Fatmire Bajramaj dy gola për kombëtaren e Gjermanisë

Fatmire Bajramaj dy gola për kombëtaren e Gjermanisë

Kemajl Goca, BOTA SOT
Të lumtë Fatmire Bajramaj. Kjo futbolliste shqiptare mahniti me lojën e saj mbi 7500 adhurues të tubuar në stadiumin e futbollit në Tampere, ku mrekulloi me lojë në hapje të Kampionatit Evropian në futboll në Finlandë për femra.



Fatmire Bajramaj djathtas me flokë të zeza me bashkëlojtare i gëzohet fitores së kombëtares gjermane

Futbollistja shqiptare, Fatmire Bajramaj është mjeshtër e futbollit. Ajo këtë e dëshmoi në ndeshjen e parë të Kampionatit Evropian në futboll për femra që po mbahet në Finlandë. Fatmirja mjeshtër e golave, arriti dy herë të shënoi për kombëtaren e Gjermanisë në fitoren bindëse me rezultat 4:0 kundër Norvegjisë. Futbollistja shqiptare që në kampionatin gjerman luan për skuadrën Turbine Potsdam, mrekulloi me lojë dhe më golat e shënuar në kombëtaren më të fuqishme gjermane. Gjermania që bënë pjesë në grupin B në evropian tregoi angazhim të pashoq dhe me futjen në lojës të shqiptares Fatmire Bajramaj dëshmoi lojë gjithnjë e më të pëlqyeshme. Fitorja ishte e pashmangshme me shifra kaq të thella. Pra, kombëtarja e Gjermanisë në futboll në konkurrencën e femrave ka pasur një fillim të suksesshëm të Kampionatit evropian në Finlandë. Në Tampere, gjermanet shënuan fitore me rezultat të thellë 4:0 ndaj kombëtares së Norvegjisë.
Fatmire Bajramaj me bashkëlojtaren Mittag

Gjermanet kanë pasur një nsimë të furishme dhe si pasqyrë e kësaj shënuan fitore me rezultat të lartë. Gjermanet kaluan në epërsi në minutën e 33-të me golin e shënuar nga penalltia nga futbollistja e shquar Bresonik. Pjesa e parë e ndeshjes përfundoi me rerzultat 1:0 për gjermanet, për të shpërthyer në pjesën e dytë me hyrjen në lojë në minutën e 65-të të shqiptares Fatmire Bajramajt. Në minutën e 90-të kryetrimja e ndeshjes, Fatmire Bajramaj shënoi golin e parë të saj dhe epërsinë në 2:0 për gjermanet. Pas pas dy minutave (90+2) Mittag e ngriti në 3:0. Dhe epërsinë e thellë 4:0 e shënoi Bajramaj, duke hyrë në histori me shënimin e dyfishtë të saj dhe ngritur epërsinë përfundimtare 4:0 në favor të gjermaneve. Dy golat e Bajramajt bënë gëzimin e jashtëzakonshëm të kombëtares gjermane dhe aq më tepër qysh në ndeshjen e parë të evropianit. Kjo ndeshje është zhvilluar në praninë e 6.000 adhuruesve të futbollit në stadiumin Tampere të Finlandës. Gjermanet nisën një mision të mirë në mbrojtje të titullit të kampionit evropian. Rivali i ardhshëm i gjermaneve do të jetë Franca dhe ky ballafaqim zhvillohet të ejnten mbrëma në orën 19.00 dhe pas tri ditëve takohen me Islandën në orën 15.00.

Gjermania-Norvegjia 4:0 (1:0)
Stadiumi Tampere në Finlandë.
Shikues: 7500.
Gjyqtarë: Alexandra Ihringova (Anglia)
Shënues: Bresonik (33'-nga penalltia), Bajramaj (90' e 90+4), Mittag (90+2).
K.V: Kulig, Bresonik (Gjer), Mjelde (NO).
Bresonik (33., Foulelfmeter), 2:0 Bajramaj (90.), 3:0 Mittag (90. +2), 4:0 Bajramaj (90. +4)
Gjermania: Angerer, Schmidt, Krahn, Hingst, Peter, Garefrekes (Bajramaj 65'), Kulig, Bresonik, Behringer (Mittag 86'), Prinz dhe Grings (C.Okoyino Da Mbabi 65').
Norvegjia: Hjelmseth, Akerhaugen, Rönning, Mjelde (Pedersen 72'), Huse, Gulbrandsen, Stensland, Storlökken (Giske 80'), Lövbraek, Herlovsen dhe Thorsnes (Larsen Kaurin 58').