Lohan në shok, hajnat i kanë hyrë në shtëpi

Lohan në shok, hajnat i kanë hyrë në shtëpi






Shtëpia e aktores ‘problematike’ dhe 'të papërmirësueshmes' Lindsay Lohan, ka qenë cak i hajnave të cilët pasi e kanë ndalur alarmin i kanë thyer shulat e derës. "Ajo është në rregull, por është shumë e frikësuar ", deklaroi nëna e Lindsay-t, njëherësh edhe menaxherja e saj, Dina për 'The Sun'. "Çantat, këpucët dhe ari janë vjedhur. Falë Zotit që Lindsay nuk ishte në shtëpi", shtoi Dina. Shtëpia e aktores 23-vjeçare, e cili ndodhet në Los Anxhelos, është thyer edhe muaj më parë, por asgjë nuk kishte munguar atëherë. Nëna e saj tha që Lohan ka një kohë bukur të gjatë që mendon për zhvendosje, por pas kësaj ajo thotë: "E zhvendosim në një vend më të sigurt". Kjo ngjarje nuk i shkon aspak për shtati edhe ashtu situatës jostabile në të cilën gjendet aktorja e re. Bashkë me 'party-t e trenta', në të cilat shpesh argëtohet, kishte edhe një lidhje turbulente lesbike, ndërsa peshën e saj të dobët shumica e kanë lidhur me anoreksinë./ D. XH.