koha a shkurtër e përgatitjeve e bëjnë vendimin e tyre ta pandryshueshëm.

Kryesuesja Nesrin Lushta ka shpjeguar vendimet e KQZ’së.

“Kërkesa e AKR’së për rivendosjen e vendimit, të cilin KQZ-ja paraprakisht e ka marrë, është refuzuar. Kërkesa e dytë ishte kërkesa e LDD-së lidhur me vendosjen e kamerave në vendvotime në 6 komuna dhe në qendrën e numërimit të rezultateve dhe u mor vendim që të mos aprovohet”, tha Lushta.

Ajo ka saktësuar se arsyet e refuzimit të kësaj kërkese janë kostoja e lartë e blerjes së kamerave dhe koha e shkurtër e përgatitjeve deri në mbajtjen e zgjedhjeve.

“Është kohë e shkurtër, është kostoja. KQZ-ja, jo vetëm që vendos për vendosjen e kamerave ose jo, por duhet edhe vetë të implementojë. D.m.th. nëse e aprovon një kërkesë të tillë, duhet vetë ta implementojë”, është shprehur Lushta.

Përfaqësuesit e partive opozitare në KQZ kanë reaguar kundër vendimit dhe e kanë vlerësuar atë shkelje të vullnetit të qytetarëve.

Përfaqësuesi i Aleancës Kosova e Re Fadil Maloku ka thënë se vendimi është marrë në disfavor të transparencës, llogaridhënies dhe përgjegjësisë së këtij institucioni shumë të rëndësishëm, që në zgjedhjet lokale do të duhej të japë testin e parë se si të menaxhohet procesi i zgjedhjeve.

“Mbi 50 % ishin pro, LDK-ja, AKR-ja, AAK-ja, LDD-ja. Nëse shkojmë në këtë kalkulim, del diku se 50 % e vullnetit të qytetarëve të Kosovës është shkelur sot me këtë votim që nuk u bë për futjen e video-kamerave”, ka thënë Maloku.

Kryesuesja Lushta ka thënë se kjo çështje do të diskutohet edhe një herë në njërin nga takimet e radhës së KQZ-së.

“Për pjesën e kërkesës së LDD-së, që ka të bëjë me vendosjen e kamerave në qendrën e rezultateve, nuk u mor vendim i prerë. Kështu që mendoj se në takimet e ardhshme do t’i kthehemi edhe një herë çështjes së vendosjes së kamerave vetëm në qendrën e numërimit të rezultateve”, ka thënë Lushta.